منتديات رامي و أصدقاء جوستن تي في
عفوآ أنت لم تسجل بعد في المنتدي وستكون بعض الاقسام محجوبه عنك
يمكنك الآن التسجيل لن تستغرق بضعه ثوان وستصبح عضوآ معنا لتتمتع بكل أمكانيات المنتدي وكذلك إضافه المواضيع

منتديات رامي و أصدقاء جوستن تي في

المنتدي الرسمي لمشجعي رانيا نجيب الجزار ستار اكاديمي صور - فيديو - محمد علي المغربي ستار اكاديمي-محمود شكري ستار اكاديمي 7 -صور-اغاني-معلومات-شات-مسابقات-موسيقي-افلام عربيه -أفلام اجنبي-مسرحيات-برامج-المنتدي الرسمي ستار اكاديمي 8
 
الرئيسيةالبوابهس .و .جالتسجيلدخول
::::الآن وحصريآ بالمنتدي ::: بقاعه سينما رامي ::: يمكنكم مشاهدة و تحميل :: فيلم أذاعة حب : بطولة : منه شلبي :: فيلم :: الفيل في المنديل بطولة : طلعت زكريا :: فيلم سامي اكسيد ال كربون بطولة : هاني رمزي ودره :: فيلم المركب بطولة : يسرا اللوزي و رامز امير ::  فيلم الفاجومي  بطولة :صلاح عبد الله والهام شاهين و خالد الصاوي :: فيلم صرخة نمله بطولة : عمرو عبد الجليل و رانيا يوسف مع بداية عرضه بدور السينما

شاطر | 
 

 سعدية وميدو تم اضافة الحلقة الاخيرة

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: سعدية وميدو تم اضافة الحلقة الاخيرة   الجمعة 6 فبراير 2009 - 21:20

قصة جامدة جدا اسمها

سعدية الصعيدية وميدو الاستايل



عبارة عن حلقات .. هنزل كل يوم حلقة ودة يعتمد على التشجيع طبعا
علشان لو مش عجبتكوا خلاص.......

الشخصيات اللى فى القصة الى بتدور عليهم معظم احداثها هما:


ميدو

سعدية

جنى صديقة ميدو

ندى صديقة سعدية


الحلقه الاولى




جه جواب التنسيق لسعديه وفتحت الجواب لقت جامعه القاهره

سعديه : يا دى اليوم لاسود انهرده يادى النيله

ام سعديه : ايه يابتى مالك

سعديه : الحجى يامه جواب التنسيج جه القاهره

ام سعديه : وماله يابتى عمك هناك روحى عند عمك

سعديه : انا مش بطيج مرته دى الى عامله زى ام اربعه واربعين

ام سعديه :معلش يابتى ايام وجضيها وخلاص

سعديه :امرى لله انا عارفه حظى اسود من يومه

هروح وخلاص

وجه معاد السفر

ركبت سعديه القطر وفى طريقها للقاهره

سعديه : يا سوادى هى السكه مالها طويله جوى ليه كده يا مهون هون علشان انا زهجت ومليت من الجعده دى

وصلت سعديه وراحت عند عمها خبطت على الباب فتحت مرات عمها

سعديه : اهلا يا مرت عمى

مرات عمها : مين سعديه

سعديه : ايوه سعديه امال هيكون عفريتها ولا ايه

مرات عمها : ازيك يا بنتى منوره

عمها يجري على الباب و يقول مين سعدية ازيك يا بتى واللي في البلدعاملين ايه

سعديه : طيب مش تدخلونى وبعدين تسلموا ولا هنجضيها سلامات من على الباب الشنطه خلعت كتفى

عمها : ادخلى يا بنتى اهلا وسهلا

ورحبوا بيها وسلمت على عمها واولاده

وتانى يوم كان الدراسه

صحيت بقى سعديه واستعدت وراحت على الجامعه مع عمها لانها متعرفش السكه دى اول مره هتروح فيها

وصلها عمها وشرحلها الطريق

دخلت سعديه الجامعه

لقت بنات بقى وشباب استايل اوى

اول مره تشوف كده

سعديه : وى وى وى وى وى يا بوى

ايه الى البنات عاملينه فى نفسهم ده

المحزج والملزج وايه الالوان الى فى شعرهم دى

استغفر الله العظيم يا ربى

والولاد مالهم كده مطولين شعرهم وموجفينه زى ما يكونوا مكهربين

دول ما يجلوش حاده عن البنات

عشنا وشفنا وانا مالى انا الحج بجى محاضراتى

ودخلت بقى سعديه قاعه المحاضرات

بتدور على مكان تقعد فيه

سعديه : ايوووووووووه يا ولاد ايه الى بيحصل ده

الاولاد جمب البنات كده وملزجين فى بعض

انا هجعد زيهم كده لا والله لا يمكن ابدا

انا هفضل واجفه احسن

دخل الدكتور لقى كل الناس اعده الا هى

بيقلها يا بنتى اعدى

سعديه : اجعد ازاى يا دكتور جمب الولاد كده عادى لا والله ما يحصل ولا يكون

الدكتور:ههههههه اعدى جمب اى بنت

طيب اى حد يا بنات يقعدها جمبه

وحده من البنات قالتلها تعالى هنا جمبى

اعدت سعديه واتعرفت عليها انتى اسمك ايه قالتلها اسمى ندى وانتى قالتلها سعديه المهم بعد ما خلصت المحاضره اتعرفوا على

بعض وبقوا صحاب اوى

وخلص اليوم وخلصت المحاضرات وجه معاد انها تمشى لبيت عمها

خرجت سعديه هى وندى

وبعدين
تاااااااااااااااااااااابع
فى الحلقه الجايه

(القصه منقوله)
santa santa santa jocolor

_________________
انا قطة المنتدى واللى يضايقنى هخربشو نياااااااااااااااو


عدل سابقا من قبل elbetnona في الأحد 12 يوليو 2009 - 15:38 عدل 24 مرات
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   السبت 7 فبراير 2009 - 21:45

يانصييييييييبتى محدش قرأ القصة ؟ يقطعكم
خلاص انا هنزل باقى الاجزاء واجرى على الله يامنتدايا الحزين

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الإثنين 9 فبراير 2009 - 19:14

الحلقه التانيه






تانى يوم راحت بقى سعديه على الجامعه

اول لما خلصت اول محاضره

سعديه : يا ندى انا جعانه جوى تعالى نجيب اى حاجه ناكولها

ندى: خلاص تعالى يا سعديه نروح كافتريا الكليه

سعديه : لا دى كولها مليانه شباب ياختى انا مش هروح هناك

ندى : لا تعالى بس احنا ملناش دعوه بحد هناك

سعديه : طيب يلا اما نشوف

راحت سعديه وندى الكافتريا و اول لما اعدوا كان اعد قصادهم مين عمنا ميدو بقى

ميدو اول اما شاف سعديه اعد يضحك بقى بصوت عالى

سعديه بصتله بقرف اوى وقالت

سعديه : هو ماله الواد ده اللى شبه الديك الازعر بيضحك ليه كده

ندى : احنا مالنا يا سعديه هو بيضحك وخلاص

سعديه : ليه يا بت شايفنا ارجوزات جودامه ده واد حيوان وعايز يتهزج

ندى : بصى احنا ناكل ونمشى من هنا

سعديه : طيب احسن بردو انا جولتلك بيومك لاسود ده انا مش هاجى الكافتريا دى

خلصوا اكل ودخلوا قاعه المحاضرات

واعدوا دخل طبعا وراهم الاستاذ الفاضل ميدو

وكانت معاه وحده صحبته

وشاف سعديه بردو واعد يشاور عليها ويضحك

سعديه اتنرفزت اوى طبعا والعرق الصعيدى طلع

سعديه : بصى يا بت يا ندى بيعمل ايه الواد ده بيضحك تانى

ندى : انت حضرتك بتضحك ليه

ميدو : ههههههههههههه لا ولا حاجه يا انسه ههههههه

سعديه : فرحان جوى وانت فاتح خشمك كده جاتك نيله عليك وعلى بوزك الفجرى

ميدو : وليه الغلط يا ااااااااا؟

سعديه : يا اااااااا ايه ما تنطج

ميدو : يا حجه هههههههه

سعديه : تعرف انك مش محترم وعيل جليل ادب وعايز تتربى

ميدو : انتى انتى انتى تربينى انا

وطبعا الاستاذ ميدو بيستفزها بمياعته وبالحركات الى بيعملها

ندى : طيب ممكن اعرف بتضحك ليه

ميدو : انتى مش شايفه جمبك تحفه فنيه بجد ههههههه

سعديه : تحفه فنيه ما تحطنى فى متحف الشمع يا خوى

انا تحفه وانت تبجى ايه بشعرك اللى مكهربه ده وبنطلونك اللى هيوجع منك ارفع بنطلونك وبعدين اتكلم

ميدو طبعا مش عليه غير انه يضحك هو وصحبته

سعديه : يلا يا ولاا انت خد الفرخه بتاعتك دى وغور من هنا اتكشح يلا

ميدو دى فرخه دى جنى صحبتى

سعديه : جنى ولا عفريت وانا مالى غور احسن افرج عليك الجامعه كلها

ميدو : انا مش ارد عليكى انتى مش من مستوايا

سعديه : مستوى مين يا بو مستوى انت حوساله وعرة الشباب كمان ولو شفت وشك هنا هضربك بالبولغه

ندى : خلاص يا سعديه هو فعلا مش محترم بس انتى بردو هزقتيه

سعديه : انتى مش شايفه حيلت امه بيعمل ايه

ندى : معلش

المهم ندى هدت سعديه وخلصوا محضراتهم ورواحوا


بعد لما خرجت سعديه من الجامعه علشان تروح

خرج وراها طبعا عمنا ميدو هو وجنى صحبته بالعربيه بتاعته

واعد يرخم عليها ويضايقها

راحت سعدية.........



ونكمل بقى الحلقة اللي جاية

و عايزة تشجيع بقى علشان اكملها

استنوني

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
Admin
Admin
avatar

ذكر
عدد الرسائل : 8186
تاريخ التسجيل : 04/11/2008

مُساهمةموضوع: رد: سعدية وميدو تم اضافة الحلقة الاخيرة   الثلاثاء 10 فبراير 2009 - 4:46

والله والله انا حطيت رد علي الموضوع وعلي القصه ساعه ما اعطيتيني الرابط ..

وطلبت منك تكملي يا ماميا ومش لاقي الرد ومش عارف

اختفي ازاي الرد بتاعي cherry

المهم

حلوه القصه اوي يا مامايا ومستني الباقي وفيها شويه الفاظ تحفه اوي ههههههههههههههههه

للأمام يا ست الكل وفي انتظار المزيد والبقيه

_________________
ـــــــــــــــــــــــــــــــــــ
منتديات رامي
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الثلاثاء 10 فبراير 2009 - 16:06

Admin كتب:
والله والله انا حطيت رد علي الموضوع وعلي القصه ساعه ما اعطيتيني الرابط ..

وطلبت منك تكملي يا ماميا ومش لاقي الرد ومش عارف

اختفي ازاي الرد بتاعي cherry

المهم

حلوه القصه اوي يا مامايا ومستني الباقي وفيها شويه الفاظ تحفه اوي ههههههههههههههههه

للأمام يا ست الكل وفي انتظار المزيد والبقيه


ولا يهمك ابنى
اعتبر الرد وصلنى
انتظر بجى سعدية دى هتسوى الهوايل يابوى

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الثلاثاء 10 فبراير 2009 - 18:33

الحلقه الثالثة






طبعا احنا وقفنا الحلقة اللي فاتت عند............

ندى هدت سعديه وخلصوا محضراتهم ورواحوا



بعد لما خرجت سعديه من الجامعه علشان تروح

خرج وراها طبعا عمنا ميدو هو وجنى صحبته بالعربيه بتاعته

واعد يرخم عليها ويدايقها

سعديه: انت يا واد احترم نفسك وامشى بعيد عن هنا بدل ماخلى يومك اسود

ميدو : بجد انا مش هسيبك النهرده هو الضحك عليكى النهرده هخليكى تحرمى تكلمينى باسلوب مش كويس يا انتى

سعديه : والله انت شكلك كده جبته لنفسك فى يومك الجوتران ده ونويت تحجز لنفسك سرير ونفر زياده فى المستشفى

جنى : الحق يا ميدو دى بتقول هتدخلك انت مستشفى

سعديه: دى ومالها دى ياعين تيزه والنعمه شكلك هتتجطع انهرده انت والدزمه اللى معاك دى

سعديه: الحجونى يا ناس الولا ده بيتحرش بيا وبيجولى كلام جلت حيا وخدش حيائى الحجوووووووووووووونى

طبعا سعديه اعدت تصوت والناس اتلمت عليها وضربوا ميدو

ادوله علقه سخنه وجنى مش عليها غير انها تصوت

جنى : يا وحوش حرام عليكوا هو مش قدكوا

سعديه : مش جدهم علشان يحرم تانى مره

كده هو اتعلم الادب

ومشيت سعديه وجنى اتصلت بالاسعاف جم خدوا ميدو

بعد لما روحت سعديه عند بيت عمها

مرات عمها فتحتلها الباب بتقلها ازيك يا سعديه

سعديه طبعا مش ردت ودخلت وهى بتقول كلام كده مش مفهوم

( انا كان مالى ومال البلد بت الدزمه دى شكلى كده هتبجى وجعتى سوده ما انا كنت فى بلدى وجاعده كويسه بس بردو مش فشيت غليلى اةةةةةةةةةة يا بوى )

مرات عمها دخلت قالت لعمها بقى

عمها راح لسعديه

عمها : مالك يا بنتى مرات عمك بتقول انك مدايقه

سعديه : ماليش ياعمى ( فى سرها طبعا بتقول : والنبى روح بعيد كده مش ناجصاك انت كمان وكمان مرتك لحجت توصلك لسانها مش بيتبل فيه فوله ربنا ياخدها )

عمها : لا بجد احكيلى يا بنتى

سعديه :الولاد عندكوا ياعمى البنات ارجل منهم يا بوى واد ياعمى مش محترم جل ادبه عليه

عمها : ليه يا بنتى انتى عملتيلوا ايه

سعديه : معملتلوش حاجه واصل والله ( وحكت سعديه لعمها اللى حصل )

عمها : طيب ليه يا بنتى كده ده تلاقى الشباب بهدلوه خالص

سعديه
: احسن انا كمان مش فشيت غليلى انا كان نفسى امسكوا من شعره اللى ماسكاه الكهربه ده واجصهوله خالص واعمل فى

الناس جميله بدل ما تتازى من شكلوا العفش يا رب يكون مات علشان ارتاح من خلجته الفجريه

طبعا ميدو اعد فى المستشفى حوالى 15 يوم ومش بيجى الجامعه خالص

وسعديه حكت لندى اللى حصل ندى

ندى : على فكره يا سعديه هو غلط بس مش لدرجه انك انتى تخلى الشباب يموتوه كده خالص

سعديه : استفزنى جوى يا ندى والله خلانى فجت اعصابى

ندى: خلاص بصى انتى تيجى معايا نروح نزوره فى المستشفى

ونعتزرله ونهدى الموضوع ونصلح اللى حصل

سعديه : انتى حسستينى بالزنب انا خلاص هروح معاكى بس مش هعتزر لحد انا هشوفه بس واطمن عليه

ندى : خلاص اوك هنروح انهرده بعد المحاضرات

سعديه : ماشى يا ستى

راحت ندى وسعديه المستشفى وجابوا ورد وهم رايحين

دخلت ندى عند ميدو لوحدها وقالت لسعديه خليكى انتى هنا لما اندهلك ادخلى

سعديه : بس خلى فى بالك يا بت انا مش جايه معاكى علشان اعتزرله علشان ضميرى بيوجعنى بس مش اكتر

دخلت ندى

ندى : (فى سرها طبعا: يا لهوى ده ميدو مكسر خالص يخرب بيتك يا سعديه

ايه اللى عملتيه ده فى الولا)

ازيك يا ميدو عامل ايه
ميدو: اهلا يا ندى انا خلاص مبقتش انفع تانى صحبتك المتوحشه شوفى عملت فيا ايه

ندى :معلش يا ميدو انت نرفزتها وكمان انا عملالك مفجأه ( ادخل ياسمسم )

ودخللت سعديه

ونشوفكوا الحلقه الجايه
تابعوناااااااااااااااااااااااااااااااااا

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
Admin
Admin
avatar

ذكر
عدد الرسائل : 8186
تاريخ التسجيل : 04/11/2008

مُساهمةموضوع: رد: سعدية وميدو تم اضافة الحلقة الاخيرة   الأربعاء 11 فبراير 2009 - 12:48

هههههههههههههههههههههههههههههههههههههههه

انا كان مالي ومال البلد بت الدزمه دي ههههههههههههههههههههههه

كملي يا نونتي القصه

_________________
ـــــــــــــــــــــــــــــــــــ
منتديات رامي
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الأربعاء 11 فبراير 2009 - 19:06

Admin كتب:
هههههههههههههههههههههههههههههههههههههههه

انا كان مالي ومال البلد بت الدزمه دي ههههههههههههههههههههههه

كملي يا نونتي القصه

ربنا يخليك ليا ياجابر بخاطرى ياللى بتقرا دايما والقصة ليك واهداء خاص من نونه لابنها رامى

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الأربعاء 11 فبراير 2009 - 19:13

الحلقة الرابعة






بعد ما دخلت ندى وشافت ميدو مكسر خالص

ندهت على سعديه

ندى : ادخل يا سمسم

سعدية طبعا داخله وماسكه الورد وهى عامله نفسها غلبانه بقى ومكسوره ميدو شفها بقى وحصلت المفجأااااااااااااااة


ميدو : يا ماااااااااااااااااااااااااامى الحقونى حوشوا المتوحشه دى خرجوها بره

صرخ طبعا كأن جاتله حاله صرع

سعديه : ايه يا واد انت مالك شفت عفريت ولا دينسور دخل عليك دول حتى اختفوا من زمان

ندى:اهدى يا ميدو مش كده دى جايه تعتزرلك

ميدو : لا مش عايز منها اعتزار ولا حاجه خرجوها

سعديه : انا جولتلك مش هاجى عند الواد الرمه ده بخلجته الملخبطه ده ولد امه ودزمه ومش راجل خالص

ندى : خلاص بقى انتوا الأتنين

هدت ندى الموقف واعدوا يتكلموا هم التلاته

دخلت بقى جنى

جنى : هاى ميدو ايه ده يا مامى ايه اللى جاب دى هنا

سعديه : مالك ياختى اتخضيتى تفى فى عبك ولا اجيبلك طاسة الخضه

ميدو : اهلا يا جنى دى سعديه وندى جم علشان نتصالح سوى وخلاص بقينا اصحاب

سعديه :يلا بجى يا ندى نمشى ما المثل بيجول اذا حضرت الشياطين ذهبت الملائكه واهى الشياطين جات

وهى خارجه زقت جنى وقعتها على الارض

وقالتها غورى بخلجتك الوحشه دى

وبعد كم يوم خرج ميدو من المستشفى وراح الجامعه

وطبعا اول لما شاف سعديه وندى راح سلم عليهم واعدوا يتكلموا وجت جنى

جنى : هاى شله فيه رحله مطلعاها الجامعه لشرم مين هيجى معانا

ميدو : كلنا طبعا جايين احجزيلنا معاكى كلنا

ندى : انا موافقه

سعديه : موافجه ايه روحوا لوحدكوا انا مش هروح مستحيل طبعا

ندى : ليه يا سعديه نغير جو كده كم يوم

سعديه : انسدى يا بت انتى واجفلى خشمك ده مش هروح جولتلك

طبعا كلهم مصرين ياخدوا سعديه

وندى اتصلت بعمها علشان يقنعها


عمها : ماتروحى يا بنتى تغيرى جو كده مع صحابك

سعديه : فى سرها بتقول ( والله الراجل ده شكله عايز يخلص منى ده شكله ما صدج يا سوادى علشان اريحه ليه انا مزهجاه للدرجه دى خلاص هروح وامرى لله ) خلاص ياعمى موافجه هروح

وبعد معاناه وافقت سعديه تروح الرحله

وفى يوم السفر حضرت بقى سعديه شنطتها

واتجمعوا هى وندى وجنى وميدو وباقى اصحابهم عند الجامعه وركبوا الاتوبيس


تااااااااااااااااااااااااابع
الحلقه الجايه

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الخميس 12 فبراير 2009 - 16:27

الحلقة الخامسة



وفى الاتوبيس طبعا البنات بقى نازلين رقص هم والشباب ويغنوا

سعديه مش عجبها الوضع ده خالص عماله تتكلم بقى

فى سرها وتقول ( ووىوىوى وى ايه المسخره وجله الحيا دى معدش فيه حيى خالص البنات ماالها ببترجص وتتلوىزى التعابين كده ليه وكمان الولاد عمالين يتمايعوا كده ومفيش خشى خالص دول رايحين رحله ولا كباريه يادى السواد اللي انا فيه )يلا بقى يا شباب عايزين سعديه عايزين سعديه

سعديه : هى سعديه الرجاصه الى جابهالك ابوكى ولا ايه يا بت انتى اخرسى احسن اجطعلك لسانك ده المعوووج

يادى الفضيحه ام جلاجل يادي الجرسة ام حناجل

ايزانى اترجص يا بت زيكوا انت انهبلتى ولا ايه

انت عارفه دول لو عرفوا فى البلد يطخونى بالنار

ويخلصوا من عارى

الولاد طبعا : عايزين سعديه

سعديه : هو اسمى بجى لبانه فى خشمكوا والله الى هينطج اسمى هتبجى وجعته سوده انهرده بجوطران

ندى : خلاص يا جماعه معلش سيبوا سعديه

سعديه طبعا طول السكه متغازه اوى من الى حصل

وبتقول فى سرها (جال ارجص جال الهى تجرصهم حيه جولالات الخشى انا كان مالى ومال المياعه دى يا ربى شكلها هتبجى رحله سوده بطين وجوطران يا رب عدى الايام المهببه دى على خير وهى السكه دى كمان مالها طويله ليه انا زهجت دى وجعه سوده ومنيله )ميدو اما شاف سعديه اعده ومتنرفزه اوى راح اعد جمبها

وبيكلمها

ميدو : مالك يا سعديه متنرفزه ليه

سعديه : انت يا واد انت ازاى تجعد جمبى كده من غير خشى جوم يلا فز من هنا

ميدو : احنا اصدقاء يا سعديه ومتخافيش انا هقعد باحترامى

سعديه : ماشى ازا كان باحترام ماشى بس يلا لخص وجول الى عايز تجوله وفضها سيره مش تاخودها

حلوانه فى سلونه وتوجعد

ميدو : ههههههه اوك ماشى

انتى مالك بقى زعلانه ليه

سعديه : انت مش شايف جله الحى دى

ميدو: انتى مالك كده خودى الامور عادى فرى

:سعديه : فرى ولا سافو يا واد جوم من هنا

ميدو : انتى ليه معقده


سعديه : انا معجده طيب ماتفوكنى يا خوى مش بجولك الى انا عملته فيك ده جليل

االست جنى بقى اول اما شافت ميدو اعد مع سعديه اتنرفزت اوى وراحت تقله ميدو انت ايه الى مقعدك هنا

سعديه : جال يا جاعدين يكفيكوا شر الجايين انا من الاول مش مرتحالك انتى بهدومك المجطعه دى

جنى : انا هدومى مقطعه

سعديه : يا بت غورى اتبطى كده واجعدي بعيد

سعديه : امال بكلم امى هوه فيه دزمه جودامى غيرك

غورى يا بت بعيد من هنا احسن اعملك عاهه

ميدو : جنى روحى شوفى زمايلك لو سمحتى عايز اعد مع سعديه

سعديه : لا مش هتجعد يالا انت كمان يا واد يا رمه خد الدزمه دى وامشى غوووووووور





و نكمل الحلقة اللي جاية
تبعووووووووووووووووووني

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
Admin
Admin
avatar

ذكر
عدد الرسائل : 8186
تاريخ التسجيل : 04/11/2008

مُساهمةموضوع: رد: سعدية وميدو تم اضافة الحلقة الاخيرة   الخميس 12 فبراير 2009 - 17:34

ربنا ما يوقع حد تحت ايدك يا سعديه ابدآ .. مش عارف شبه مين البت دي هنا

ههههههههههههههههههههههههههههههه

كملي يا نونتي عسسسسسسسسسسسسسسسسسسسسل

_________________
ـــــــــــــــــــــــــــــــــــ
منتديات رامي
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الخميس 12 فبراير 2009 - 18:58

Admin كتب:
ربنا ما يوقع حد تحت ايدك يا سعديه ابدآ .. مش عارف شبه مين البت دي هنا

ههههههههههههههههههههههههههههههه

كملي يا نونتي عسسسسسسسسسسسسسسسسسسسسل

ههههههههههههه شامة ريحة تلقيح كلام بس مافيش مشكلة المهم تكون الدزمة دى عجبتك رومتى

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الخميس 12 فبراير 2009 - 19:05

الحلقة السادسة







و وصلوا بقى ودخلوا الفندق اللى هيقعدوا فيه و سعديه
و جنى فى اوضه سوى

سعديه رافضه تماما ان جنى تقعد معاهم فى الاوضه

سعديه : مستحيل ام سحلول دى تجعد معانا فى اوضه وحده

هى مش ناجصه سحالى هنا

جنى : وانا بقى مش هقعد غير هنا هى اوضه اهلك انتى

سعديه: يومك اسود على دماغك ودماغ اللى جابوكى

انتى تعرفى اهلي منين يا بت تغلطى فيهم

اهلى لو شافوكى كانوا تاوكى من زمان ولاحد يعرفلك طريج

بينها ايامك هتبجى اسود من الحبر يا حزينه
طبعا المشرفه سمعت الخناقه جت هدت الموقف
واقنعت سعديه ان ده ترتيب غرف ومينفعش يتغير

دخلوا ورتبوا هدومهم ونزلوا المطعم اتغدوا

وبعد كده كان باقى اليوم يقضوه على البحر

راحوا كلهم والبنات بقى والاولاد لبسوا الميوهات ونزلوا البحر الا سعديه

سعديه : يا دى اليوم لسود ايه اللى انا شيفاه ده الله يخرب بيت اللى جاب ابوكم
كده من غير خشى عارايه من غير هدوم جودام بعض نهار اسود استر
يا رب عليا النعمه دى علامات يوم الجيامه كاسيات عاريات ربنا ياخدكم يا جولالات الحيا استر يا رب

ندى : ايه يا سعديه مش هتنزلى البحر يلا البسى المايوه بتاعك

سعديه : ميوه ايه يا بت انتي يا ام مايوه وانا اللى فاكراكى مؤدبه طلعتى زيهم بالظبط

ندى : ليه بس انا الميوه بتاعى مش مكشوف اوى ده اسلامى

سعديه : عشنا وشوفنا حتى الميوه عملاوه اسلامى اوعى تجيبى سيره الدين على لسانك انتى يا نيله وغورى

من وشى الساعادى

مشيت ندى واعدت سعديه لوحدها تحت الشمسيه متغاظه ومش عاجبها الوضع خالص

جالها ميدو وبيكلمها

ميدو : سعديه مالك مش نازله ليه البحر

سعديه : ماهى ناجصاك انت كمان غور ياض و اتحشم والبس اى حاجه على جسمك ده وانت عامل زى

البرص الجعان
ميدو : انا برص جعان يا سو سو

سعديه : سوسو ليه شايفنى شغاله فى كاباريه اتلم يا ولا ايوه برص جعان وكمان مسلوخ ومعفن وريحته وحشه

ميدو: ههههههههههه مقبوله منك تعرفى انا مش ازعل منك لانك انتى دمك خفيف موت وانا احب البنات

اللى كده

سعديه : يا دى النيله ده هيجعد وهيتساير معايا وانا اصلا مش طايجاه روح يا شاطر خد الطوج بتاعك وروح

عوم يا رب تغرج وارتاح من وشك الفجرى ده


ميدو : لا انا اعد معاكى شويه اسمحيلى

سعديه : تجعد بادبك وغطى جسمك ده

ميدو : حاضر يا ستى

( طبعا ميدو اعد هو وسعديه واعدوا يحكوا لبعض عن حياتهم واخواتهم وكده وبيعرفوا كل حاجه عن بعض يعنى شكله الموضوع كده قلب على اعجاب وربنا يستر )

عدى اليوم وراحوا الفندق واتعشوا ودخلوا اوضهم بقى علشان يرتاحوا
سعديه: بتحكى لندى عن ميدو و بتقلها.............


و نكمل الحلقة اللي جاية



استنووووونيييييييييي

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الجمعة 13 فبراير 2009 - 14:38

الحلقة السابعة




عدى اليوم وراحوا الفندق واتعشوا ودخلوا اوضهم بقى علشان يرتاحوا

سعديه: بتحكى لندى عن ميدو بتقلها الولا محمد ده طلع كويس والله وشكله غلبان وطيب بس لو يبطل

الحاجات اللى بيعملها دي هيبجى كويس

ندى : ايه يعنى فكرتك اتغيرت عنه وكمان بتقولى محمد

سعديه : هي اتغيرت حبتين بس بردو لسه وكمان اسم محمد احسن من ميدو المياعه دي وجلة الحيا دي

سمعتهم طبعا الهانم جنى وهم بيحكوا طبعا جنى بتحب ميدو اتنرفزت وحست ان هيحصل حاجة بينه وبين

سعديه فـ ردت عليهم

جنى : انتوا بتكلموا عن ميدو ليه وبعدين انتي اوعي تكلميه تاني يا انتي سامعه ولا لا

سعديه اتنرفزت وبصت لندى وجالت

سعديه: هى البت الدزمه الزباله دي بتكلم مين انا ولا انتي

ندى : بتكلمك انتي ههههههههه

سعديه : بصت لجنى وقالتلها عايزه ايه يا ام سحلول

[b]جنى :[b] عايزه مش تكلمي ميدو تاني فهمتي ولا لا

سعديه : يا بت جولتلك الف مره اتجي شري انتي مش بتسمعى الكلام وشكله كده يومك خلص على ايدي

جنى: انا بقلك اهو وبلاش تكلميه تاني يا بارده

سعديه: يومك اسود انا بارده يا بت ده انتي لو حطوكي فى فرن درجه حرارتها الف مئويه تجمديها وبعدين فهميني مين

ميدو ده اللي انتي بتتخانجى معانا علشانه

جنى : ميدو حبيبي

سعديه : حبك برص يا سحليه جربانه ميدو ده واد دزمه وانتي البولغه بتاعته وغوري من وشي روحي

اتخمدي

ندى طبعا ميته على نفسها من الضحك على اللى بيحصل

المهم خلص اليوم بالمناقشه الحاره علشان الكابتن ميدو

وجه تانى يوم فى الرحله

اللى هو المفروض انه يوم رحله سفارى فى الصحرى وركوب جمال

.............وكان يوم جميل


نشوف حصل فيه ايه الحلقه الجايه
استنووووووووونييييييييي

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
Admin
Admin
avatar

ذكر
عدد الرسائل : 8186
تاريخ التسجيل : 04/11/2008

مُساهمةموضوع: رد: سعدية وميدو تم اضافة الحلقة الاخيرة   السبت 14 فبراير 2009 - 13:22

ياتري حصل ايه يا نونتي؟ انا متشوق اقري البقيه

هوا ما ينفعش تحطيها كلها مره واحده

اهو ده اللي بيخليني مش اتفرج علي المسلسلات

_________________
ـــــــــــــــــــــــــــــــــــ
منتديات رامي
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   السبت 14 فبراير 2009 - 19:23

Admin كتب:
ياتري حصل ايه يا نونتي؟ انا متشوق اقري البقيه

هوا ما ينفعش تحطيها كلها مره واحده

اهو ده اللي بيخليني مش اتفرج علي المسلسلات


ابنى انت عاوز تحرق القصة؟ شكلها مش عجباك وانت بتجاملنى وتقراها عشان مازعلش

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   السبت 14 فبراير 2009 - 19:37

الحلقة الثامنة








وجه تانى يوم اللى هو يوم رحله السفارى وركوب الجمال

بينا نشوف حصل ايه

صحيوا الصبح ولبسوا ونزلوا يفطروا

ندى بصت لسعديه لقيتها لابسه لبسها المعتاد اللي هو جيب وجاكت

استغربت اوي وراحت تكلمها

ندى : سعديه ايه اللي انتي لابساه ده

سعديه : ماله اللي انا لابساه ده وحش ولا ايه

ندى : لا مش وحش بس مينفعش تركبي بيه جمل او تطلعي سفاري خالص لازم تلبسي بنطلون

سعديه : يومك اسود البس بنطلون ليه حصل ايه في الدنيا

اتهببي واسكتي يا بت وانا اصلا مش هركب جمل ولا حتى السفاري دي كمان وغوري من وشي

ندى : مينفعش يعني هنسيبك لوحدك فى الصحرى

سعديه : خلاص مش اروح خالص واجعد هنا

ندى : لا بصي انا هجيبلك بنطلون من عندي بس واسع والله ومش ضيق تعالي شوفيه ولو مش عاجبك مش تلبسيه

سعديه : تعالي اما اشوف انا عارفه انها رحله سوده من الاول ومحدش مصدجني خالص

(سعديه اختارت طبعا اوسع بنطلون عند ندى وكمان لبست فوق منه فست طويل بس الحمد لله انها وافقت تلبس البنطلون بعد اقناع شديد)

وراحوا بقى وهناك ركبوا الجمال الا وحده بس الاستاذه جنى خايفه طبعا من الجمل

جنى : يا مامي انا اركب ده لالالالالالا مقدرش انا اخاف منه

سعديه بقى شافت الموقف واتنرفزت منها

سعديه : ما تركبي ياختي وتخلصينى خلينا نتحرك ونمشي

جنى : انتي مالك يا انتي انا مش اركب مقدرش اخاف انا

سعديه : طيب جيبولها طاسة الخضه المحروسه على شبابها فى اليوم لاسود ده يابت الناس اركبي ده اليف مش

يعضك والله انا حاسه بالجمل هو اللي

خايف منك احسن انتي تعضيه

جنى طبعا رافضه اقنعها احدى المشرفين انها تركب مع حد من زمايلها طبعا جنى اختارت ميدو


سعديه شافتها بتركب مع ميدو اتنرفزت هي كمان

سعديه : والله انا بجول ان البت دي دزمه هي مش خايفه اصلا انا عارفاها هي عايزه تتلزج فى الولا اللي اسمه ميدو شوفي يا بت يا ندى

عامله ايه البت ما صدجت تلزج فيه يادي النيله بنات اخر زمن

( سعديه شكلها متغاز علشان ميدو حاسه كده ان القلب بدأ يدق لما نشوف بقى )

خلص بقى موضوع الجمال وجه معاد رحلة السفاري وكل اتنين يركبوا سوى وركبت ندى وسعديه وجنى طبعا مع ميدو وانطلقت الرحلة سعديه كانت

خايفه من موضوع السفاري ده لانها اول مره تطلع رحلة سفاري وانطلقوا بقى

سعديه : بالراحه يا بت يا ندى بالراحه يا دزمه يومك اسود شكلك هتموتينا بدري

ندى طبعا فرحانه اوي ومش شايفه قدامها وسعديه عماله تلطم بعدها بقى ندى مشيت بالراحه علشان سعديه لغاية لما صحابهم كلهم مشيوا وهم لقيوا

نفسهم لوحدهم وسط الصحرى ومش عارفين يرحوا فين وتاهوا

ندى : سعديه انا مش عارفه هم مشيوا منين

سعديه : يعني ايه

ندى : شكلنا كده تهنا مش هنعرف نرجع

سعديه : انا عارفه هو يوم اسود وجوطران انا كان مالي ومال السفاري والنيله المنيله بهباب دي ما انا كنت جاعده

فى بيتنا مرتاحه مالى ومال مصر ومال الرحلات يا خرب بيتك يا سعدية انتي و ابوكي في يوم واحد

كانت شوره سوده اللي يحرجق يا عمي و يحرجك يا ندى.........

ندى : الله يا بنتي ما كفايه بقى خلينا نركز بقى نشوف هنعمل ايه

سعديه : تعملي ايه اتصلي بالموبيل اللي معاكى ده بـ أي حد جبل الليل ما يدخل علينا

ندى : (اتصلت بميدو) الو ايوه يا ميدو بص احنا فى الصحرى ومش عارفين نروحلكوا او نرجع احنا تهنى

ميدو : طيب انتوا فين بالتحديد

ندى: مش عارفه

سعديه : هاتي اشوفه الدزمه ده انت يا بني اتصرف اعمل اي حاجه

ميدو : طيب اوصفيلي المكان اللي انتوا فيه

سعديه : اوصفلك ايه يا سوادي يعنى خير اللهم ما اجعله خير الجنه بس جالبه على صفار شويه انت اهبل يلا

ما هي كلها صفار فى صفار مفيش غير

الرمل والصحرى انا اتلميت على شوية مخابيل فى ايامي السوده دي

ميدو : طيب اهدي يا سعديه وانا هرجع من نفس السكه اللي جينا منها وان شاء الله هلاقيكوا

سعديه : اهدي ايه هو انت لسه هتجولي اهدي وتجعد ترغي يلا يا دزمة تعالى بسرعة

ميدو رجع من نفس المكان والحمد لله لقى ندى وسعديه

وخدهم ورجعوا الفندق طبعا سعديه زاد اعجابها بميدو وبالحركه الجدعه اللي عملها بعد لما وصلوا الفندق

سعديه : عارف يلا يا محمد مع انك ولا دزمه بس طلعت جدع شكرا يلا انك رجعتنا

ميدو : مفيش شكر ده واجب واحنا اصحاب ولازم اعمل كده

وخصوصا انك انتي كمان اللي كنتي تايهه


سعديه : خلاص يا ولا انت ما صدجت ولا ايه هاتاخدها حلوانه فى سلوانه وتتساير يلا بجى شوف انت رايح فين

وخلص اليوم بالاعجاب الجميل بين سعديه وميدو



وانتظروا الحلقه القادمه

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الثلاثاء 17 فبراير 2009 - 20:27

الحلقة التاسعة







وتالت يوم بقى كان جوله حره يعنى كل واحد يروح المكان اللى يحبه الطلبه كلهم قررروا انهم ينزلوا فسحه كده

ويشتروا شويه حاجات خرجوا ندى وسعديه واتمشوا بقى وقضوا اليوم جميل جدا

وباليل بقى كانت حفله فى الديسكو

راحوا بقى كلهم سعديه اول ما دخلت وشافت المنظر

سعديه : يا ليله سوده ايه ده اللى انا شايفاها

ندى: مالك احنا لسه دخلنا تعالى بقى دى هتبقى ليله جميله

سعديه : ليله جميله ايه الرجص المدوحس ده هم مكهربين ولا ايه

ندى : هو الرقص هنا كده

سعديه : ما انا بشوفه بس فى الزار اما الوحده يكون عليها عفريت يدجولها كده علشان يطلع

ندى : ههههههههههه طيب تعالى نرقص

سعديه : غورى يا بت ارجصى لوحدك انا هجعد هنا هتفرج

( سعديه بقى عماله تتفرج وبتقول فى سرها )

يا بوووووووووى ايه ده هو الولا ده ماله شعره عامل ليه كده فيه الوان الطيف مركب قوس قزح فى دماغه ده ولا ايه والتانى ماله عامل ليه كده

عنده شلل رعاش ولا ايه

ولا البت دى كمان هى عندها سعال ديكى ولا ايه وايه البت اللى لابسه بنطلون رجل ورجل لا معهاش تكمله ولا ايه ايه السواد ده)

ميدو جه لسعديه يكلمها لما لقاها اعده لوحدها

ميدو : سعديه انتى اعده ليه تعالى ارقصى معايا

سعديه: بس يلا روح ارجص انت وجنى ده علشان كمان العفريت ولا الجنى اللى عليها يطلع

ميدو : لا انا عايز ارقص معاكى انتى

سعديه : جرصتك حيه ياشيخ اتهبب وغور وكفايه اظبط وسطك ده وانت بتكلمنى خايلتنى يا منيل

ميدو : طيب بلاش رقص اعد اشرب حاجه معاكى

سعديه : اجعد بس بادبك

ميدو راح جاب حاجه يشربوها وجه اعد بيقلها اتفضلى

سعديه : ايه ده

ميدو : ده شامبانيا

سعديه : يعنى خمره صح

ميدو : عادى دى تفاريح كده

سعديه : لا تفاريح ولا جنايز غور من وشى ربنا ياخدك

ودلقت الشامبانيا عليه

وخرجت من الديسكو خالص

ندى جريت وراها

ندى : فيه ايه يا سعديه

سعديه : الواد الدزمه ده الزباله بيدينى خمره ويجولى اشربيها دي تفاريح

ندى : اكيد مش كان يقصد

سعدية : مش كان يجصد ايه بجولك ادهاني و بيجولي اشربي

ندى : خلاص يا ستى اشربى اى حاجه

سعديه : لا انا مش اجعد فى مكان فيه المسخره دى

ميدو جه وراها

ميدو : انا اسف والله معرفش انك مش تشربى

سعديه : غور يلا من وشى ربنا ياخدك يا معفن

ندى : خلاص تعالوا نقعد هنا بلاش ديسكو الجو على البحر يجنن

اعدوا هم التلاته

ميدو: سعديه متزعليش انا اسف بجد

سعديه: بص ياض انت يا معفن خشمك ده تجفله خالص متفتحوش معايا بعد ماشربت الهباب ده انا مكلمش ناس

بتشرب الحاجات دى

ميدو: لا انا مش بشرب غير يعنى وبعدين مش هشرب تانى والله خلاص انا اسف

سعديه :بتضحك على نفسك ولا على اتهبب واسكت انت اخرتك جهنم تولع فى جتتك وانا افرح فيك

ميدو :ههههههه معلش مش هشرب تانى والله

ندى : نعتبر ده وعد يا ميدو

ميدو : اكيد يا ندى والله وبعدين على فكره ده علشان خاطر سعديه بس

ندى : طيب انا اروح اجيبلكوا حاجه ساقعه وجايه

ندى

( ندى سابت ميدو وسعديه فى الجو الرومانسى ده سابتهم يتكلموا سوى وسعديه اللى كانت متنرفزه هديت اوى وكمان عمنا ميدو بدأ يصلح من نفسه

علشان سعديه وشكلها كده هتقلب بقصه حب اما نشوف بقى )


و قعدوا يرغوا بقى طبعا........

و نشوف قالوا ايه لبعض الحلقة اللي جاية



وانتظروني فى الحلقه القادمه

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
Verginia
مشرف أداري
مشرف أداري
avatar

انثى
عدد الرسائل : 1209
العمر : 35
البلد : Egypt, cairo
تاريخ التسجيل : 08/11/2008

مُساهمةموضوع: رد: سعدية وميدو تم اضافة الحلقة الاخيرة   الأربعاء 18 فبراير 2009 - 12:28

ههههههههههههههههههههههههههههههه جامدة اخر حاجة يا نونة .. بتضحك موووت

انا قريتها بس النهاردة كلها

عايزين الحلقة اللي بعدها بقى

_________________
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الأحد 22 فبراير 2009 - 22:05

Verginia كتب:
ههههههههههههههههههههههههههههههه جامدة اخر حاجة يا نونة .. بتضحك موووت



انا قريتها بس النهاردة كلها



عايزين الحلقة اللي بعدها بقى

ميرسى يانهولتى ربنا يخليكى انتى عسل وسكر

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الأحد 22 فبراير 2009 - 22:11

الحلقة العاشرة






وقفنا الحلقة اللي فاتت عند ان ندى رفعت الاريل و مشيت سابت سعدية و ميدو مع بعضيهم

و قعدوا يرغوا بقى

يرغوا
يرغوا

الغريب ان سعدية قعدت ربع ساعة كاملة ساكتة لغاية لما

ميدو : ايه يا سوسو انتي مالك ساكتة كدا ليه

سعدية برضه ساكتة

ميدو : سعدية انتي مش معايا خالص يا ترى بتفكري في ايه

سعدية : يا بوووووي انت بتتكلم معايا انا ولا ايه

ميدو : لا بكلم امي

سعدية : ليه هي امك حشرية جوي كدا جريت وراك و جت على هنا ولا ايه و لا تكونشي جت راكبة على الحمار

ميدو : ماما!!!! مالها ماما دلوقتي بس

سعدية : ما انت اللي غريب جوي و بعدين جولي هنا مين سوسو دي يا حليتها

ميدو : سوسو انتي سوسو

سعدية : انت واد دزمة انا مش عارف ايه اللي خلاني اجعد و اتكلم معاك

ميدو : ليه بس خلاص انا اسف انا اسف والله يا سعدية

سعدية : خلاص اجلب على حاجة تانية

ميدو : يعني انتي مش زعلانه خلاص و اتكلم عادي

سعدية : يا بووووووي الواد هيجعد يجولي زعلانه و جرفانه اتكلم يا عم انت مش متهببه على عين اهلي و مش زعلانه اتكلم

ميدو : عارفه يا سعدية اني اول مرة في حياتي احس الاحساس ده

سعدية : احساس ايه عايز تهرش ولا ترجع ولا تعمل زي الناس ولا ايه

ميدو: ههههههههههههههه على فكره انتي زي العسل

سعدية : طيب حاسب لا تلزج ولا اعملك رغيف يا خفيف

ميدو : لا ده انتي كمان رومانسية اوي

سعدية : ايوه ما اني عارفه هما بيجولوا عليا كدا في البلد

ميدو تقريبا كدا اتغاظ

ميدو : بيقولوا كدا ليه ان شاء الله هما يعرفوا منين انك رومانسية

سعدية : بيشفوني

ميدو : (بغيظ) بيشفوكي بيشفوكي ازاي يعني

سعدية : ايه اللي ازاي بعنيهم اه اه جصدق كيف يعني لا ولا حاجة كل لما اجعد على الرشاح او الترعه في البلد علشان اسجي البهايم اللي زيك بجعد اغني اغاني رومانسية

(سعدية في سرها ايوه رومانسية يعني مثلا الطشط جالي الطشط جالي يا حلوه يا اللي جومي استحمي)

ميدو : والله انتي ده كله بتتريقي عليا يا انسه

سعدية : ايه يا محمد انت زعلت ولا ايه

ميدو يقاطعها في الكلام

ميدو : ايه قولتي يا ايه......

سعدية : بجول يا بهاء يعني (بدلع) بجول يا محمد

ميدو : يااااااااه تصدقي بقالي كتير مش سمعت اسمي كدا

سعدية : ايه امال يعني بتسمعه بالمشجلب وا نت واجف على راسك ولا ايه لا بجد وحش مش اجوله تاني

ميدو : لا والله ده احلى حاجة سمعتها في حياتي انا قصدي الكل بيقولي ميدو من زمان محدش قالي محمد

سعدية : بس محمد احسن و هجولك على طول يا محمد علشان ميدو دي مياعا كدا و جلة حيا

ميدو : خلاص و انا مش هسمح لحد يقولي ميدو تاني و هخلي الكل يقولي محمد حتى لو الكل بعد عني كفاية عليا اسمعها من بقك



(يا عيني مش هقوله يا ميدو تاني)

و بعدين بقى
استنوووووونى الحلقة الجاية

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: سعدية وميدو تم اضافة الحلقة الاخيرة   الأربعاء 25 فبراير 2009 - 20:38

الحلقة احادية عشر

ندى : ايه الاخبار انا جيييييت

سعدية في سرها ( ايه اللي جاب الدزمه دي دلوجتي مش وجتك انتي كدا جيتي في الرونج تيم كنتي تيجي بين الشوطين)

سعدية : اهي ندى جت اهي الحمد لله اهي يا ندى يا بتي اتأخرتي كدا ليه

ميدو في سره ( مش وقتك خالص يا ندى )

ميدو : (بغيظ) اه و ماله ازيك يا ندى عامله ايه في الحاجة الساقعة نستيها صح طيب روحي هاتيها و تعالى

ندى بتبص للأتنين و رفعت الأريل تاني

سعدية : ايوه روحي يلا و يا ريت مش تجيبي علب صفيح هاتيها جزاز و ادفعي رهن علشان تروحي ترجعيها تاني

ميدو : مش بقولك انتي زي العسل يا سعدية

ندى : ايه ايه ده يلا الساعة بقت 4 الفجر يلا عايزين نروح

سعديه:4 الفجر يا خرب بيتك يا سعدية ده انا ابويا لو عرف يطوخني ايه يا محمد انت مش واخد بالك من

الوجت ولا ايه عموما لسه فاضل ساعه كمان

ميدو : هههههههههه عسل عسل يعني

ندى : ما خلاص ياض انت و هي هتلزقوا الدنيا

سعدية : مع السلامة يا محمد تصبح على خير

ميدو : خدي بالك من نفسيك يا سعدية ( ونفض ل ندى )

(سعدية قبل لما تمشي : انتى يا بت يا اللي بتكتبى المخروبه دي عمالة تجولى ميدو ميدو ميدو مش جولتلك اسمه محمد اتعدلى و انتى بتكتبى احسن و النعمة اطلع و اتجوزك و تبجى فضيحتك بجلاجيل )




وجه رابع يوم

قرروا انهم يروحوا البحر سعديه رفضت زى العاده انها تنزل الميه

ندى: طيب اقولك حاجه يا ميدو علشان سعديه تيجى معانا تعالى ناخد لانش فى البحر وهيبقى جميل

محمد: فكره جميله تعالى نقول لسعديه

سعديه وافقت طبعا وركب الانش ندى ومحمد وسعديه وجات الرخمه الى اسمها جنى ومصره انها تروح

جنى : انا لازم اروح معاكوا

سعديه : هى البت دى مش بتسمع الكلام ليه جولتلك اتجى شرى شكلك كده جبتيه لنفسك

جنى : لا هروح غصب عنك يا انتى

سعديه : تانى كلمة انتى دى انا ليا اسم ربنا ياخدك

عموما انتى الجانيه على روحك تعالى معانا

وركبوا الانش وانطلقوا بقى فى البحر والجو كان تحفه وسعديه وميدو اعدين جمب بعض

ومنسجمين اوى جنى بقى اعده متغاظه اوى ازاى ميدو يقعد مع سعديه متجاهلها تماما

بعد كده راحت لسعديه بتقلها قومى من هنا

سعديه : نعم يا ام سحلول عايزه ايه

جنى : بقلك قومى من هنا عايزه اعد جمب ميدو

محمد: لا سعديه مش هتقوم من هنا

سعديه : لا انا سيبهالك وسيبهالها ام بوز فجرى اوعى وانتى زى الجرد كده

جنى : انا زى القرد انتى يا جربانه

سعديه : انا جربانه يا زباله يا حساله المجتمع انتى طيب هوريكى

( سعديه زقت جنى فى الميه )

بس الحمد لله جنى بتعرف تعوم

محمد: ايه الى انتى عملتيه ده يا سعديه

سعديه : انت مش شايف الملخبطه دى بتجول ايه

محمد رمى لجنى الطوق وطلعها الانش

جنى بعد لما طلعت بتكلم سعديه

جنى : بصى يا انتى انا بعرف اعوم وبتصرف كويس فى المواقف دى

شوفى انتى بقى هتعملى ايه

وزقت سعديه فى الميه

سعديه: يا بووووووووووووووى ااااااااااااااااااااااااااااه الحجونى

همووووووووووووووووت هموووووووووووووووووت

محمد نزل بقى يجرى وراها الميه لان سعديه مش بتعرف تعوم

وانقزها بقى وخرجوا من البحر خالص بعد المشكله الى حصلت دى

سعديه بعد لما فاقت مسكت جنى وضربتها ادتها علقه جامده

وعضتها بقى عضه ايه فى ايدها

ندى ومحمد هدوا الموضوع وخلص اليوم بالخناقه دى

اظن بعد كده جنى هتحرم تروح ناحيه سعديه او تضايقها تانى

ربنا يستر على البت مش تروح مستشفى الكلب


و كفاية كدا بقى

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
mido_fax
عضو مميز
عضو مميز


ذكر
عدد الرسائل : 221
العمر : 27
البلد : مـ ام ــصـ الدنيا ــر الاسكندرية
العمل/الترفيه : Eng:Mido
تاريخ التسجيل : 04/11/2008

مُساهمةموضوع: رد: سعدية وميدو تم اضافة الحلقة الاخيرة   الجمعة 20 مارس 2009 - 12:25

ههههههههههههههههههههههههههههههههههههههههههههه نونا جامدة موووووووووووووووووووووت والبت سعدية دى هتجيب اجل الواد ميدو عن قريب الواد ميدو هيدلج على الصعيد الجوانى ليهرب من بنت الفرطوس دى ههههههههههههههههههههههههههههههههه
الرجوع الى أعلى الصفحة اذهب الى الأسفل
mido_fax
عضو مميز
عضو مميز


ذكر
عدد الرسائل : 221
العمر : 27
البلد : مـ ام ــصـ الدنيا ــر الاسكندرية
العمل/الترفيه : Eng:Mido
تاريخ التسجيل : 04/11/2008

مُساهمةموضوع: رد: سعدية وميدو تم اضافة الحلقة الاخيرة   الجمعة 20 مارس 2009 - 12:28

ملقتيش غير اسمها سعدية يا بت مع اسمى كنتى جيبى اسم بنت حلو كدة يكون مووووووووووز موووووووووز مووووووووووز فضحتينى انتى وسعدية فى يوم واحد هههههههههههههههههههههههههه انا مراتى لو شافت الكلام ده دلوقيت راح تطير راس سعدية الحجرية ام دماغ مستوية هههههههههههههههههههه
الرجوع الى أعلى الصفحة اذهب الى الأسفل
mido_fax
عضو مميز
عضو مميز


ذكر
عدد الرسائل : 221
العمر : 27
البلد : مـ ام ــصـ الدنيا ــر الاسكندرية
العمل/الترفيه : Eng:Mido
تاريخ التسجيل : 04/11/2008

مُساهمةموضوع: رد: سعدية وميدو تم اضافة الحلقة الاخيرة   الجمعة 20 مارس 2009 - 12:30

انا مستنى بقيت الحلقات يا نووووووووووووونا بجد حلوة اووووووووووووووى عجبتنى تسلم ايدك يا غالية
الرجوع الى أعلى الصفحة اذهب الى الأسفل
 
سعدية وميدو تم اضافة الحلقة الاخيرة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 4انتقل الى الصفحة : 1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات رامي و أصدقاء جوستن تي في :: منتديات رامي :: قسم الشعر والأدب والقصه :: القصه-
انتقل الى: