منتديات رامي و أصدقاء جوستن تي في
عفوآ أنت لم تسجل بعد في المنتدي وستكون بعض الاقسام محجوبه عنك
يمكنك الآن التسجيل لن تستغرق بضعه ثوان وستصبح عضوآ معنا لتتمتع بكل أمكانيات المنتدي وكذلك إضافه المواضيع

منتديات رامي و أصدقاء جوستن تي في

المنتدي الرسمي لمشجعي رانيا نجيب الجزار ستار اكاديمي صور - فيديو - محمد علي المغربي ستار اكاديمي-محمود شكري ستار اكاديمي 7 -صور-اغاني-معلومات-شات-مسابقات-موسيقي-افلام عربيه -أفلام اجنبي-مسرحيات-برامج-المنتدي الرسمي ستار اكاديمي 8
 
الرئيسيةالبوابهس .و .جالتسجيلدخول
::::الآن وحصريآ بالمنتدي ::: بقاعه سينما رامي ::: يمكنكم مشاهدة و تحميل :: فيلم أذاعة حب : بطولة : منه شلبي :: فيلم :: الفيل في المنديل بطولة : طلعت زكريا :: فيلم سامي اكسيد ال كربون بطولة : هاني رمزي ودره :: فيلم المركب بطولة : يسرا اللوزي و رامز امير ::  فيلم الفاجومي  بطولة :صلاح عبد الله والهام شاهين و خالد الصاوي :: فيلم صرخة نمله بطولة : عمرو عبد الجليل و رانيا يوسف مع بداية عرضه بدور السينما

شاطر | 
 

 حكاوى بنات تانوى مطرقعين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: حكاوى بنات تانوى مطرقعين   الثلاثاء 5 أبريل 2011 - 13:38

الموضوع عبارة عن قصة يا جماعة وبطلاتها واساميهم برضه من خيالي

ببساطة ان هما شلة بنات من زمان قوي نص عمرنا قضوه مع بعض ولحد اللحظة دي ما افترقوش طول عمرهم الطويل ده مع بعض وقارفين بعض حتى اما خشوا التنسيق اتقبلوا في علمي علوم مع بعض واسميهم هتعرفوها في وسط الحكاوي مع كل بنت هتقولنا وهتكلمنا عن نفسها وحياتها

ديما مع بعض في المدرسة وامنياتنا واحده تتلخص في اننا نخلص من المدرسة بقى وكل واحده تشوف حياتها ومستقبلها طبعنا وحياتنا مختلفه وبنتمنى نبقى مع بعض على طول وما نتفرقش حتى لو فرقتنا الأيام وكل واحد اتقبلت في كلية مختلفه صحيح كتير جدا بنتخانق لكن بنحب بعض جدا وبنخاف على بعض قووووووي
احنا قولنا ايه بقى اننا هنقعد قعدة القعدة دي هنفضفض بيها بجد عن كل اللي عايزينه ومن حقوكوا بس تسمعونا وتحكموا علينا هنقول احاسيس ومشاعر هنقول حجات تفرح وسعات تبكي حكاوي بنوتات في فسحة مدرسة ثانوي بيشيلوا الأدراج وبيقعدوا حلقه حوالين وجمب بعض قفلين عليهم فصلهم وبيقولوا لبعض اسرار ويمكن تفاصيل لحكاوي مهمه وسعات تافهه هيقولوا ايه هتقروا بعينكم



منقووووووووووووول
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 13:42

بصوا خلونا نتفق على حاجه من البدايه اول شيء هنتطرق لشخصيات القصة بمعنى هنتعرف الأول على شخصيات القصة دي كل بنت هتكلمنا عن نفسها في سطور بعد اما نخلص تعرفنا عليهم هنتطرق لكلام كل واحده فيهم في الحب ونظرتها ليه ازاي هنشوف الموضوع هياخدنا لغاية فين اوك


هنبتدي باول قصة هتكون مع المغرورة بتاعت الشله ههههههه بلاش مغرورة لأنها بتدايق منها حرام نخليها المتفائلة بتاعت الشله دي واللي عايشاها بالطول والعرض مش فارقة معاها خالص وطول ما هي قاعده بتتكلم عن امجادها وحياتها معاكم ساندرا في سطور قصتك

البنات : ساندرا يللا يا ساندرا انتي اول واحده هكلمينا عنك اكتر


اسمعوا بقى انا اسمي ساندرا شعبان شركس اول واحده هكلمكوا النهرده بعشق اسمي جدا وجيبلي الحظ على طول مش محجبه وهاتحجب اما اتجوز بس ان شاء الله
عضوه في نادي للرقص الشعبي والتراث وبعزف الة الساكسفون شوفوا التناقض هههههههه تراث شرقي وساكسفون غربي يلله اهو تنويع نظري ضعيف سنه من كتر المذاكره وبلبس نضارة وسعات لينسيز لو برقص في النادي

وقتي كله مشغول والنادي بتاعي هوا مكاني المفضل وزملاتي هنا وهناك هما كل حياتي النادي بقى يومين في الاسبوع ولو في حفله وبروفات يبقى من 3 ل 4 ايام في الأسبوع وايام الأمتحانات بقى بغطرش لان عرفين ثانوي يعني ايه وعايز تركيز قد ايه .
في ناس بتعتبرني صايعه علشان برقص مع شبان في النادي ولو انه رقص شعبي وتراث وناس تانيه عادي مش بتعترض ولا بترفض وانا منفضه للأتنين ما يهمنيش الا الحاجه اللي بحبها والرقص ده بقى في دمي حاجه ما اقدرش استغنى عنها الا بمعجزة

منظمه وقتي بين 5 حجات المدرسه والنادي والبيت و صحابي و .....

البنات : مين يا هانم


ههههههههه المهم المهم بابايا دكتور باطنه والحمد لله وضعنا المادي ميسور وماما محاميه و ليا اختي الكبيرة اسمها ميرنا واخ صغنن اسمه زيد بحب الحياة جدا وعيشاها من غير تعقيد بحس ان كل البنات اللي في سني بيبصولي وبيقلدوني في كل حاجه لبسي ومشيتي وتسريحة شعري حتى شنطتي لو جيبت بنطلون الاقي موديله تاني يوم على 10 بنات ولو شريت جزمة الاقيها في رجل ميت بنت بعد يومين افخر بنفسي وبذوقي والكل ديما بيبصلي بنظرة المدللة اللي مش محرومة من حاجه علشان وضعي الأجتماعي لكن انا مش كده

والدتي هي سرنا العميق تعرف كل حاجه عننا و واخده بالها مننا كويس جدا ومربيانا على الثقه في النفس وحب الحياة بصراحه امي هي اللي ممشيه البيت هنا بقوة شخصيتها وتحديها واحنا وخدين القوة منها عموما والدي موجود تحصيل حاصل وما بيرفضلناش طلب بتاتا هههههههههههههه ماما مسيطرة عليه شويه ما علينا ما علينا بس الحمد لله ممشينها احنا وبفخر عائله مثاليه جدااااااااااااااا ما اقلكوش


كل مدرساتي بقى بيعشقوني زي ما انتم عارفين طبعا لأني ضروري اجيب الفل مارك في كل المواد

ايه تاني نسيت اقلكم عليه طبعا بالنسيه للعيله فنا بعشق اعمامي واخوالي بجد بطريقة فظيعه لأنهم زينا تمام في طباعنا وحياتنا هما كل دنيتي ومتربين مع اولادهم من واحنا صغيرين وكل نهاية اسبوع لازم نتجمع من اول اليوم لأخرة نروح نتفسح و نتغدا ونلعب ونروح سينما وسعات اما بيبقى عندي حفله في النادي بيجوا كلهم يشجعوني ويسقفولي معاهم بقضي احلى اوقات في دنيتي ده غير طبعا معاكم انتم حاجه تانيه صدقوني .


عندي ميول فنيه فظيعه زي منتم عارفين اننا بعزف ساكسفون بس ده بناء على رغبة ماما مش رغبتي انا كان نفسي اعزف بيانو بس هي قالتلي بعدين بحب من المغنيين فرقة باك ستريت بويز وسيلين ديون وانريكه جلاسيس وعمرو دياب ومن الممثلين توم كروز و ديكابريو ده شور وابو عضلات ده اسمه ايه فندام ما تعرفوش ليه بس بحب ثمثيلة جدا واحمد عز وناس كتير جدا ...

قوضتي مملكتي ولو جيتوا زرتوني هتلاقوا كل الناس اللي قلتلكم عليهم دول فوق مغرقين حيطان المملكة و كتير ياما من صحابنا نفسهم يعرفوا سر القوضه دي لكن ديما بيطلعوا منها على مافيش


هوايتي بقى البعزقة بحب اروح المحلات واشتري كل اللي نفسي فيه ماما مش حرمانا من حاجه بتاتا بحب جدا الأكسسوارات والتوك والانسيالات والخلاخيل وبعشق الوان المنكير الغريبه و بهتم بنفسي جدا ومش بخلي نفسي في حاجه ما بحبش المكياج خالص ببساطة لأني مش محتجاله ومش بحب البنات اللي بتبقى زي المهرج مغرقه نفسها مكياج ده بجد حاجه بتعصبني

اكتر حاجه بحلم بيها اننا اخلص مدرسة بقى واكمل في الجامعه صيدلة واعيش بقى مع الحد اللي ختاروا قلبي

البنات : ايووووووووووه بقى قوليلنا بقى اتعرفتي عليه ازاي

هههههههههههههههه ده بقى زميلي في النادي مستواه الاجتماعي زينا تقريبا وساكن قريب مننا اما كان يجي الباص علشان يخدني من قدام البيت كان بيبقى مفضيلي الكرسي اللي جمبه ديما علشان يكلمني وبكده اتعرفنا

البنات : وقالك انه بيحبك ازاي وانتي بتحبيه يبت ؟

ده بيعشقني بيحبني موووت مووووت وانا الأول ما كنتش مدياله اي اهتمام ولا معبراه خالص بس بعد كده اتعودت عليه

هوا قدنا

لاء ده سنه اولى في الجامعه وبيدرس في كلية تجارة اتعرفت عليه من 8 شهور تقريبا وكان يعيني مشغول ف الأمتحانات ويا دوب كنا وقتها بنتكلم خفيف جدا اما دلوقتي تليفونات بقى ونت والنادي وهيصه يعني لو ما شفتوش اليومين اللي فالأسبوع دول ببقى هطق بس طبعا مش ببينله ده هوا كمان بيحبني كتير جدا وبيبقى هيتفرتك اما ما بيشفنيش وبيكلمني يجي ميت مرة في اليوم

الحاجه الوحيده اللي بتديقني بقى اما بسمع حد بيقول عني اننا متكبره او مغرورة او اننا ما بكلمش الا المستويات من الناس علشان مظهري يدل على كده وده غلط على فكره انا حد بحب كل الناس مش ذمبي اننا مش باخد على الناس بسهوله وبحب اهتم بنفسي كويس قوي وابسط الأشياء تجنن عليا


عيبي بقى واللي كل الناس بتكرهه فيا اننا كثيرة النقد وسعات بيقولولي انها مش بتفضل عبارة عن نقد دي بتتعدى لحد الوقاحه وجرح لمشاعر الآخرين بس انا مش ببقى اقصد ده خالص سعات بحاول ابعد عن الصفه دي فيا لكن اعتقد ان دي بقى بقت حاجه في شخصيتي ما اعرفش اشوف حاجه مش مظبوطه وما اعلقش
مره كنا في بيت سين من البنات ههههههه من غير ذكر اسامي على فكره مش معانا لتفتكروا لقيت بيتها كلوا تراااااااب مسكته كده بصباعي وقلتلها ما تنضفي بيتكم كويس حسيتها اديقت بس بجد مش ببقى اقصد طلعت الكلمة مني عفوية

عرفين مشكلتي فين اننا اتعودت من ماما ديما على السيطرة وخصوصا على اللي اضعف مني او مش اضعف لاء هوا زي ما تقولوا سيطرة وخلاص حق بقى باطل المهم اننا اكون ديما في الأول والأحسن مهما كان التمن يمكن سيطرة ماما على بابا واللي المفروض ان بابا يبقى الحلقة الأقوى في العيله دي ههههههههههههههه حلوة الحلقة الأقوى دي هوا اللي مخليني كده المفروض انها قوة شخصيه بس انا بيبقى نفسي في حجات تحصل يكون لبابا فيها الكلمة مش ماما ويبقى نفسي الاقي بجد حد يسيطر عليا وعلى شخصيتي ويفرض قوته عليا مش معنى اننا احب اكون تابعه لحد لاء ابدا بس نفسي احس ان حد طاغي كده بشخصيته عليا وده مش لاقياه

الحمد لله ما عنديش مشاكل خالص خالص كله سالك بحمد الله لحد دلوقتي ولو صدفتني مشكله هبقى اقلكم عليها في نص الحكاوي هي دي انا في سطور بسيطه حد عنده سؤال حد عنده تعليق ههههههههههههههههه لا طبعا خلاص خدوا بقى المايك تعبتوني الدور على مين الدور على مين

الدور عليكي يا ميسون ومعاكي المايك
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 13:46

دلوقتي دور ميسون وهي صفتها بين البنات المغلوب على امرها والمظلومه اتعرفوا معانا على ميسون

البنات : دورك بقى يا ميسون عرفي الناس بيكي اكتر


ميسون انا بقى امهم القلب الحنين في الشله دي كلهم بيلجاولي في مشاكلهم وانا اللي كلي مشاكل اسمي ميسون احمد محمد محجبة وعنيا زرقا هههههههههههه

البنات بيبصولها نظرة غريبه تدل على كذبها

ههههههههههه خلاص خلاص هقول والله من غير تهريج عنيا سوده اهو صح والا بكدب

عندي 5 اخوات شباب وكلهم اكبر مني وانا البنت الوحيده وسطهم ده طبعا غير بابا و ماما اما شغلانتي بعيد عن المدرسه فهي الشغاله بتاعتهم في البيت ده هريني طلبات

نسيت اقلكم اننا نص حياتي معاهم عيشاها عياط والسبب هما برده ما تعمليش ما تخرجيش ما تمسيكيش التليفون استني اما تسألي اخوكي فلان عيشتي في وسط كله رجاله خلاني بقيت زيهم راجل بس مخلوق على هيئة بنت مع فرق انهم بيتحكموا فيا اوي وانا مش عارفه اتحكم في حد يا مين يمسكني رقبيهم كلهم في يوم من الأيام هههههههههههه اه ياني على همي ضغطوا عليا وعلى اعصابي بقيت بكره العيشه معاهم انا ما بحبش اقعد معاهم وديما في قوضتي وقافله عليا بابي ومتجنباهم تماما بس على مين مش بيسيبوني في حالي ورايا ورايا مطرح ما اروح ورايا وماما منفضه ليا وليهم بس بتحوش عني سعات اما بيتغابوا عليا

اقلكم على حاجه مره تليفون البيت رن وما كنش في حد في بيتنا يرد الا ماما وكانت في المطبخ ورديت على التليفون في دخلت اخويا حسام من باب البيت يالهوي على اللي عمله ده هراني ضرب وتهزيء وشتيمه وماما تحوش عني وتبعده وهوا يزيد وكأني كنت بكلم راجل في التليفون على فكره انا بكرهه جدا ومش بحبه خالص لا هوا ولا حد منهم اوووووف ربنا يخلصني من وشهم كلهم على خير

بابا بقى نفس الطبع والطريقة ونفس الأسلوب معاهم كلهم اسمعه بيعلي صوته على ماما وبيشخط في خواتي ومره ضرب اخويا حسام اما لقاه مره زعق في ماما الا انا ما بيجيش جمبي نهائي ويسأل ماما تسألني لو عايزه اي حاجه بس انا مش عايزه غير انهم يسيبوني في حالي

انا عايشه في بيت كله وحوش ما حدش فيهم بيتعامل معايا كأنسانه وما بيعرفوش يتعاملوا معايا الا بلغتين لغة الصوت ولغة الأيد تعبت قوي وفي نفس الوقت نفسي اخرج من تحكمهم وحصارهم ليا بالطريقة دي بس خايفه اخرج من هنا اروح لحد تاني اسوء واعنف يمسيني بعلقه ويصبحني بعلقه بقت ثقتي في نفسي معدومه اخاف اتكلم اخاف اقول رأيي اخاف اتنفس وهما موجودين نفسي اترمي في حضن حد حنين عليا يطبطب عليا ويحميني من الناس دي يحميني بجد من كل لحظة الم عشتها مع العيله دي

اما امي بتكلمني تقولي اصل خواتك خيفين عليكي من اللي بيشفوه في الشارع والدنيا دي وحشه يبنتي ما تزعليش انتي بس
تصدقوا اننا ببقى نفسي اشوف العالم ده اللي بره وخيفن عليا منه عامل ازاي نفسي اكتشفه واشوفه افهمه اشوف عيوبه وحسناته انا بصراحه خلاص اتخنقت منهم ونفسي اسيبلهم البيت كله واخرج لحد يفهمني ويعيشني براحتي



اقلكم على سر لاء لاء لاء خلاص بلاش


البنات : لاء قولي والنبي لنتي قايله

مره في العيد خرجت انا وبنت عمي نتمشى ورحنا نشرب نيسكافيه في كوفي شوب بعيد شويه عن بيت عمي وهناك اتكلمت مع واحد هههههههه

البنات : ههههههههههههههههه والله ايه ايه العمله المهببه دي لاء لاء لاء مالكيش حق دي عمله فظيعه

انتم بتتريقوا والله اتكلمنا وقعد معانا كمان على الطاوله وطلب نمرة تليفوني هههههههههههه واديتله نمره من دماغي الله اعلم بقى مين شرب المقلب بقى ورد عليه


محدش فاضيلي اصلا امي وغرقانه في مشاكلها مع اهلها واهل بابا واخواتي زي ما انتم شيفين اهو وبابا منفضلي اساسا ولا حتى كأني بنته عارفين كان نفسي يبقالي اخت بنت معايا اتقاسم معاها المرار وتقاسمني وسريري واكلي ومزاكرتي ونقعد نرغي مع بعض للفجر تقولي يعني ايه احب وانا اشكيها همي وابكي في حضنها بس اهو ربنا رزقني بسم الله ما شاء الله بكل دول وكلهم اخواتي وحبيباتي بس مش دايقين نفس مراري

ماليش اوي اهتمامات بس بحب جدا امشي الصبح بحس اننا خلصت من قيودهم في هوا النهار بروح المدرسة مشي وبحب اسمع اغاني وارقص لوحدي قدام المراية اقفل عليا باب قوضتي واديها رقص لحد ما اتهد وانخمد مره اخويا حسام الهي يارب ..... المهم خش عليا لقاني برقص قام قفل التسجيل وقالي زكري بلاش كلام فارغ مش عايز اسمع صوته ده نهائي دلع بنات
انا بكرهه على فكره موت  ربنا يخلصني من وشك العكر يا حسام يارب

انا ايا هيكون عذابي اما هتجوز وطلع وحش هيبقى ارحم من العذاب اللي انا عيشاه هنا في البيت ده وبعيشه كل يوم بس هي دي انا في سطور اما يجي الدور عليا تاني يمكن اقلكم على سر تاني زي الأولاني بس كده انا ميسون في سطور
معاكي المايك يا علا
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 13:47

البنات : دورك يا علا اتفضلي


انا بقى علا السيد مصطفى عشت واتربيت من صغري في دار للأيتام اتولدت يتيمه وعشت كام سنة مع والدي لحد ما بقى عندي 6 سنين وبعدها مات في حادثة وجيرانا اما عرفوا بالخبر حطوني في الدار دي وطبعا بسبب ان الناس ما خلفونيش نسيوني وهمهم على قدهم واهو مكان بحيطان ياويني احسن من الشارع

اللي في الدار دولت وبكل بساطه هما كل حياتي غلابه زيي وعيشين نفس ظروفي وحياتي عشنا محرومين من كلمة ماما وبابا وهنكبر واحنا مع بعض وفي حضن بعض نوعي بعض وننصح بعض كلمتنا دوا وزعلنا الم ووجع ما بحلمش كتير ببكره لأن عارفه ان المجهول لسه ياما مخبيلي كتيربس بتمنى ما يجيش عليا اليوم اللي اما اتخرج ابعد عن اخواتي وبناتي الصغننين اللي في الدار هنا واللي بحبهم قد الدونيا ديت كلها

نفسي اجيب مجموع كويس واخش كلية كويسه علشان اشتغل هنا في الدار واجيب كل اللي نفسي فيه ما بحلمش ابدا باليوم اللي ممكن اتجوز فيه لاني ديما بقول مين ده اللي هيقبل بواحده يتيمه ومن دار للأيتام ومقطوعة من شجرة بس بالرغم من ده بحلم ببيت دافي وانسان يعوضني ابويا واخويا اللي ما شفتهمش وما عشتش معاهم وطفل او طفله يملوا عليا دنيايا وما ابعدش عنهم ولا اسيبهم ابدا اعيشلهم واديلهم كل عمري

هواياتي بقى التريكو وشغل الأبره بيعلمونا الحجات دي في الدار وانا بعمل مفارش جميله قوي وستاير وبلوزات وحجات كتير جدا وبيطلعلي نسبه من اي قطعة بشتغلها لنفسي وكمااااان بطعم سبح بالفضة وباخد عليهم نسبة بالحتة يعني كل حتيتين تلاته اخد عليهم حبة فلوس بشتري بيهم كشاكيل واقلام وسعات قلم كحلة وصباع روج اما ابقى نفسي اعمل روحي بنت بقى وبتاع هههههههههه بحوش دلوقتي علشان اشتري جزمة بكعب عالي وطقم حلو للجامعه ان شاء الله

و ليا بنوته صغننه معانا في الدار زي بنتي بالظبط وهي بتندهلي ماما واسمها قمر يا دوب كده سنتين ونص يخببببر لو اقلكم عليها بت قمر قمر بجد
والله ما كذب اللي سماها قمر ملاك نازل من السما بت زي النسمه اما اعدي من قدامها الاقي تلحقني جري ولو عايزه تأيل العصاري ما تنامش الا في حضني واما تشوفني قدامها تجري ورايا وتمسك في رجلي وتندهلي ماما ههههههههه ولو قفلنا الباب بالليل علشان ننام وكانت مع الأم المشرفه تقعد تصرخ وتعيط وتخبط الباب وتنده عليا وانا اكلمها من را الباب لحد ما تهدي وتاخدها تنيمها معاهم في قسم المشرفات لأنها اصفر من 6 سنوات بت عسل والله ربنا يارب يخليهالي عقبالكم كلكم ان شاء الله

دار الايتام مكان كئيب وروتيني وممل خالص كل حاجه فيه عايزه تتظبط وتتنظم في شلل من البنات بتشرب سجاير وبتعمل مشاكل في الدار وبنات تانيه صايعه ومش بيهمها حد وبنات تالته كده زينا نفسها تعمل من نفسها حاجه

كده في كل مكان في الدونيا في الكويس وفي الوحش بس احنا علشان مع بعض ديما فبنشوف من ده كتير بنات بيئتهم أثرت على طبيعتهم وتكوينهم السبب في ده ممكن اننا الحمد لله يمكن ربنا رزقني بناس طيبين زيكم يحبوني واحبهم ويخافوا عليا ومحسسيني بالعيله واللمة
لكن ناس تانيين بتعاير وبتنتقص من قدرك وبتذلك وبتستوطي حيطك ليتمك مع ان ده مش بأيدك علشان كده سعات كتير جدا تلاقي القسوة والحده والعنف في طباعنا لانها بتبقى حاجه حساسه قوي وبتلزق في كرامتك وانسانيتك اما حد يفرد عضلاته عليك ويستضعفك علشانك بس يتيم

بحب حياتي رغم انها ذلاني ومورياني الويل بس صابره وراضيه على أمل اصحى من النوم على حاجه جديده ويوم جديد جميل مخبيلي سعاده كبيره جدا

هي دي انا علا البسيطه اللي عايشاها بدقة وراضيه والحمد لله على كل شيء

المايك معاكي يا .... الدور على مين خدي يا لينا
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 13:48

بصوا انا هحاول انزل الشخصيات بطريقة اسرع من كده علشان تتعرفوا على القصه بشكل اسرع وتتعرفوا على الموضوع عامل ازاي ودلوقتي مع مطرقعه حقيقيه في شلة بنات ثانوي

البنات : لينا لينا لينا

لا داعي لا داعي هتكلم اهو

انا بقى اسمي لينا ههههههههه اطرقع واحده في الشله دي ما عرفش اتخبلت في عقلي ودخلت علمي علوم ازاي واللا دخلت مدرسة اساسا ليه
هوا تقريبا علشان شلتي كلها هنا بس بيني وبينكم انا تعبانه جدا من المزاكره دي وروحي طلعت خلاص ياما نفسي اتجوز بقى وانهي الموال ده بتاع المدرسه

مدرسه مدرسة مزاكره ودروس وكلام متعقد تعبني وتعب نفسيتي نفسي اتجوز سلطان بقى واخلص واخلف منه 19 ولد وبنت ههههههههه

احنا بقى عيلة كبيره جدا يجي 9 في البيت اخواتي الكبار منهم المتجوز ومنهم اللي بيشتغل وبيجوا بالليل خالص وابويا كان في السجن وخرج من شهرين كمبيالات وشيكات وكلام كبير وامي بقى بتشتغل بس بتشتغلنا ههههههه لاء حلوه والله حلوة

كله مشغول وكله بيجري ورا لقمة العيش اخواتي البنات بقى كلهم زيي كده اختي الكبيره كانت مخطوبة وفركشت الموضوع واخواتي البنات الصغيرين فاشليين زيي كده بالظبط

بحب سلطان من يجي سنة هوا بيشتغل عند الميكانيكي اللي في اول شارع بيتنا كل ما اطلع الصبح المدرسه امر اصبح عليه واديله سندوتش الفول بتاع كل يوم يفطر بيه واما اروح بقى بتشفوه وهوا جي ياخدني من المدرسة بحبه بحبه بجد هوا الوحيد اللي فاهمني ومقدرني ونفسي بقى ربنا يسهلهاله بقى ويجي يطلب ايدي من ابويا

قبل سلطان بقى حبيت كتير يجي 3 بس مش حب يعني حب بجد هوا يعني كنت بدور على الحب فيهم بس كلهم زبالة ولا حد فيهم يستاهل عالم بتتسلى وبتلعب وبتضيع وقت
بت ويتسنكحوا معاها وخلاص الا سلطان من يوم ما عرفته وهوا بيحبني وشاريني ونفسه يتجوزني بس تخلص الأمتحانات

الكل بيقول عني جدعة وبنت بلد صاحبة صحبتي وما حبش الدلع بقى والحركات المايعه دي اموت واتفرتك لو لقيت حد كده من اللي هما دلوعين بطريقة تقرف وفاضل تاكل الشيبسي بالشوكة والسكينه واخد بالك انت يا عم ابراهيم ههههههههههه

وبرضه وما حبش اللي يتنطط على كتافي اه اللي عايزاني في خدمه اديلها عيوني بس اللي تحاول تتذاكى عليا ما اقلكوش اقرقشها بسناني فكرين البت وفاء ههههههه لاء دي ما قلتهالكوش

وفاء دي كانت معايا في درس الأنجليزي وفي مره جات تقولي اصل ابويا ما معوش يدفعلي فلوس الدرس دلوقتي وهوا قالي الاسبوع الجاي وانا خايفه الأستاذ يطردني وصعبتني عليها والله كنت هعيط علشانها وهي بتقولي القصة
فا ادتلها فلوس الدرس بتاعتي على اساس تجيبهم الأسبوع الجاي بدال فلوسها واسبوع واتنين وبقيت انا اللي مش بدفع جيت قلتلها فلوس الدرس وبتاع انتي عارفه قالتلي لاء ده بكره ان شاء الله وعد خلاص
وفي بنت زميلتنا جات وقالتلي يبنت ده باباها دافع للأستاذ يجي عشر دروس مره واحده ومش محتاجه دي بتكلم بيهم صحبها المسافر في السعوديه قلتلهااااااااا نعم يختي ورحت للبت وفاء قلتلها الكلام ده مظبوط وكنا نزلين من الدرس قعدت تتوه فيا وبتاع وتقولي ما اعرف ايه وما ادرك ايه روحت مسكاها من شعرها في نص الشارع ونزلت فيها ضرب قدام الناس كلها وعضتها من ودنها واضربها بالروسية
دي فلوسي وفلوس الدرس وخدتهم تكلم صحبها ما اضربهاش وكمان بتنكر مسكتها رنيتها علقه في نص الشارع وقلتلها تجيب الفلوس بكره احسنلها وانتهى الموضوع

البنات هههههههههههه يخرب عقلك يبعيده ده انتي شلق

هعديهالكوا دي هههههههههه ولو اني مش كده انا كنت باخد حقي بس انتم عارفين انا ندمت بعديها خصوصا بعد اما اخواتي سمعوا بالموضوع وابويا كمان
صحيح محدش عاتبني ولا كلمني في الموضوع بس انا خدت احتياطي ورحت قايله لأمي اللي حصل من طق طق لسلامو عليكم علشان حصلت حاجه كده حاجه كده ابقى في السليم انا

ما تجيبوليش سيرة المذاكره واتخرج واشتغل انا نفسي اتستت في بيت ليا لوحدي واعيش هانم في بيتي واحب في الواد جوزي ههههههه بس ماليش طموحات ولا احلام غير اننا اتجوز سلطان وافرح بخواتي البنات كلهم

اهتمامات زي ما الاخوات الزميلات بيقولوا فماليش خالص اي اهتمامات ولا هوايات الا اننا بحب اروح عند اختي في الصالون اللي بتشتغل فيه عند كوافيرة بروح بقى اعمل ضوافري واسحب شعري بقى وتاتو حنة على دراعي ببلاش كله ببلاش اللي عايزه تيجي تيجي عزماكوا وعيب عليا ادفعك ميلم واحد ههههههههههه واهو بمنجه روحي على الآخر علشان اما اتمشى مع سالطونتي يشوفني اجمل واحده وعنيه ما تزوغش على غيري اه اومال ايه ده مخ ده موش بطيخة

وآدي لينا في سطور يخونا خدوا بقى كنكة البن دي من ايدي وشفولكم حد تاني يرغي هههههههههه
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 13:49

دلوقتي مع بنت عاديه جدا ابسط احلامها تعيش براحتها
الدور عليكي يا عروبة

انا اسمي عروبة فلسطينية من غزة بس عشت نص عمري هون بمصر وبعرفليش بلد غيرها كنت صغيرة كثير لما ابوي نقل شغله كله على مصر وكلكوا بتعرفوا ظروف الحرب عنا بفلسطين خلتنا نهرب بمالنا وحالنا لحد ما تتصلح الأمور صحيح بعرفش شكلها لغزة ولا فلسطين بس بحبهم كثير من حكي امي وابوي عليهم اما قريبنا بيحكوا مع ابوي بالتليفون بحتار بأني لهجة بدي احكي معهم

كل الناس هانا اخوتي وصحابي بحبهم كثير وبيعوضوني كل اهلي اللي هناك

البنات : ههههههههه ايه يا عرب والنبي لتتكلمي عربي وكفايه قوي مقدمات باللغه العربيه الفصحى خلينا كده ناخد وندي بالبلدي نموت احنا في البلدي ههههههه

عروبة : هههههههههه طيب خلص بحكي بالمصري

احكيلكوا الصراحه انا بحب مصر كثير الناس هانا كثير طيبين وعفويين بحس معهم بكل الطيبه اللي بالدنيا عايشين جمب بعض وحوالين بعض زي العيله بيساعدوك ديما لو قلت بس يا فلان بجد بجد تلاقي الف واحد يساعدك من قلبه انا مبسوطة كثير اني عشت عمري وتربيت هان

البنات : ايه يا عرب انتي اندمجتي واللا ايه احنا شيفين ما فيش اختلاف خالص ارجعي بقى لطبيعتك للغة الام اللي بتكلمينا بيها بقى زي ديما الكلام الشعبي اللذيذ هههههههههههه

عروبة : ههههههه طيب خلاص هحاول ادخل في المود من تاني بس شجعوني انتم بس

اقلكم الحقيقه ابوي وامي بدهم يجوزوني ابن عمي هناك بغزة وانا بديش اتجوز بدي اظل هان مع اختي واخوي وهيهم عايشيين هان ومتجوزين من اهل البلد وبصراحه اكثر انا حابة اتجوز من هون واظل جمبهم بديش اروح هناك وابعد عن امي وابوي واخوتي
ابوي بيقولي اني راح اسافر سنة او ثنتين وبرجع معاه لهان بس انا بديش والله بديش
كل يوم يظلهم فوق راسي لحد ما صار بدي انجن واشمعنا انا يعني ما كان قدامهم اخوتي يجوزوهم من هناك
انا خايفه كثير والله وكل يوم بظل اعيط قبل ما انام وقلت لأبوي اني بدي اخلص جامعه هان قالي بتخلصيها هناك عند دار عمك شو اسوي بحالي يا ربي والله راح ما انجن دبروني وبعرفش هنا ناس غير نسايبنا اهل جوز اختي واهل مرت اخوي بس وانا بقدرش اخالفهم ولا اطلع عن شورهم والله بيذبحوني ذبح والله

احكيلكم الصراحه انا اهون عليا اموت ولا اسافر واتجوز حد ما بحبوش ولا اعرفوش حتى ولو ابن عمي بس عاداتنا عاد عنا مثل بيكول

(ابن العم ينزل بنت العم من على الفرس )

يعني لو البنت بتتجوز وخلص رايحه على الفرس لبيت جوزها بيحقله ينزلها لو بده اياه يتجوزها هههههههههه عادات قديمة وابوي لسه متمسك بيها كثير وما اجت تصير ويفكر فيها غير على دوري يا هناي انا يا سعدي

البنات : بت مش شايفه انك موصره زياده عن اللزوم ما تتجوزيش ابن عمك ده ليه في حد في بالك يعني

لاء موش الحكايه بس عارفين ليه ؟ لأني ببساطة من حقي زي اي بني ادم اختار شريك حياتي بأيرادتي من غير ما حد يفرضه عليا انا عايزه اتجوز هنا وافضل هنا
حد اعرفه حد يكلمني واكلمه مش بالمراسله اعرف اخباره وشكله وطوله ووزنه ومخلص ايه والله ظلم واكبر ظلم اللي بيسوه فيا

وانا حكيت لاخوي بسام وهو حكالي انه راح يقول لأبوي ويقنعه اني اظل هان اكمل جامعه بعدين بيحلها الف حلال لأن هوا كمان بصراحة مش موافق على الطريقة

هواياتي عاد بحب كثير الرسم والشعر وبحب كثير اسمع اسامة منير بعشق صوته والله بحس وانا بسمعه اني بسمع صدى صوتي وافكاري اللي نفسها توصل لكل العالم من على لسانه بموت علية كثير كثير كثير وبستناه بفارغ الصبر يطلع على الهوا ويتكلم

امي بقى اي حاجه انا بحبها بتكرهها مووت يعني جيبلها سيرة اسامة منير 3 مرات بيغمى عليها هههههههههههه بعيد الشر عنها طبعا بس بتقول عنه مفلسف وبدها طول الوقت هي وابوي اظل حاطه على ام كلثوم وعبد الوهاب وعبد الحليم وبتخلينيش اسمع اللي بحبهم

بس والله مش متذكره اشي ثاني هلا احكيلكوا عليه بس اذا اجا دوري كمان شوي بحكيلكوا على بلاوي بس اصبروا عليا

خذوا الكنكة دي على رأي لينا ههههههههههههه

مين مين مين دور مين خدي يا سلام
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 13:50

دلوقتي مع بنت عاشت في تفكك اسري أثر شويه على حياتها معاكم سلام اسمعوا شويه عن حياتها

البنات : دورك سلام

انا سلام بقى ده اسمي مش بسلم عليكم ولا حاجه ههههههههه اسمي سلام احنا اساسا اصلنا من المنيا بس جدي لأبويا جه حافي من المنيا للقاهره ايام الحرب هربان وعاش هنا بقى بقية عمره واتجوز اتنين وخلف ابويا واخواته ال 13 عاش هنا بقى واتجوز وخلفنا علشان نعيش في حياتنا دي اللي كلها مرار وذل مش هسيبكم تسألوا كتير انا ليه بقول كده بس الواقع ان ايه فايدة حياة الانسان وهوا عايش لوحده في الدونيا دي بالرغم من كثر عيلته ومحدش بيشقر عليه ولا يسال فيه حتى في عيد ربنا مثلا ايه فايدتنا في الحياة واحنا مالناش حد يودنا ويسألنا اذيكوا عاملين ايه تعبانين عريانين مرضانين

ابويا ربنا يسامحه طلق امي من زمان واتجوز ولية اعوذ بالله من دي وليه غولة بجد غولة مش كدب طويلة كده وطخينة ولية تستحق الحرق على اللي بتعمله فينا قطعتنا من الناس وحرمتنا من امنا ووزت ابويا علينا كل يوم يمسنا ويصبحنا ضرب علشان خاطرها

الحمد لله مالناش منها اخوات لأنها ما بتخلفش اساسا ربنا باليها على قد نيتها ربنا لا يسامحها يارب ويوريني فيها يوم اسود من قرن الخروب

هقلكوا على موقف تصدقوا وتأمنوا بالله انها كانت في يوم عايزة تحطلنا سم فيران في الأكل لولا اخويا كشفها ونزل فيها ضرب وكسرلها ايديها واما ابويا عرف طرده من البيت واما قاله على اللي شافه قعدت تعيط وتقوله ده كداب ده جابوه علشان تطردني من البيت وقعدت تعيط وتسوط وليه اعوذ بالله سعات بيبقى نفسي امسك سكينة المطبخ واضربها في كرشها اطلع مصرينها ولية كياده ومعفنه تسيب البيت يضرب يقلب لحد اما ارجع من المدرسة واطبخ وانضف واروق انا

واما تشفني مسكت كتاب علشان اذاكر تفضل تناديني ولو ما ردتش تقلب الدونيا عليا وتوز ابويا يضربني احنا في البيت 5 اخويا الكبير واهو ابويا طرده من يجي 5 شهور وبعد كده انا وبعدين القطاقيط الصغيرين بنيمهم في حضني ما بسبهملهاش للولية دي لتعمل فيهم حاجه لا سمح الله

نسيت اقلكم ان ابويا طلق امي اما اكتشف انها بتاخد حبوب منع للحمل من وراه وهوا كان بيقول ان الوليه طول ما ربنا خالقها بتخلف تقطع ده بأيديها ليه وكان رافض فأخوه اللي هوا عمي الصغير جاب الدوا لأمي بالخفى وقالها تخبيهم منه بعد اما تعبت جدا بعد امير اخويا الصغير واما عرف انها بتاخد الحبوب دي ضربها وطردها من البيت وبعتلها ورقة الطلاق

انا نفسي اروح لأمي اشفها واترمي انا واخواتي في حضنها بجد انا تعبت جدا محتاجالها وهوا لو سمع بس اننا زرناها يقلب علينا الدنيا وامي ست ضعيفه ومالهاش في المشاكل ترفع قواضي وتستنى وهوا عنيد وظالم

استغفر الله انا ما يصحش اقول كده بس هوا شردنا وبعدنا عن امنا وبعد عننا الناس بقينا زي المقطوعين من شجرة محدش بيودنا ولا بيسال عننا بسببه

انا امنية حياتي اننا اروح لامي بس ماليش اي طلب في الدنيا غير ده بس انا واخواتي نحس شويه اننا بين حد بيحبنا ويخاف علينا بجد واخويا بيجيني من وقت للتاني المدرسه وبيسبلي فلوس بخبيها من ابويا طبعا لو عزت اجيب حاجه لأخواتي كده والا كده

بالنسبه بقى لأحلامكم الورديه في فتى الاحلام فهي مش عندي فنا زي ما تقولوا كده بكره حاجه اسمها رجاله وابويا السبب على فكره واللي عمله فينا بس اللي بيهون عليا الخير اللي بشوفه من اخواتي الصبيان ليا ولأمي وكأنهم مش ولاده اساسا حنينين قوي عليا وعلى امي لأنهم داقوا من ظلم ابويا كتير جدا فطلعوا عكسه

عارفين سعات اما ابويا يحس اننا هنضيع من بين ايديه بينخ شويه من يجي اسبوعين امير كان بيعيط جامد جدا وانا مسكته ومسكت محمد واحمد وحضنتهم وقعدت اهدي فيهم واقلهم هنروح نزورها وكده هوا شافنا كده قعد معانا على الأرض وقعد يعيط ويضرب وشه ويقول عايزين تسيبوني لمين ويعيط بالدموع
دي هي المره الوحيده اللي اشوف فيها ابويا كده سعتها صعب عليا جدا وقعدت اعيط عليه يعيني واما شفنا كده قالي خدي خواتك بكره بعد المدرسة وقضوا النهار مع امكوا سعتها ما صدقتش ان اللي بيتكلم ده ابويا انا ربنا يهديك يابا يارب ويسامحك

البنات : ربنا يصبرك يا حبيبتي وكتير منهم واللي هما العاطفي بقى بيبكي

ما تعيطوش انا بجد ما بحبش اخش المود ده بس انتم قولتولي اتكلمي عن نفسك واهو اتكلمت غيروا بقى السيره

خدي يا منى المايك والنبي كفاية نكد بقى قولولنا حاجه تفرح

هاتهولي هنا الميكرفون ده
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 13:52

ايه يا سلام السيرة دي والله كنت هعيط وبعدين مالهم الطخان يعني مش كلهم وحشين هاهاهاهاها

كلمينا بقى عنك يا منى

انا منى او الشهيرة ببكبوظة الشله وسعات بيقولولي البيضه المربربه ههههههههههههه طخينه صحيح بس زي العسل مش كده والنبي ههههههههه الحالة الاجتماعيه مخطوبة واعول هههههههههههههههههههههه كنت هقول مخبوطة المهم والله ما مصدقه اننا دونا عن اللي في الفصل ده واللي اتخطبت بدري كده عمري ما فكرت ان حد ممكن يتجوزني وانا بكابوظه كده عملت يجي الف رجيم بس كله على فاشوش ما اقلكوش على ريجيم اليوم الواحد والا رجيم التونه والا رجيم الاسبوعين ههههههههههههه امشي في كل واحد يومين تلاته وارجع اسوء من الأول تقولوش عليا عمل اسمه الأكل

البنات كلها بتضحك هههههههههههههه

المهم بقى والحلو في الموضوع ان خطيبي رفيع وطويل بس ما اقلكوش بيموت فيا بيقولي عايزك كده اوعي تخسي ابدا ههههههههه بيموت فيا بعد الشر عنه يارب ان شالله فتحي ولا هوا بيحبني كده زي منا وانا بموت فيه عليه حنيه ما تتوصفش

فاكرين يبنات يوم خطوبتي

استنوا اقول للناس يوم الخطوبة بقى جابولي فستان طويل وانا قصيرة سنه مش قوي هههههههه المهم ايه جابوه ديق شويه فجت الست بتاعت بيت الأزياء وخدتلي الطول علشان تظبطه وانا نزلت بوسطي سنة علشان بس اوريهالها عايزه الفستان لفين وتررررررررررررررك مش هقلكوا على اللي حصل تقريبا عرفتوا هههههههه بقى شوارع الفستان قلتلها مش تجيبي قماشة تقيله شويه هههههههههه بس والنبي مش كان رخم الفستان انا اساسا كنت كرهاه الفستان اللبني كان احلى وكان يجنن عليا يوم الخطوبة البنات دول كلهم كانوا عندي وقعدنا في قوضتي وطول النهار للساعه 4 وهما بيجربوا فيا اللي تعملي عنيا سموكين هههههه واللي تحطلي ازرق واخضر واصفر فوق عيني واللي حرقتلي شعري ده كان يوم مهبب بس والله كان يوم جميل المهم بقيت زي البلياتشوا لحد ما جات بتاعت الكوافير كنت بقيت زي الكلاون دي ضحكت ضحك على شكلي العيال دي عبيطة عبط والله ما اقلكوش دي عملتلي حمام زيت لشعري وقالتلي دول حرقهولك وقصته وعملتلي تسريحه تانيه خالص غير اللي قلتلها عليها ههههههه

يوم الخطوبة بقى جابلي خاتم خطوبة ما احكيلكوش عليه شفتوه يجنن وجابلي انسيال وسلسلة عليها كلمة اللة وتاني يوم اما جه زارنا بعد الخطوبة كان جيبلي موبايل وشحنهولي بميت جنيه نفضل طول الليل نتكلم

خلونا نتكلم جد خطيبي مصطفى بقى عرفني عن طريق درس دين كنت بروحه مع البت سعاد جارتنا كل يوم خميس وهوا يبقى ابن عم ميس رباب اللي كان بيبقى عندها درس الدين وكان كل ما انزل من عندها الاقيه واقف انا ما كنتش اعرف انه يقربلها اصلا ولا كنت اعرف انه بيبصلي كنت فكراه بيبص على سعاد لأنها رفيعه زي عود القصب وفي يوم وانا في الدرس وقبل ما نروح طلبت مني عنوان بيتنا ونمرة التليفون وفوجئت بيها بتتصل بماما وجات هي وهوا وحمايا وحماتي قبلوا بابا وماما وطلبوني لحبيبي طفاطف

المدرسة بقى هتخلص هتخلص بس انا اتفقت انا ومصطفى اننا هنقول لبابا نأجل شويه اكون رستأت نفسي في الجامعه بعد كده اكمل واحنا متجوزين وهوا موافق يعني مش ممانع اننا اكمل خالص وعلى فكره هوا ناوي يكمل ماجيستير وبحضرلها من دلوقتي بجنب شغله وبيقولي اعملي حسابك على كده بعد البكالوريوس نفسه نبقى احنا الاتنين حاجه كبيره ومهمه ونشد على ايد بعض ونكمل

اكتر حاجه شدتني ليه بجد طيبته الفظيعه واخلاقه وتدينة الجميل وتمسكه بربنا بس بالرغم من ده برده روش يعني وطموح وعاقل واهم حاجه بيخاف عليا من الهوا الطاير ما اقلكوش عقبالكم كلكم يارب ما ربنا يرزقكم بالحد الطيب زي مصطفى حبيبي


كل ده وبكلكموا عن خطيبي

ابويا موظف في هيئة البريد القومية وبعد الظهر بيروح ورشته بتاعت البراويز بيعمل فيها براويز تجنن بيتنا كله براويز
ماما بقى ست بيت ربنا يخليهالي حبيبة قلبي وعندي اخواتي هبه و مصطفى ههههههههههه شفتوا الصدف مصطفى اخويا ومصطفى جوزي في المستقبل القريب ان شاء الله
اختي هبه متجوزة وعندها ولدين وبنت واخويا مصطفى اكبر مني بسنة ونص بس هوا وبابا بيحبوني انا واختي جدا وبيخافوا علينا بجد والحمد لله اهو سترونا احنا الاتنين وعدت

بس هي دي انا في 10 صفحات والمره الجيه اما يرجعلي الميك هقلكوا على خنقاتي انا ومصطفى شكلها ايه وطبيعتها ايه كمان سلالالام
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 13:53

دلوقتي مع بنت خارجها ضحك وفرح وسرور لكن دخلها الم ووجع وتشاؤم فظيع لظروف معينة تابعوا معايا

الدور على روزانة يلله بقى يا روزانه كلمينا بقى عنك شويه ولو اننا عارفين كل حاجه


روزان انا بقى روزان او روزانة زي ما بيحبوا يندهولي صحباتي هنا يمكن ابان هاديه او مش بعرف اتكلم كتير لكن اعذروني واستحملوني مودي اليوم مش تمام ولو اني بطبيعتي ضحوكة ومبتسمه لكن اليوم هتشوفوا وش ولأول مره تشوفوه ليا سواء اللي يعرفوني بقى واللي هما صحباتي او الساده القراء

انا ليه 3 اخوات بنات و3 ولاد مش ولاد عفوا رجاله الحمد لله عايشين وبحمد الله في نعمه مع بعض وسعيدين والحمد لله محدش فينا متجوز لحد دلوقتي مع ان اخواتي فيهم اللي عدى الثلاثين بس هوا كده قدرنا عائلة مضربة عن الزواج وبأصرار فظيع
انا اخر العنقود بس للأسف يمكن ما اكنش سكر معقود قوي ههههه بس والله عيلتي بتحبني قوي وبحمد الله وصحابي كمان والدي متوفي من زمان قوي وعايشين مع والدتي ربنا يديها العمر يارب والصحه والعافيه روحنا فيها وهي كل اللي لينا في الحياة دي زعلها حاجه تخنقنا ورضاها ضحكه في وشوشنا كلنا هي ضحكتنا وفرحتنا
ربتنا وتعبت علينا واحنا صغيرين والحمد لله دلوقتي بتلاقي جزاء عملها وودها وجميلها ربنا يارب يديلها طولت العمر والصحه ويدمها تاج فوق روسنا كلنا يارب

انا مش هقولكم بقى موضوعي وقصتي بطريقة احنن بيها قلوبكم عليا او استعطفكم او حتى اعيطكم بس محتاجه افضفض لكم واقول كل شيء متخبي عني داريته يمكن كتير ولأول مره يمكن جميعا هتعرفوا الموضوع ده عني حتى انتيماتي كلهم ما يعرفهوش

انا من وانا صغيره مريضه وعندي خلل في عمل الغدة الدرقيه وعملالي مشاكل صحية كتير جدا ومأثرة اكيد عليا بالسلب عشت تلت تربع عمري بين المستشفيات والمستوصفات وامي واخواتي ربنا يخلهوملي معايا يخدوني ويودوني ويمرضوني بس الحمد لله اكبر من اننا اياس من حاجه زي دي فده قضاء ربنا ليا وانا راضيه بيه ومش مديقه وبقول ياما ناس اصغر مني ومخلوقين بالكانسر او امراض خطيرة تانيه زي تليف الكبد وفايرس سي او تشوهات خلقيه او او .......
وبحمد ربنا اننا احسن من غيري بكتير على الأقل مش بتألم او بتوجع لكن ما اخبيش عليكم الموضوع مأثر جامد جدا على نفسيتي بالسلب سعات بتمنى اموت ولا اكمل حياتي بالطريقة دي فنا ببساطة ولطول الوقت بحس اننا مش طبيعيه واننا هموت بدري ومش هسعد زيي زي اي بنت في الدنيا

استغفر الله العظيم والله ما عارفه انا ليه بعيط دلوقتي بس تقريبا هوا ده اللي حسه بيه فطلع مني بصدق

كل حاجه معكساني كل اللي بحلم بيه او بطلبه من الدنيا ما بيجيش او بيجي عكسه وبالرغم من ده كله ببان متماسكة وصلبه وبضحك وبهزر

لكن انا بجد جوايا بقايا انسان مش انسان مش عارفه هل هوا ايماني الضعيف واللا شخصيتي الضعيفه والا يمكن اكون محتاجة أعالج نفسيا ومش عارفه الله اعلم

بحب اخواتي قوي وبحب امي قوي قوي ونفسي افضل معاهم طول عمري كده وهما كمان يفضلوا معايا طول العمر

سعات بتمنى اننا اتجوز ويبقالي حد احبه واهتم بيه ويهتم بيه بس بخاف اقرب من الحته دي لأني حسه وبمنتهى الأمانه اننا هتعس الحد ده مش عارفه ليه ديما حسه اننا حتى لو اتجوزت ده فرضنا وحصل اننا مش هخلف وان جوزي هيطلقني واننا هعيش مأساه في حياتي

يمكن من كتر ما حياتي ادتني الالام فما بقتش مستنيه اي حاجه حلوه تفرحني او حياة طبيعيه زي اي بنت لأني من البدايه ما عشتهاش فبختصر الموضوع من اساسه وما بفكرش كتير

معلش استحمولوني بس يمكن ده بجد اللي حسه بيه بمنتهى الأمانه والصدق ويمكن لأول مره اعترف اعترافات خطيره بالشكل ده

عارفين حاجه وانا صغيره كان ديما العيال في المدرسه يتريقوا عليا علشان شكلي الملخبط وياما رجعت لأمي معيطه من المدرسه واقلها بيتريقوا عليا وهي كانت تطبطب عليا وتاخدني في حضنها هي واخواتي البنات .

وكمان اما كبرت ما حستش بمراهقتي ولا بعمري اللي بيكبر من الطفولة للمراهقه للشباب في المدرسة او من المجتمع اللي بره ابدا ولا اتذكر اننا خرجت مره من بيتنا ورجعت راضيه بحس ان بيتنا هوا ستري وغطايا بيحميني من عيون الناس ورذالتهم

اسعد اوقات حياتي وبأمانة عشتها وسط امي واخواتي اما نقعد يوم الجمعه نفطر الصبح والا اما كنا نلعب حاكم وجلاد مع ابويا الله يرحمه وينزل فينا ضرب بالحزام هههه بهزار طبعا واللا اما كانوا يتغالسوا على ماما وتقوم مسوطة من اخواتي الرجاله وتقوم ضرباهم بالشبشب وفي الآخر نفضل نضحك كلنا

عمري ما ضحكت من قلبي غير وانا معاهم ووسطهم حتى معاكم ما ببقاش بضحك من قلبي معاهم بس بحس اننا عندي حد يخاف عليا ويحبني بمنظري المعفشك ده ويطبطب عليا اما اعيط اوازعل

عرفين حاجه غلطت مرة وفكرت احب على اللي حصلي وكأن الشيء ده مش من البشر وكاني حيوانه ولا اسوى وماليش الحق اننا اتنازل واحب زي الناس الطبيعين واتجرحت ووعشت مكتئبه مش عارفه الدونيا معكساني ليه مع اني بحب ربنا جدا وما بغضبوش وما بفكرش اعمل حاجه وحشه والله بس هي كده مكتوبلي اعيش شقيانه واموت شقيانه

خلاص والنبي مش قادرة اكمل

البنات : لا والنبي يا روزانه اهدي طيب كل ده ومخبياه عننا احنا مش اخواتك وصحباتك كل الوقت ده وما نعرفش الحجات دي عنك اخص عليكي خلاص مش هنقولك على حاجه تاني وبعدين انتي كويسه ما تقوليش كده والله كل كلامك غلط كلنا بنحبك وبنخاف عليكي والله يا حبيبتي وبكره كلنا نفرح بيكي ونجوزك هههههههههههههه روقي بقى والنبي ما تدخليش في المود ده بقى
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 13:55

دلوقتي مع الرومانسيه بتاعت الشلة نسومة

اول حاجه روزانة حبيبة قلبي انا بحبك جدا وعمرك ما تقولي كده على نفسك ده المرض ابتلاء من ربنا وقادر وحده انه يشفيكي ما تزعليش وما تديقيش افرحي وديما اضحكي زي ما عودتينا ما تعيطيش ابدا وبكرة تشوفي ان ربنا هيعوضك خير وهتعيشي سعيده



اعرفكم بقى بيا
انا نسومة اسمي نسمة ليا من اسمي نصيب على قولة ماما هادية جدا لدرجة تخنق كل حاجه في الدونيا دي في عيني ليها شكل وملامح لوحدها مريحة الطاسة زي ما بيقولوا ورومانسيه حبتين كل حاجه ببصلها برومانسيتي دي

انا على فكرة وحيدة ماما وبابا وده يمكن اللي مخليني انطوائيه شويه وكمان بالنسبه لناس كتير بتصرف بحرية شوية بس مش بخرج عن حدود المعقول طبعا وبحترم والدي جدا وامي جدا بس ما فيش حاجه في نفسي ابقى اعملها وبابا وماما وبيرفضوهالي بيحسوا بكده انهم عوضوني طبعا حاجه مفتقداها وهي الأخوات

احنا ساكنين في بيت جدي الله يرحمه وهوا دلوقتي لبابا لأنه وحيد جدي وجدي ده كان راجل جميل قوي وشرقي جدا الحمد لله ربنا فاتح عليه من وسع فبنا البيت ده وعاش فيه هوا وجدتي واما بابا اتجوز سكن معاهم ودلوقتي بعد ما جدي راح احنا اللي عايشين فيه

اجمل ما في الموضوع ان جدي عمل تحت بيتنا كده زي ما تكون تسوية منضفها ومعفشها واما بابا اتجوز كان جدي بيقعد فيها طول الوقت وليها باب منفصل وباب داخلي موصول بالسلم

وبما اني ثانوية عامة فنا احتليتها وبزاكر فيها وتقريبا عايشه فيها بخرج بس وقت الأكل ووقت الزيارات العائليه وده قليل جدا ووقت النوم كمان
وبابا ساعات اما بيفتكر جدي بينزل يقعد معايا تحت ههههههههههه نتكلم شويه انا وهوا وماما ويسيبوني اكمل مذاكره تاني

المكان ده بجد هوا جنتي ومرتباه بمزاجي وخليت بابا يجيبلي ورد صناعي بلاستك لونه احمر عبيت المكان بيه ونزلت كل حاجه تخصني هناك الكاسيت بتاعي والشيزلونج بتاع جدي والمكتب نزلته ده غير تلاجة جدي الصغيره والمايكرويف يعني بيت بس مصغر اجمل ما فيه انناعملاه بالطريقة اللي تريحني واللي عايزني منهم فوق يديني ميسد على الموبايل اطلعله فورا هههههههههههههههه

جدي حبيبي الله يرحمه علمني حاجتين ولحد دلوقتي بعملهم وبأصر اننا اعملهم ديما الصلاة في وقتها كنت ديما اصلي وراه كل الصلاوات وعزف الناي كان يمسك الناي يطلع منه اشي عزف حزين واشي رومانسي كان رومانسي جدا الله يرحمه ويقولي كنت اعزف لجدتك دي ويعزفلي وكنت اما ابقى زعلان منها اعزفلها دي تعرف اننا زعلان على طول هوا ما كنش محترف بس كان يحب يعمل الناي ويصنعه بأيديه من القصيب ويعزف بيهم عندي يجي 10 منهم واما افتكره لازم اقعد كده ازمر بس طبعا بيطلع نشاز هههههههههههه مش زيه الهي يارب يا جدو يرحمك ويبشبش الطوبة اللي تحت راسك

علاقتي بماما كويسه بس مش زي يعني كل البنات اللي في سني يمكن ده يرجع لأني كتومة جدا وقليلة الكلام بس بابا بيعرف يطلع مني الكلام وبيضحكني سعات كتير جدا

انا بحبهم والله بس سعات كتير بحس بفراغ بحب املاه لوحدي روايات رومانسيه ومغامرات شعر خواطر موسيقى مونامور ههههههههه يعني لو في خروجات بيبقى على الديق سوق لو فيه بيبقى كل فتره وبنزل مع ماما

خالاتي واخوالي كتير مش زي عيلة بابا فبيتنا ديما بيكون مليان عيال صغننين وكده بس بناتهم بقى حاجه تخنق وبيغيروا مني على ايه ما اعرفش وماما على طول يا عندهم يا هما عندنا
بس انا بحب اقعد مع نفسي وما بحبش الزحمة الا في حالات معينة اما ببقى سعيده ومرتاحه مع اللي بكلمهم اما غير كده فبحب الهدوء فبيعتبروه هما قلة ادب بقى وغرور فبيشوفوا نفسهم عليا بقى بدال الطاق 100000 طاق
اما بيجوا بقى عندنا بيجوا تحت عندي بيفضلوا يتريقوا ويقلولي دافنة نفسك في المذاكرة اخرجي اتفسحي شمي هوا مش عارف ايه يعني بيقوموني على وضعي او على حياتي اللي انا عايشاها ومش عارفين ان انا اللي اخترتها بأيرادتي

رغم هدوتي الا عندي سنة جنون يعني احب الحجات الغريبه الخارجة عن المألوف بس طبعا مش كل حاجه بتمناها بعملها يتقال عليا مجنونة رسمي

المدرسة دي كانت اختياري وانا اللي اصريت اننا افضل فيها طول الوقت ده لأني بحبكم جدا وما اقدرش ابعد عنكم خالص ولو ان بابا كان يقدر يوديني اي مدرسة اشاور عليها بس في رأيي كله مظاهر وكله كلام فارغ
اشمعنا بنت اخت ماما في مدرسة مش عارف ايه للغات وبنتي في مدرسة بسيطه زي دي ههههههه وكلام كتير بقى بس انا اللي صممت اننا افضل هنا يا ينقلكم كلكوا معايا هههههههههههههه ماليش دعوه يتصرف عاجبه اوك اتنقل بس كلكوا معايا

عموما ومن غير تطويل عن الجانب العاطفي فأحب اطمنكم ان لحد دلوقتي ما فيش حاجه ولا كان في والحمد لله راضيه وما تزعلوش مني انا ما بعترفش بالطريقة بتاعتكوا في الحب اوك انا رومانسيه بس والحمد لله اعرف ربنا وبحاول التزم بديني قدر المستطاع فببعد عن اي حاجه مش على مزاجي رغم ان ده متوفرلي لكني بحترم جدا ثقة والدي ووالدتي فيا وبكون قد حريتي اللي ادوهالي وقبل كده بحترم ربنا اللي شيفني في السر والعلن وعارف نيتي طبعا

بس طبعا بحب وبعيش قصص رومانسيه جدا سيبها للحظة استثنائيه جيه جيه ان شاء الله مع حد هيكون ليا بأذن الله لكن في دماغي يعني بنخرج وبنقعد في مكان هادي رومانسي وميوزك وبحر وورد يعني طقوس كده هههههههههههههههه بحب اعشها كل يوم قبل ما انام بس احبها تكون وتتوظف مع فارس احلام حقيقي شاريني وبيحبني وهيجي باذن الله في وقته وقت ما ربنا يأذن في اجمل من كده هي دي انا نسمة يارب ما اكونش دوشتكوا بالكلام الكتير اول مره اعملها وارغي كل الرغي ده
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 13:57

دورك يا عصوم يلله كلميهم عندك شوية

انا بقى عصمت ما تستغربوش اسمي والدي ربنا يسامحه اللي مسميهولي اصله كان نفسه في ابنه الاول يبقى ولد موش بنت وحلف لمسميني عصمت على اسم صديقة الأنتيم كل ما يجي عمو عصمت يزورنا يقولي تعالى يا واد اقعد جمبي وحشني يله

بيني وبينكم انا علشان بحبه بتقبل منه الموضوع ده بس اما حد تاني يتريق بدايق جدا ويمكن اقلبها نكد جه ورايا بنت كمان سماها ابويا نور عموما اختي بتكره اسمها موت بس اما قلتلها انه اهون من عصمت صدقت وبعد كده طلعت نور الممثلة فقتنعت ان اسم نور يمكن بناتي اكتر من ولادي بس غالبا بابا كان معجب بنور الشريف علشان كده فحبت اسمها جدا دلوقتي غير اسمي المجعلص ده

بعد اختي التانيه جه اخواتي عمر وعلي آخر العنقود وتوأم واهو ربنا عوضه بولاد زي ما يحب وروحة فيهم كمان بس لو كان صبر قبل ما يسميني الأسم الغبي ده يالله كله نصيب

عموما من غير تطويل انا بتخنق من الكلام اصلا فهنجز انا عصبيه جدا وروحي ديما في منخيري اقل حاجه تعصبني وتنرفزني ومش بحاول اخبي ده خالص ان شاء الله قدام مين لو مش طيقاه بيبان عليا فورا وصوتي بيملى المكان في ساعتها لو بتناقش اما لو حد بحبه ببقى فرحانه بس التكشيرة بتبقى بين عنيا ديما امي تقولي مالك عامله 111 بين حواجبك بقيت دايم الدوم مكشرة وليه نظرة حادة اي حد يبص لعنيا يقول يمااو لو بنت يقول يا مامي هههه مع ان جوايا طفله لسه نونو والله
علشان كده ديما الناس اللي اول مره تعرفني بتتجنبني وبيخافوا يكلموني كتير ياما حاولت اوطي صوتي او اتكلم بشويش بس غالبا اسمي بهت على شخصيتي وبقيت راجل بجد ازعق واشخط واتنرفز ما عنديش اهتمامات بناتيه خالص لا تقوليلي شعري ولا ضوافري ولا بتاع

بس بالأمانة وده سر واوعى بقى تفضحوني اما ببقى لوحدي في البيت وبكون مثلا في فيلم رومانسي او اغنية حزينة بأبكي وبتأثر جدا اما قدام اخواتي ولا يمكن يعني بحاول ديما ابان بمنظر القويه اللي ما بيزعلهاش حاجه

مرة رحت حفلة بنت خالتي اما نجحت في ثانوية عامة وكانت عامله حفلة في البيت وعزمت كل صحبتها وقالتلي تعالي روحت وانتم عارفين بقى حفلة بنات يعني ايه بيجوا المحجبة محجبة واللي بتلبس محتشم بتلبس واللي حتى بتلبس شوية يعني عارفين بس اول ما يقفلوا الأوضه علينا ونشغل الموسيقى البديهات بقى تطلع والميني جيب والفساتين تشتغل

البنات : اه عارفين الشغل ده شفنا منه كتير

ببقى ببص عليهم ونفسي البس جيبة او بدي حتى لو مجرد في حفلة وانا الوحيده اللي كنت لابسة شيرت وجينز وكوتشي

واما رجعت بيتنا بقى ولوقت بسيط جدا جربت البس فستاني البرنسيس اللي امي مخيطاهولي او الجيبة اللي شرتهالي في العيد بس مش عارفه اول ما انام واصحى تاني يوم كل الأفكار دي تروح

يمكن طبعي صعب حبتين بس والله من غلبي سعات بحس اننا مش هقدر اعبر عن قوتي اللي بالزعيق او العصبيه مع اني اما بزعل حد ببقى قبل ما انام بحاسب روحي جدا وبقول اننا تاني يوم هعتذرله او هصالحه بس وكأني اول ما اصحى يركبني عفريت اسمه العصبي وبتخنق من ايتها حاجه وكرامتي بتنحق عليا قوي اروح اعتذر لحد فبطنش

والدي بقى كان نفسه يشفني بش مهندس قد الدنيا او لعيب كورة هههههههههه مع ان ميولي ادبيه خالص وبحب التاريخ جدا جدا جدا وخصوصا الفترة الفرعونيه وفتره انتشار الأسلام بس هوا راسه والف سيف اننا اكمل اي حاجه غير ده وان العلمي مجالاته اوسع والناس بتحترم الدكتور والمهندس وبتاع التكنولوجيا بشكل عام اكتر من الاستاذ والمحامي والأعلامي يعني تعتبر معتقدات ولو اني بعتقد ان اي حد بيثبت نفسه في مجاله بيبقى محترم وكل الناس بتحترمه

بس خلاص ما فيش حاجه تاني

البنات : لاء في ما قلتلناش الجانب العاطفي من حياتك

هههه والله انتم غلابة بس مش هضحك عليكم انا حبيت اللمبي جدا مش عارفه ليه بس بيستهويني بصوته والوحيد اللي قدامة بحس ان صوتي رقيق كده وانوثي وبأعجب بحركاته جدا هههه وفي الحقيقة فاكرين يوم رحلة القناطر

البنات : اه

فاكرين السواق كان اسمه فتحي وانا نازلة من الباص اللي كنا راكبين فيه قالي انتي جميلة قوي

قمت رده عليه قلتله ياشيخ اتنيل هههههههه بس من جوايا كنت فرحانه و حسيت اننا بنت وممكن في يوم كده اتحب وحد يعجب بيه وكده بس والله ما في حاجه تاني هي دي انا مش خبيت عليكم حاجه
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 13:58

بدأية القصه...
~~~~~~~~~~~~~~~
~~~~~~~~
مرت الأيام والأسابيع والشهور والشلة دي من البنات كل واحده عايشه في حياتها ما بين المذاكرة والمدرسة وحياتها في محيطها وبيتها و المشاكل اللي بتتعرضلها وفاضل على امتحانات آخر السنة خلاص يا دوب شهر والبنات هياخدوا اجازة علشان التحضيرات للأمتحانات وقرروا في آخر يوم ليهم مع بعض في المدرسة وبما ان خلاص ما بقاش في حصص ويقعدوا اليوم الأخير ده مع بعض من اول اليوم لنهاية اليوم المدرسي كل واحده تشوف جديد صحبتها بعد ما كل بنت حكت عن حياتها من فترة طويله

وكانت النتيجة بعد مرور الأيام الكتير دي كالآتي :

ساندرا : والدها ثار على السلبيه اللي عايشها في بيته وكانت بسبب الأقارب وطبعا والدتها رفضت الأسلوب ده فكانت النهاية الطبيعيه للعلاقة دي الطلاق واللي ضاع فيها البنتين والأخ الصغير لكنها مصره على النجاح مهما كان الثمن للتفوق على زميلتها

ميسون : لا زال الخناق والتعصب قائم عليها بل واصبح أكثر من الأول وبلا اسباب وسلبية الأم والأب مبهدلة الدنيا وتتعرض للعنف والضرب والاهانه كل يوم

علا : اكتشفت من مديرة الدار ورغم حب مديرة الدار الشديد ليها وفخرها بيها انها مش هتقدر تأمن لها مصاريف للجامعه هي وزميلتها من نفس سنها وانها ممكن تساعدها لو حبت كحد ادني لشهادة جامعيه متوسطة وان الدار هتأمنلها سكن هي وبنات جيلها وهيعيشوا لوحدهم بعيد عن الدار بعد التخرج وانها بتتقطع للقرار ده لكنه واقع ولازم تقبل بيه

ومش هتتحمل الدار بعد كده مسؤوليتهم وانها هتحاول تلاقيلها شاغر للشغل عندهم بس مش اكيد لان الدار مكتفيه جدا شواغر للعمل فكان وقع الكلام عليها صعب جدا لأنها كانت تحلم بالأستقرار مع الناس اللي حبتهم واختارتهم



لينا المطرقعة بقى واللي مليانة جنون وتفاؤل ورغم كل محاولتها في الأحتفاظ بسلطان الا انها اكتشفت انه على علاقة تانيه وتالته ببنات في الحته وكلهم واعدهم بالزواج

عروبة لا محالة هتسافر بعد الأمتحانات للزواج بأبن عمها اللي لا تعرفه ولا يعرفها


سلام والدها طلق الست الغولة اياها لكنه بتصرفات غير سوية يرجع البيت متأخر جدا وغير مسؤول بتاتا عن البيت ومتطلباته واللي فيه لكنه وافق ان امير ومحمد واحمد يرجعوا لأمهم بعد ما صعبوا عليه لصغر سنهم يتشحططوا معاه اوهو حد يأكلهم ويخلي باله منهم لكنه رفض ان سلام ترجع معاهم علشان تخدمه وتخلي باله من البيت وموريها الويل

منى ابو بكابوظة الشلة خطيبها اختلف مع والدها على اشياء في الجهاز ووالدها موصر على فسخ الخطوبة او الموافقه على باقي الطلبات و بكابوظه نكد صبح وبالليل وبيقولها خطيبها تلين دماغ والدها للمصلحه لكن السعاده المغمورة ابتدت مع المشاكل البسيطة دي تضيع من بين اديها ويلها اهلها اللي بتحبهم وويلها خطيبها الحبيب ( اتحسدت والله )

روزانة لا زالت تعيش في سعادة مع والدتها الطيبة واخواتها ولا تزال تعالج من مرضها اللي قالت عنه ومنهمكة جدا في المزاكرة

نسومة لا زالت رومانسيه ولا زالت حالمة ولا زالت تحب وتميل للوحده ومنهمكه جدا في المذاكره بعيد عن مهاترات بنات خالتها ولا تزال ايضا كل ما تتذكر جدها الطيب الحنون

عصمت لم تتعود بعد على لبس الجيبه او الفستان لا زالت حسن صبي وعصبيتها زادت اضعاف مضاعفة مع اقتراب موعد الامتحانات وكل اخوتها نفسهم يهجوا من البيت بسببها وبسبب عصبيتها الزيادة عن اللزوم

هي دي الملخص لحيات كل بنت بعد مرور وقت من حكايتهم عن نفسهم

وبعد اما جلسوا جلستهم المعتاده مع بعض وقالت كل بنت جديدها واكتشفن ان الحياة دي عبارة عن نقمة الأنسان بيعيشها وبتتسببله بأستمرار بألم ووجع والسعاده فيها مش دايمة قرروا الآآآآآآآآآآتي وهما على نفس قعدتهم

اولا : سوف نثور على الظلم والهمجيه والعنف ضد المرأة

ثانيا : سوف نعيش احرار مهما كان الثمن ولوحدينا ومش عايزين حد معانا احنا الوحيدين اللي بنحب بعض بصدق عمرنا لا زعلنا بعض ولا اتخلينا عن بعض في مأزقنا

ثالثا : هنثبت للجميع اننا قادرين اننا نعيش مع بعض افضل مما نعيش في عالم مليء بناس مش ناس اساسا



تنفيذ القرار

اولا : الموارد الماليه مؤقتا لحد ما الامتحانات تخلص وكل واحده تدور على شغل
كل بنت معاها موبايل او سلسله او خاتم تطلع بيه هنا في المنديل ده هتتباع وهتروح لأغراض الأكل والشموع ومصاريف أخرى

ثانيا الأقامة هتكون عند نسومة في التسويه اللي بتزاكر فيها اللي تحت بيتهم دي مع مراعاة السرية التامه وعدم الضجيج علشان ما نتفضحش

ثالثا : ممنوع الدخول او الخروج الى الشارع بتاتا لغاية الشهر ما يخلص

رابعا : كل بنت ما تنساش كتبها وكشاكيلها وورقها ورقم الجلوس بتاعها

خامسا : كل بنت هتكتب ورقة هتقول فيها اسباب ثورانها وشروطها في العودة وان العوده هتكون بعد تنفيذ الشروط كليا

سادسا : عميلتنا الوحيده في الخارج الى نهاية الأزمة هي روزانة وذلك لعدم مقدرتها على مفارقة والدتها واخواتها وظروفها الصحية فهي اللي هتكون عارفه ايه اللي بيحصل في الخارج وهتيجي تبلغنا يوميا من 5 الى 6

سابعا : بالنسبه لنسومة فمش هيتغير عليها حاجه بتاتا هتخرج وتيجي في ميعادها واحنا سنتعهد ونحلف يمين بالله عظيم اننا مش هنتسببلها في ازعاج او احراج من اي نوع

موافقووووووووووووووووووووون

نعم موافقووووووووووون وقرر ال 9 وضع ايديهم في ايد بعض لله وللوطن وللصداقة حصل ايه للتسعة وهيبتدوا حياتهم مع بعض اذاي هتعرفوا قريب

الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 14:00

جمع البنات نفسهم ونزلوا سوا من المدرسة وقرروا انهم كل بنت تروح بيتها تجيب المعلوم ويتقابلوا في نص البلد بعد ساعتين علشان ينتشروا كل واحده تبيع حاجتها في حته مختلفه عن التانيه و تجيب معاها وهي مروحة عند بيت نسومة شوية حجات للأقامة الجبريه هناك علشان ما يكونش في حاجه ناقصة بتاتا ويكونوا جاهزين للجوء الى تسوية نسومة بتاعت جدها الله يرحمه ويبشبش الطوبة اللي تحت دماغة والألتقاء عند بيت نسومة هيكون بالتدريج من الباب المنفصل للتسوية علشان اهلها ما يحسوش بحاجه بتاتا

نسومة راحت البيت لتهيء المكان لصديقاتها الحبيبات وروزانة كذلك بوعد انها هتلتقي معاهم بكره من 5 – 6 ان شاء الله علشان تقلهم على الجديد اللي حصل

ساندرا راحت بيتها وبعد ما جابت شنطة هدومها وكتبت الرساله وخدت متعلقاتها خرجت متخفيه من منزلها طبعا وباعت الموبايل بتاعها وباعت السلسلة والخاتم الدهب بتوعها وطلعت بثمن لحجاتها موش بطال وهي مروحة راحت السنتر تجيب شوية حجات لصحبتها

ومنى باعت الموبايل اللي جابهولها خطيبها و حتتين شبكتها واحتفظت بخاتم الخطوبة بس وطلعت بمبلغ جميل

لينا راحت لأختها وخدت منها ميت جنية سلفة وقالتلها هردهوملك قريبا وخدت جلبيتين وفوطة ورقم الجلوس ونزلت بقى تتبضع

ميسون بقى ومن كتر غيظها من حسام اخوها خدت كل الفلوس اللي في محفظته هما مش كتير بس يفيدوا وكتبت الرساله وحطتها في ايد المسجل ونزلت هي كمان

علا خدت رقم جلوسها وقالت لزميلتها في دار الأيتام انها مش مسامحه المديرة وانها هتعتمد على نفسها وهتشتغل ومش محتاجه لمساعدة حد ولو انها كانت عارفه انها مش قد كلامها ده لأنها الوحيده اللي لو سابت المكان ده احتمال ما ترجعلوش لكن اهو مجازفة واحتجاج على الظلم اللي بتتعرضله البنات دي من المجتمع والناس وسابت رسالة بكده وخدت جلبيتها وكتبها وكشاكيها وكان معاها 30 جنيه بقيت حساب السبح

عروبة جهزت نفسها وسابت رسالة زي المطلوب وخدت رقم الجلوس والكتب والكشاكيل وطيران الى موقع الألتقاء

سلام كمان يعيني ولو ان الخروج كان بالنسبه لها سهل جدا الا ان كرمتها كانت نقحة عليها جدا ورفضت اخد حاجه من الفلوس اللي بسيبلهوملها اخوها وفضلت بأنها تسبتهم لأبوها مع رساله على فرشته وخدت حجاتها بكل هدوء وبوشها على بيت نسومة


واخيرا عصمت واللي بدورها كانت قمة في السعادة وهي بتجهز للأنتقال الى بيت الصديقة نسومة والأغرب من كده انها كانت مبتسمه وسعيده جدا للخطوة دية لدرجة ان اخواتها استغربوا ووالدتها كمان وطلبت من والدتها تجهزلها كام حاجه كده علشان تديهم لناس غلابة صحابها وادتلها فعلا سكر وسمنة ورز وفوقيهم 20 جنيه وحطت كل مسلتلزمتها في شنطة المدرسة واللي كانت متروسة طبعا على اخرها لكنها مشت الموضوع وحطت الرسالة تحت المخده بتاعها وخرجت وهي ترسم ابتسامة جميله مودعة بيها كل اخواتها وبيتها اللي طهق منها لعصبيتها الشديده


التقى البنات في بيت نسومة حوالي الساعه 6 مساءا وكل بنت كانت جيبه حاجات طبعا للأقامة

ساندرا جابت بقى جبن وبسطرمة وبيض ولانشونات وعيش وجابتلهم كادو كاروسون وملفية وبسكوتات يعني ده غير الشاور جيل والشامبو والكورن فليكس

منى جابت بقى الطحين والمكرونة ولحمة وفراخ وشوية معلبات يعني شوية مستلزمات ضروريه للبيت زي ما انتم عارفين

لينا بقى جابت الخضروات اشي بطاطس وكوسا وبرنجان على رأيها مع ان اسمها بتنجان وفلفل حراق وكفته و جابتلهم برضه عجينة طعمية وفول لزوم الفطار والعشا

ميسون بقى جابت صابون وشاي ونيسكافيه وقهوة وزيت ولبن

علا بقى خدت معاها شمع

جميل جميل بكده احنا وفرنا كل مستلزمات القعده هنا لحد اسبوعين على الأقل بعد كده يحلها الف حلال كل واحد تحط الباقي هنا ووضعوا باقي الفلوس في منديل وحطوهم مع علا

طبعا استقبلت نسومة صديقتها بكل الحب والحميمية ورحبت بيهم اشد الترحيب وساعدتهم في توضيب الحاجه ووضعها في اماكنها المخصصه وروقوا المكان جميعا وجهزوا اماكن النوم وكله في سرية تامه وهدوء شديدين

حصل ايه بعد ده كله و في اول يوم للشله المعفرته دي في بيت نسومة
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 14:01

قعد البنات والتفوا حوالين بعض اللي نايمه على رجل اختها واللي بتعمل فورمة لشعر التانيه قاعدين براحتهم موضوع يستحق المغامرة فعلا من زمان نفسنا نقعد مع بعض كده وما نفترقش

بنات قوموا تعالوا نغير هدومنا ونعمل لقمة

ساندرا وبألاطة شديده راحت على الشازلونج بتاع جد نسومة وقلت انا هنام هنا وخدت الطربيزة اللي جمبها وحطت شنطتها وفضتها ونقت احلى بيجامة وقالت انا هاخد شاور لغاية ما تخلصوا العشا

لينا انتي يا انسة هههههههههه ايه يما ايدك في ادينا احنا مش عند بابي هنا ولا مامي هتساعدينا وهتغسلي المواعين وهتوضبي ال شاور ال بعد ما نخلص خدي زي ما تحبي شوفيلك جلبيه البسيها وخلصينا

ساندرا : اه اه منا هساعدكم بس أخد الشاور بتاعي

لينا : ههههههههههه لاء لاء احنا نعمل عشا ونتعشى بعد كده خدي شاور علشان تكوني كده فريش قبل ما تنامي

ساندرا بتبص بغيظ للينا : طيب طيب يارب بس ارحمني من لسانها انا مش عارفه هستحملك انتي بالذات ازاي هههههههههههههه امشي يبت من وشي


منى : هااااااااااااا هتاكلوا ايه ما نفسكوش في حاجه معينة اعملكوا بيتزا انا جايبة دقيق

البنااااااااااااااااات : هيييييييييييييييييييي ايوه ايوه

علا : هشششششششششششششششششششششششش هش احنا قولنا ايه فضحتونا وطوا صوتكوا اكتر من كده والله لهنتفضح النهرده ونتطرد

وابتدا البنات البنات بقى اللي تعجن العجينة واللي تقطع الطماطم واللي تقطع الجبنة واللي تعمل الزتون واللي تعمل السلاطة

بنات في مشكلة : منى بتقول

ايه ايييييييييييييييه

مش عارفه افرد العجينة فين ما فيش هنا صواني

البنات زي خلية النحل يبت ازاي دوري كويس

واللي تدور هنا وهنا والبت نسومة فوق سيبنا هنا لوحدنا دلوقتي
يادي الحظ يعني ايه هنمشيها فول والا ايه

لينا : بت ما تعمليها هنا
اهو الميكروييف ده جواه صواني اعمليها شوية شوية واحده واحده

برده فكره هاتي اغسلها ونعمل فيها


لينا : يخبر على الريحة ايه الجمال ده يبت والله ده مصطفى هيتجنن من عمايلك انا لو جوزك كل يوم اخليكي تعمليلي بيتزا زي دي

يلله بقى انا بطني بتصوصو قالت ميسون والله ما قدرة خلاص هي هتخلص امتى انا قربت انهي على السلطة

لينا : بت انتي حطيتي فلفل على بتاعتي امليها فلفل وشطة

هشششششششش بقى انتي وهي اهو هتطلع

واتلموا حوالين بعض والبيتزا في النص

وهما منهمكين وبياكلوا ساندرا تاكل لقمة بيتزا وبالكلينيكس تمسح بوقها

لينا : الله يرحم جدك عرف المعلقة بالصدفه اجيبلك شوكة وسكينة يختي

البنات بيضحكوا

ساندرا : بت اتهدي بقى وربنا ما نقصاكي يا مفجوعة انتي فكراني زيك ههههههههههههههههه

البنات فطسانيين من الضحك

علا : يا بنات الأية وربنا لنتطرد النهرده الصوت الصوت خلاص هششششششش كلوا وبقكوا مقفول

البنات تاني بتضحك

طب ازاي والنبي حد ياكل وبقه مقفول

وصابت البنات حالة من الضحك الهستيري

بت انتي حاطه في البيتزا دي ايه يبت انا حسه اننا بتزغزغ من جوه والله قالت لينا وبتكمل ضحك

وفجأة دق دق دق

يخبر اسود ومنيل

وفي ثانيه اللي اتخبت ورا الستارة واللي ورا الدولاب والي تحت المكتب كل بنت في حته وفتح الباب

بت انتي وهي انتوا فين

نسسسسسسسسسسسسومة

يخرب عقلك يبعيده مش اتفقنا هتيجي الصبح ايه اللي نزلك احنا قلنا والدك والا والدتك

ايه الروايح دي خونة طب مش تسيبولي حته يا جبنا

المهم قبل ما تاكلي

الوضع فوق عامل ازاي

نسمة : ولا كأن في حاجه انا افتكرت اساسا انكم هجيتوا من هنا قلت انزل اشقر عليكوا ماما وبابا نايمين والله ما تقلقوش

بقلكوا علشان نتفق ومسكت البيتزا نسمة وقعدت تاكل خدوا ده موبايلي معاكوا اما تعزوني رنولي على نمرة البيت رنة وانا هفهم ماسكة البيتزا باليمين وبتسيف النمرة بتاعت البيت بالشمال الله جميلة البيتزا دي مين اللي اكلها سوري مين اللي عملها

ما تاكلوا انتوا مكسوفين ههههههههههههههه

البنات واقفين بيبصوا على نسمة الرقيقه وهي بتاكل ومعجبة قعدوا تاني واتعشوا وشربوا شاي بالنعناع وغسلوا المواعيين وروقوا

ساندرا : النهرده على فكرة بخخخخ ما فيش مذاكرة فركش بس ما تتعودوش على كده من بكره في مذاكره وكله بمواعيد

لينا : يا شيخه والنبي بقى انسي بقى شوية

بصوا والنبي يعيني البت ميسون وعروبة نايمين على روحهم خالص يعيني

سلام : فرشت الكابورته على الأرض ومسكت جلبيتين من جلاليبهم وعملتهم مخده وصحتهم ووديتهم عليها علشان يناموا

نسمة : انا هطلع بقى انام واجيلكوا الصبح ان شاء الله

منى : بت اظبطي موبايلك على ال 4 ونص علشان اصحى الفجر انا ما اعرفش اظبطه

يلله تصبحوا على خير

واحنا كمان خلاص لازم ننام : باقي البنات

وانتي من اهله يا نسومة

لينا نايمه على جمبها اليمين مش عارفه تنام

ساندرا بتتقلب

عصمت : لينا انتي نمتي

لينا : اه

عصمت : طيب

بعد 10 دقايق

عصمت : لينا

لينا : يا نعمين

عصمت : نمتي

لينا : ايوه يما نمت يا حبيبتي

ساندرا : اف بقى ناموا مش عارفه انام من صوتكوا

عصمت : بت انتي سامعه صوت

ساندرا : لاء

لينا : اه انا سمعه
عصمت : بجد

لينا : اه والله

عصمت : ده صوت ايه ده

لينا : فار

فاااااااااااااااااااااااااااااااااااار

فاااااااااااااار فااااااااااار ساندرا قامت من على الكنبة وتصرخ وعصمت مذهولة كل البنات صحيوا

عروبة : شو في ولك انتي وياها الله ياخذكوا ويريحني منكوا بدكوش تبطلوا ازعاج

فااااااااااااااااار فااااااااااااااار

عروبة : فار اللي هو صغير هاظا وبيقرص فاااار فااااااااااااار شو بتكولواااااااا فاااااااااااار يما يما يما

وفي ثواني البنات كلهم صحيووووووووا فاااااااااااااار صوت فاااااااار

لينا فطسانة من الضحك : وحياة ربنا مجانيين كله منك يبت انتي بتشاور على ساندرا ههههههههههههه انا بهظر استنوا انا هشفلكوا الصوت ده جي منين عمركوا ما شفتوا فار ده احنا بناكله يعععععععععع

شمرت عن دراعها ومسكت سكينة المطبخ وعلا وراها ورابطة دمغها بأشارب قصير بتاع سلام وعامله زي القراصنة ههههههههههههه وبتجاه الصوت هي ولينا فتحت الباب وبتبص يمين وشمال ما فيش حاجه

لينا : خش خش خش

البنات بتصووووووووت ساندرا اغمى عليها

علا : هنتطرد يعني هنتطرد وهنتكشف وحياة امي وابويا الله يرحمهم ويرحم المراحيم كلهم

لينا : الحقوا البت سندرة فطست ههههههههههه شمموها بصله انا بقول على الهوا اللي خش مش الفار وبتضحك

علا بتضرب لينا على كتفها : الهي يارب اشوف فيكي يوم لو جاتلها ازمة قلبيه دلوقتي نعمل ايه مجرمة وحياة ربنا من يومك

لينا : اهو اهو اهو

علا بتتنطط فين فين

لينا : بتضحك

البنات : بت انتي واخده ايه يبت والله مش طبيعيه

لينا بتجاه الصوت وفي اديها السكينة من جديد والمره دي من غير علا

راحت الشباك فتحته : ههههههههههههههههههه اهو الفار اهو تعالوا تعالوا

البنات : بت بتهظري

لينا والله ما في حاجه اهو الصوت اهو ومدت ايديها سلك الطبق بتاع الدش هههههههههههه الدنيا هوا والسلك بيخبط في الشباك بيعمل الصوت ده بس والله ما في حاجه يا مهاريش

لينا : ناموا ناموا الهي يرعبكوا زي ما رعبتوني

البنات : والنبي ايه رعبناكي اه يا حرام واتلموا كلهم على لينا وعلى تقريص وضرب بقى فار ها ولينا بتضحك والبنات بيضحكوا وانتهى اليوم المرهق ده من ايام الببنات المطرقعه دي بكرة بقى يوم جدي جدا كله مثابرة واخبار جديده هتعرفوا حصل ايه ان شاء الله
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 14:03

صحي البنات الصبح الساعه 6 على موعد المدرسة علا يلله يبت انتي وياها قوموا كفاية كسل

لينا : بت اطلعي من دماغي لفجره امشي يبت من هنا الدنيا اجازة

علا والشبشب في ايدها وعلى رجل لينا

انا قلت كلمة واحده طراااااااخ وبالشبشب على رجلها

لينا : يارخمة اي اي والله وجعتيني

البنات : صباح الخير

منى هتفطرونا ايه وعنياها يا دوب مفتحة

ساندرا : فاضل كرواسن من مبارح نعمل نيسكافيه باللبن ونفطر

منى : الكرواسون ده ما بشبعش هاتي يبت نعمل طبق فول ونقلي حتتين طعمية جمب الكرواسون

لينا وهي على المخده ونص نايمه :ما تنسوش تقلوا فلفل وبتنجان وكتروا الفلفل وقطعوا فحلين بصل

ساندرا : اولالالاااااااااااا

منى : تموتي في الحراق انتي

لينا : بت وشرف امي والهرويين اللي في دمي واللي بالسجن عمي لأشرطك بالموس من الودان للودان يفتكرك الغشيم بتضحكي ههههههههههه

البنات وهما نص نايم ونص صاحي بيضحكوا

عروبة : ولك يخرب بيتك من وين بتجيبي هالحكي

لينا : مش هحاسبك دلوقتي اما افوقلك بس انتي واولالالااااااااا دي

سلام : انا هفتح الشبابيك

علا : شبابيك ايه يبت لالالالالالالالا اوعي نتفضح والله ونتطرد النهرده قبل بكره

نسومة نازله وجيبه معاها ساندوتشات جبنة : صباح الخير تعالوا نفطر

منى : يبت اهو بنعمل لقمة ما تبقيش تجيبي معاكي حاجه لنتقفش

ميسون بتبكي

علا جات جمبها ايه يبنتي مالك في ايه

ميسون : وحياة ربنا لتشنق من اخواتي وابويا اما ارجع البيت انا حسه ان في مصيبه دلوقتي بتحصل في بيتنا ده غير العكننة المعكننها لماما

علا : لا والنبي ما تقوليش كده خير خير ان شاء الله واحنا اتفقنا نعمل التجربة دي مهما كانت عواقبها ليه بقى كده روقي وكلها كام ساعة وتيجي روزانة تقولنا حصل ايه

لينا : بت ورحمة جدي ان ما اتلميتي لأجي المك

ميسون : ايه ده هو انا سيبتهم في البيت علشان تطلعيلي انتي ايه الرعب اللي عملاهولنا ده والله اجيبك هنا واهريكي ضرب

فطر البنات وقاعدين حاسيين بملل وقرف كل واحده عقلها يجيب ويودي في الف فكرة ياترى ايه اللي بيحصل دلوقتي في بيوتهم وايه ردة الفعل عن طفاشنهم ساندرا لابسة نضارتها ونازلة مزاكرة وحل مسائل لينا تقوم تنكش في دي شوية ودي شوية ومنى بتحفظ بينها مش عارف ايه وعلا ماسكة كتاب الأنجليش وبتقرا تيكست وبتدور في القاموس على معاني كلمات ونسومة على مكتبها منهمكة في المزاكرة والباقي بيلعب في الورق ويقفلوا ويفتحوا الكتب والكشاكيل وعلى افففففففففففف اففففففففففف

لينا : وحدووووووووووووه

البنات : لا اله الا اللة

لينا : انا زهقت نفسي اخرج بجد والله زهقت دحنا ما بقلناش 24 ساعة هنا وحصل كده اومال كمان يومين تلاته هيحصلي ايه حد يخرج معايا انا هنزل اتمشى

علا : لااااااااااااااااااء والنبي لاء هنتفقس وليلتنا هتبقى زرقة يا بنتي ربنا يهديكي انتي بس تعالي هنا معايا نزاكر شوية

لينا : يبت بقولك اتخنقت عايزه اخرج اشم هوا

نسومة : تعالي انا هخرجك ما يهمكوش انتوا بس

انا كنت عارفه ان الموضوع ده مش هيكمل على خير تعالي يا هانم

البسي انتي عقبال ما اجيلك

وطلعت نسومة وخمسه كده ونزلت وخدت لينا في ايديها وخرجوا من الباب المنفصل للتسويه بعد ما استأذنت مامتها وقالتلها انها هتروح مع صديقة ليها المدرسه يجيبوا ورق من ميس الفيزيا وفعلا خرجت لينا وهما في الشارع

نسومة مأنجيجا لينا : مالك بقى مخنوقة من ايه يا قمر

لينا : مش عايزه اتكلم يا نسومة مخنوقة بجد والله ماسكة نفسي بالعافية

بت ده انتي هريانا ضحك كل يوم ليه كل النكد ده بقى في ايه قوليلي

اللي كتبته في الرسالة لأهلي كان جريء وصعب جدا بس غصب عني

كتبتي ايه يخرب عقلك ما تخضنيش

لينا : مش عايزه اتكلم ارجوكي

نسمة : لاء والنبي علشان خاطري قلتي ايه دي تفرق جامد معايا

لينا : شتمت ابويا وامي واخواتي وقلتلهم العيشه معاكم تقرف وانا هطفش من وشكوا وهروح لسلطان اللي بحبه وزمانهم عند سلطان هرينه ضرب يا اما خدوه للقسم ههههههه يعني كلام كتير وعبيط مش عارفه كتبته ليه

نسومة مذهولة : بتهظري

لينا : والله ابدا بس تقريبا بنتقم من الندل الجبان وعلشان يعرف ان السبب في طفشاني هوا

نسومة : يخبر اسود ومهبب بستين هباب يادي الوقعة السودة

لينا : انا عمري ما حبيت حد زي ما حبيت سلطان وفي الآخر اعرف كل ده عنه لاء عليا وعلى اعدائي بقى

نسومة : ذمب اهلك ايه ليه تقوليلهم كده لييييييه

لينا : علشان هما السبب

نسومة : انتي مجنونة والله ومحتاجة مصحة سبب سبب ايه يختي

لينا : اه هما السبب لو ابويا وامي وخدين بالهم مني ومن اخواتي ما كنتش اصلا عرفت اصاحب واحد واتنين واحبهم وكل واحد يمطوح فيا يمين وشمال علشان عارفين ظروف بيتنا شكلها ايه واخرهم سلطان علشان كده عليا وعلى اعدائي

نسومة : انا مش عارفه اقولك ايه بس بجد والله انتي غلطتي غلط كبير يا لينا ربنا يستر عليكي يارب من اللي هيحصلك

لينا : ما تخافيش يختي هما ما كانوش وخدين بالهم مني وانا في وسطهم هياخدوا بالهم دلوقت انسي تلاقيهم اساسا ما عرفوش اننا طفشت

تعالي تعالي نرجع خلاص

بعد 10 دقايق

البنات : ها بقيتي احسن يا لووووووون

لينا : الحمد لله اتلهي يبت انتي وهي في اللي في اديكوا
انا احسن

ساندرا : بت انتي لسانك زفر على مين ما تعرفيش تتأدبي شوية

لينا بالبشكير وفي وش ساندرا هش يا بت ان ما وريتك انا تقوليلي اولالالالا فين البت التانية

ساندرا : ههههههههههههههه وحياة ربنا انا بحوشلك في قلبي واخرها هطلعلك البت الشريرة من جوايا وهبهدلك

لينا : بتضحك والبنات مبتسمين على المناقرة المستمره بين لينا وساندرا

لينا بتوجه الكلام لساندرا : انتي يا ولية الا انتي كتبتي لأهلك ايه في الرسالة

ساندرا : والنبي بلاش السيرة دي يا لينا انا لوحدي والله تعبانه ما تفكرينيش

لينا : عايزه تقنعيني انك نسيتي قولي يبنتي قولتلهم ايه هترتاحي

ساندرا : قلتلهم بحبكم جدا بس اما كنتوا سوا صحيح كان في اخطاء كتير بس برده تتصلح واحنا سوا حرام عليكوا اللي عملتوا فينا وان انا في مكان امين جدا وما تقلقوش عليا انا بخير اما تقرروا ترجعوا البيت زي ما كان او احسن انا هرجع

لينا : يا حنينة

البنات : يارب يرجعوا لبعض يااااارب

ميسون : انا بقى قلتلهم انهم السبب في اننا اطفش وانا مش حيوان بيتعاملوا معاه بالكرباج واننا بكره حسام كتير جدا واننا محتاجة حجات كتير جدا هما مش بيلبوهالي حاجات عاطفية ومادية وانسانية وان ياريت ما جيتش على الدنيا دي انتم كرهتوني في عيشتي انتم بتعلفوني وبتزغطوا فيا علشان تدبحوني على العيد مش معتبرني انسانه ليها مشاعر ولا احاسيس كل يوم زعيق وضرب وتهزيق وكأني حيوانه انا مش هرجعلكوا تاني وربنا يسامحكوا

البنات : يخبر لاء دي جامده جدا الصيغة دي

ميسون : اهو هوا ده اللي طلع معايا في الآخر انا اساسا كنت مبقوقة منهم وادي الفرصة المناسبة اننا اخد حقي

علا : ذاكروا ذاكرو والنبي عايزين ننجح بلاش تضييع للوقت اكتر من كده

لينا : وانتي يا علا قولتلهم ايه

علا : انا سواء قلت او لاء مش هيهمهم يا بنتي دول لا هما اهلي ولا يقربولي يمكن بعادي بالنسبه ليهم نعمة واهو حمل بيخف من على الدار

قولتيلهم ايه بس.................؟
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 14:04

علا : قلتلهم بس اننا هعتمد على نفسي وهشتغل ومش عايزه مساعدتهم ومش هخليهم يسيطروا على طموحي في اني ادرس جامعة و حسبي الله ونعم الوكيل في كل وعد وعدتوه ليا او لحد من زميلاتي وكسرتوا بيه قلبهم وطموحهم ااتمنى تلاقوا مكاني حد يستاهل واهتموا بالدار كويس اكتر من كده وخلوا بالكم من قمر حبيبتي

بحبكم بس غصب عني هسيبكم سلام

ساندرا : يا جامد


وانتي يا سلام قولتي لباباكي ايه

هههههههههههه قلتله ايه يعني

قلتله بكرهك وربنا يسامحك انت اللي اضطرتني اعمل كده وما تتعبش نفسك مش هتلاقيني عند امي علشان ما تروحش تهددها زي ديما ولا امي تعرف انا فين ربنا يسامحك يابا على اللي عملته فينا اما تحس بالنعمة اللي ربنا ادهالك وتبطل تمرمط فيها هبقى ارجع

بس

وانتي يا بيضة يا مربربة قلتي ايه

انا اصعب حد فيكم ممكن يكتب في الظروف دي لأن ممكن اخسر خطيبي في حركة زي دي وكمان اخسر اهلي اللي بيحبوني واحبهم على فكره انا معايا مسوده اصلي كتبتها ميت مرة استنوا اقرهالكم

قلت انا حسه بتعب وارهاق فظيع مش عارفه اركز في مزاكرتي وحياتي
سيبوني انا وخطيبي نرتب امورنا وحياتنا زي ما رتبوتوها زمان بمعرفتكوا ما تحاولوش تضغطوا عليه وعليا وقلوله ان هوا كمان السبب في عملتي دي لان كل شوية يقولي اقنعي بابا طب قوليله بلاش كده طب طب انا قربت دماغي تتفرتك انا حسه اننا عايشة فترة صعبه من حياتي وبابا انا مش هقدر استغنى عن مصطفى او افسخ خطوبتي علشان مجرد اختلاف في تجهيز او عفش او او اللي بينا حب واحترام ومودة مش دفع كام وهيجيب ايه اما تفهموا ده وتحبوا اننا ارجع هعرف لوحدي وهرجع

سيبتكوا على نن عيني بحبكوا وبتمنى تراب رجليكوا وكل منايا رضاكوا عليا واعيش عيشة حلوة وهنيه وانا في وسطكوا بس من غير ما تضغطوا على اعصابي ما تزعلوش مني

بس والله كده ما قلتش حاجه تانيه

البنات : يبت خير والله ليرقوا من جوابك ده وانتي يا عروبة

انا عاد ما قلتلهمش اشي زياده عن اللي حكوا البنات بس حكيتلهم كمان اننا بديش اسافر واتجوز من ابن عمي هاظ ولو هوا بدو يجي هان ونتعرف ونتكلم بفكر بالموضوع غير هيك راح اظلني حردانة انا بدي ادرس وبديش اسافر

البنات : ايه حردانة دي ان شاء الله هههههههههههههه

عروبة : هههههههه يعني طفشانة يا بنت انتي وهي
وانتي يا عصومة بقى تلاقيكي عمالتيلهم حرب جوه الرسالة


والله ابدا انا كتبتلهم كلمتين ان طالما مديقين مني ومن عصبيتي فأنا هحققلكم امنيتكم في الخلاص مني للأبد انا مديقة جدا اننا متسببالكم في قلق على الفاضي والمليان وان انا مع صحابي في مكان كويس و هبعد علشان ترتاحوا مني ومن طريقتي بالحياة وسلمولي على عمو عصمت كتير جدا بس

البنات : بت انتي قلتي انك مع صحباتك كده يبت هيعروفوا يدوروا عليكي فين ومش بعيد يجوا هنا

عصمت : ما تقلقوش كل نمركم هنا في دماغب مش سيبا اي اثار للجريمة ورايا

ساندرا : يبنتي ممكن يروحوا للمدرسة وياخدوا نمر بيتونا

منى : هما كده كده اما يعرفوا اننا كلنا مختفين هيروحوا المدرسة طبيعي يسألوا هناك

لينا : والا ما يسألوش مش هتفرق انا مرتاحه هنا جدا

علا : استهدوا بقى انا اتوترت فكركوا حصل حاجه يارب يسوقك يا روزانة بقى بقلكوا ايه ذاكروا ذاكروا احسن

عروبة : انا بديش ادرس مو جاي ع بالي اشتقت لأمي كثير كثير انا بقدرش ابعد عنها هيك كثير والله اشتقتلها

منى : ومين سمعك هموت واكلم مصطفى وماما وبابا وحشوني ومصطفى اخويا وحشني

سلام : ايه يبت انتي وهي هتقلبوها بغم والا ايه انسوا بقى خليكوا مصممين على رأي واحد مرة واحده في حياتكوا

الحقو الحقوا الحقوووووووووووا

ميسون : بلاعة الحمام فاضت

ساندرا : نعععععععععععععععععم هوا مين اللي فاض يا اختي

اه والله اهي الميه خرجه علينا

لينا : ينهار معفن ومقرف بستميت قرف اووووف بقى

شمري عن رجلك يبت انتي وهي

منى : ليه

لينا : علشان نتصرف اومال هنجيب مين يسلكها

ساندرا : نونونونونونو انا ماليش دعوة ولا بلاعة ولا بتاع انا ما اسلكش ولا امسكش القرف ده كلها مجاري وبتاع

لينا : والنبي ايه هاتولي حتة اي حته قديمة نسمح بيها الأرض واي حداية معاها شماعة سلك تجيبهالي هنا

ساندرا : اه انا معايا واحده

لينا : اه انتي الحداية اكيد ههههههههههههههه

سلام : خدي دي جلبية مهرية بتاعتي اهي تنفعك

لينا : ايه يبنات هخش لوحدي هوا محدش فيكوا جدعه تيجي معايا ايه اللا مبالاه اللي انتم فيها دي

لالالالالالالالالالالاء

لينا : دي مين دي

علا : انا

لينا : حبيبة قلبي وحياة ربنا انتي بميت راجل

احمي ضهري

علا : حادر ههههههه احنا داخلين حرب

فكيت لينا الشماعة السلك وبرمتها وشمرت بنطلون البيجامة وخشت ووراها علا


البنات : هااااااااااااا سلكت

لينا : اخرسي يا جبانة انتي وياها ما اسمعش حس واحده فيكوا يا جبنا

هاتي السلك لينا بتقول لعلا

علا : فاضل تقولي هاتي مفتاح 8 هههههههههه سلطان بهت عليكي يبت

لينا بتضحك : اه يختي بهت

ساندرا : سبع صنايع والبخت ضايع يا لينا ههههههههههه

انتي بالذات هش ما اسمعش صوتك سبيني اركز بس قوليلي ايه الصنايع

ساندرا : سباكة وفتواية وصيادة فيران وراديو وممثل كوميدي و ...

لينا : امشي يبت انتي من هنا ما اسمعش حسك لحد ما اخلص ال راديو ال

وفضلت علا تمسح الأرض ولينا تسلك والبنات تبص ان البلاعة تسلك

ما فيش شوية كده ونسمة جات وفي ايديها روزانة

البنات سلموا على روزانة وباسوها

روزانة : ايه اومال فين لينا وعلا

لينا : بنسلك البلاعة يا ورور


نسمة : يخببببببببببببر هي عملتها معاكوا هههههههه احنا علشان في التسوية فضغط المواسير بيبقى هنا على طول سعات كتير بتحصل كده

استنوا انا جيه اساعدكوا هطلع بس اجيب الخرطوم بس اللي بنسلك بيه

روزانة : اشمعنا يعني ليه الاشغال الشاقة ديه ازيك يا لووووووون عامله ايه يا حبيبتي وانتي يا علا وحشتوني


ردوا وانتي كمان


ساندرا : ها يا روزان حصل حاجه في حد كلمك طمنيني

روزان : والله ابدا يبنتي هي بس مامت منى كلمتني سالتني عنها قلتلها ما شفتهاش يا طنط

منى : ماما طيب صوتها كان عامل ازاي

روزان : لاء عادي والله وكأن ما فيش حاجه

لينا من الحمام وبصوت عالي : ما تنسوش ان الموضوع جديد بكره نقعد جمب الحيطة ونسمع الزيطة

روزان : فعلا بس طول مبارح وانا بفكر فيكوا قلقت بجد قلت يارب استر ما افجأش بحد طابب علينا الفجر وماما واخواتي يحسوا بالموضوع

وسلكت البلاعة على وش روزانة وقعدوا مع بعض وهزروا ولتاني يوم على التوالي ما فيش مذاكرة وبس
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 14:06

بعد ثلاثة ايام الساعة الثالثة عصرا اي قبل حضور روزانة وبساعتين على الأقل ......


البنات : اولالالاااااااااااااااااااااااا ايه ده دي مين دي اللي جايه علينا دي

انا

مين يعني

والله انا

عرفينا يا منى مين المزة اللي جمبك دي

ههههههههه يا بت انتي وهي بطلوا وحياة ربنا اطلع عليكوا قططي الفطسانة هششششششششششش

مييييييييييين عصمت

عصمت : اها اي آآم عوعو هههههههه بس بنيو لوك ايه رأيكوا مش كده احلى

فستان احمر قصير وشعر معمول كويس وميك اب كامل عامله زي اللعبة

منى : معاكم النهرده في برنامج (انتي اجمل) فرع مصر الجميلة عوعوووووووووووو هييييييييي

البنات : ايه الجمال ده يبت واتلموا حواليها ده انتي كنتي متخبية في قشورك زي السمكة ولا كان يبان عليكي معقول يارب دي عصمت الشاب اللذيذ الأمور اللي في وسطنا

عصمت : اول مره في حياتي البس فستان قصير واعمل شعري واحط مكياج انا حلوة كده (بتلف وبتوري نفسها لصحبتها وهتطنطط من الفرحة)

تجنني يبت

لينا : انا عايزه اعمل زيك ماليش دعووووة هي منى اللي عملتهولك

عصمت وهي في منتهى السعادة : ايوة

كملت عصمت وفي عنيها كده لمحة حزن : يعني انفع اتحب

لينا : انا هجوزك اخويا خلاص ما تطلعيش بره عليتنا ابدا انتي بس انتي اللي ما عندكيش ثقة في نفسك

عصمت : هههههههههههه لا يا اختي مش عايزه اتجوز اخوكي انا نفسي في حد كده يقمعني ويكون اقوى مني ويهزأني يصبحني ويمسيني بعلقة

لينا : ههههههههههه عايزه حد يهزأك ويرنك علقة طيب ثواني

لينا بالشبشب وبتجاه عصمت وعمله اديها زي الوحش وكأنها هتمسك في شعر عصمت وهتهريها ضرب

عصمت : لااااااااااء والنبي بلاش طيب اما ارجع للصورة القديمة بلاش وانا متشيكة كده

لينا : طيب عفونا عنك بس بشرط قلديلنا اللمبي والنبي مرة واحده وانتي متشيكة كده وهعفوا عنك هههههههه اصلي بحبه جدا الواد ده بيفكرني بسلطان

عصمت : ما ينفعش يبنتي انا حسه نفسي دلوقتي رقيقه وهطير من كثر النعومة

لينا : هاااااااااااااااا وبتهددها بالشبشب

عصمت : خلاص خلاص

يبت مش فكره كله طار قوليلي دلوقتي قلدي منى زكي انفع اللمبي باللبس ده ما ينفعش والله

ورفعت عصمت شفتها اللي فوق وقالت انا رياض البنطلوني اثغر مدير ثجن حثل في تاريخ البني ادمي

انتوا حثالة المجتمع وطفلة الحشرة حمااااااااااااااااار



البنات : هههههههههههههه بتضحك

عصمت : خلاص اهو قلدته ارتحتي كفاية بقى

لينا : شفتوا الحتة بتاعت اما بيحضن البت السمرة وفاكرها بنته وبيقولها يا حبيبتي مضلمة الدنيا هههههههههه مش منوره الدنيا وبعدين بيقول للبت اللي معاه مراته انا برده بقول انتي بيضه وانا بيضه ازاي نخلف صباع العجوة ده بص للبت حتة بصة تفطس من الضحك والله ههههههههههههههه

ساندرا : اه اه انا شفتها الحتة دي والله فيلم جميل

المهم يدق الباب

روزانة وماسكة جرايد في اديها وبتنهج ومعاها نسومة والاتنين مش على بعضهم

منى : بسم الله الرحمن الرحيم : في ايه يبت انتي وهي مالكم عاملين كده

روزان : مصيبةةةةة

علا : يا ساتر يارب يارب احنا غلابة يارب

لينا : في ايه ما تقلقوناش

قعدت روزانة : الدنيا مقلوبة عليكم بره كل الدنيا مقلوبة

وفتحت الجريدة الأولى : اسمعو المانشيت ده

_اختفاء ثمانية بنات في ظروف غامضه

لينا : بتضحك : الله اكبر قسمي وسمعيني

اسمعوا دي

_اختفاء البنات الثمانية خطر يهدد الأمة

_لماذا اختفى الثمانية

_ثمانية مراهقات يتركن منازلهن احتجاجا على مشكلة فلسطين والعراق

عروبة : ينصر دينة اللي حكا هالمانشيت من يوم يومنا واحنا النا موقف في القضيه الفلسطينيه هههههههههه


خدوا دي بقى

_اباء البنات في حالة خوف وهلع على بناتهن ويقولون انه قد تم اختطافهن من قبل خلية ارهابية تسمة (بخط الانتر نت )

سلام : انا اعرف خط الصعيد ايه خط الانتر نت ده ههههههههههههههههههههه

روزان : ده غير البرامج والنشرات والفضائيات في برنامج شفته بجد حاجه تخض اما يعيدوه هبقى اسجلهلكو

بتكمل

الموضوع ما بقاش هزار انتوا دخلتوا مرحلة خطر

ساندرا : وخطر ليه يعني

ميسون : ده كلام جرايد يبنتي ما تاخديش في بالك

روزان : خطر لأن اجهزة الأمن كلها بتدور عليكوا وفي شرطي جه البيت عندنا وقال لخويا انه يجيبني ونروح القسم علشان يسألوني

نسمة : وانا كمان جم الصبح لبابا علشان كده ما نزلتش الصبح شفتوا الكارثة احنا ممكن نتحبس فيها دي

لينا بتكركر من الضحك : وحياة ربنا عيال طاقة ولا هيحصل حاجه من اللي بتقولوا عليها دي
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 14:08

وبعد يومين روزانة ومعها الشريط بتاع الحلقة المتسجلة نزلت هي ونسمة على البنات



نسمة : تعالوا تعالوا ما حدش فوق افرجكوا على الحلقة

وطلع البنات الطابق العلوي لمنزل صديقتهم نسمة للفرجة على الشريط

البرنامج اسمه , الحقيقة

عنوان الحلقة : هروب الفتيات من بيوتهن ( خطأ الأسرة ام خطأ المجتمع )

المذيع : فتيات مراهقات صغيرات السن يتركن بيوتهن احتجاجا على العنف والقمع الجسدي والمعنوي لهن ويطالبن بحريتهن المشروعة في العيش عيشتا كريمة وسعيده

بنات في ال 17 او ربما لم يكملوها بعد يهربن من بيوتهن تاركات رسائل احتجاج وقبيل امتحاناتهن بأسبوعين نعم انهن بنات القرن الواحد والعشرين فتيات في عمر الزهور قالوا لا نريد ان نعيش احرارا بمفردنا ودون مساعدة منكم والى الآن وبعد مرور اسبوع على اختفائهن لم يتصلن بأهاليهن ولم يعرفوا عنهم وقد عجزت اجهزة الآمن عن البحث عنهن ونشر اوصافهن ولكن دون فائده


معنى في الأستديو من جمعية حقوق الأنسان الدكتور موسى البنا

ومعنا اهالي الضحايا واسمحوا لي ان القبهم بضحايا الأهل او المجتمع

معنا مديرة مدرسة البنات : السيده ناظلة التابعي

و الدكتور الطبيب شعبان شركس والد احدى الفتيات

والسيده نعيمة مصطفى مديرة دار للأيتام وهي المسؤوله عن احدى الفتيات ايضا الهاربات

والسيد حسام الدين احمد محمد شقيق احدى الفتيات

والسيد مصطفى يعقوب خطيب احد الطالبات

وللحقيقة ايضا فلدينا كم هائل من الأيميلز والاس ام اس تقول ان جمع البنات شوهدوا في شرم الشيخ وايميل أخر في طريق اسكندريه الصحراوي وايميل ثالث يقولون انهم شاهدو عدد 15 من الفتيات صغيرات السن يحملون حقائبهم في الزقازيق


وخارج الأستديو معنى باقي اولياء امور الطلبه لكن رفضوا الظهور في البرنامج لحاساسية الموقف

اولا سيدة ناظله وسنبدأ معكي الحوار

اريد ان اعرف سلوك الطالبات الهاربات : هل كان لهم سلوك تخريبي او عنيف مثلا او شكاوى من الطلبات

لينا : ميس ناظلة اخخخخخخخخ بصوا لابسه ازرق في بنفسجي في فوشيا

علا : هشششششششش يبت خلينا نسمع

السيدة ناظلة : على العكس تماما الفتيات من احسن طالبات مدرستي خلقا واخلاقا واكثرهن اجتهادا وعلما وانا استغرب مثل هذا التصرف بصراحهوعند مراسلة المدرسة تبين عدم معرفتنا نهائي بتخطيط الطالبات لهذا العمل الغري

المذيع : امممممممم سنعود اليك لحقا سيدة ناظلة

ناظلة : انسه

المذيع : احم احم اذن اتوجه بالسؤال للسيد شعبان وهو والد احدى الطالبات

السيد شعبان : نعم

المذيع : ما سر اختفاء ابنتك

والد ساندرا : على الحقيقة بنتي انسانه هادية ورقيقة وما كنتش اتصور في حياتي انها تتصرف بالشكل ده واما كلمتني والدتها وهي محامية وسيدة فاضله فوجئت وياريت يا بنتي تكوني بتسمعيني دلوقتي اقولك عملتي كده ليه

المذيع : هل مثلا سبب هروبها هي خلافات عائليه او ما شابه

والد ساندرا : على العكس تماما ده احنا عائله متفاهمة ومثاليه جدا ولا سبب اطلاقا للي حصل اكيد زميلتها اثروا عليها انا هعمل اجراءاتي بعد اما ترجع بأذن الله
المذيع : ولكن معلوماتي ان الفتيات تركن رسائل ماذا عن رسالة ابنتك

والد ساندرا : لالالالالا ابدا بنتي ما سابتش حاجه هي فقط تركت ورده على سريرها كتبت فيها بحبكم جدا

المذيع : ربنا يرجعهالك يارب سالمة

فاصل ونواصل اعزائي المشاهدين

ساندرا بتبكي

منى : مالك بس دلوقتي

كملوا الحلقة انا هنزل تحت

منى : آجي معاكي

ساندرا : لاء خلصواالبرنامج وحصلوني


عدنا بوعيد الفاصل القصير

المذيع : دكتور موسى بخبرتك في مجال حقوق الانسان ماذا يجبر فتيات صغيرات السن على الهروب بتلك الطريقة الغريبه ومعظمهن تاركات رسائل احتجاجية على طريقة معاملتهن

دكتور موسى : انا بس احب اقول اولا مساء الخير عليكم جميعا

لينا : والنبي يا عم انجز

دوك موسى : اولا ممكن اقول للبنات دول كلمة بسيطة وده على مسؤوليتي الشخصيه وعبر التلفزيون

يا بنات انتم لو محتجيين على حاجه بعينها تقدروا تلجأوا لجمعيه حقوق الأنسان وانا شخصيا هسمعكم وهعرف طلباتكم وسنحاول جاهدين طبعا جميعا الوصول للحل الأمثل لمشاكلكم بطريقة حضارية لكن مش بالشكل ده

اردف قائلا

انا بصراحه بحط المسؤوليه على اهالي البنات ديت فردا فردا وبقول لولا انهم حسوا بقمع وظلم وهم في تلك السن ما هربوش

المذيع نعم نعم اتوجه الأن الى حسام انت شقيق احدى البنات اللي هربانين مش كده

حسام : ايوه بالظبط

المذيع : كلمنا شويه عن اختك وهي بينكم في البيت كان واضح عليها انها مديقة من حاجه او نفسها تعملولها حاجه وده محصلش فأضطرت للهروب من المنزل

حسام : اطلاقا ده اختي مدللة البيت وكلنا بنحبها وهي وحيدتنا على فكره وكلنا بنخاف عليها وبنحاوطها بكل الحب والرعاية اللي محتجالهم وعمرنا ما قصرنا انا مش عارف بجد هي عملت كده ليه ولو هي بتسمعني حالا بقولها ارجعي يا حبيبتي لحضن والدك ووالدتك واخواتك وصدقيني كله يتحل بس ارجععععععي

المذيع : يارب يا حسام بس الصراحه وانا الى الآن مستعجب بصراحه الموضوع ده بنات لديهم اهل زي دي يقوموا بخطوة جريئة زي دي ليه للشهرة مثلا او لتسليط الأضواء فاصل قصير ونعود اعزائي المشاهدين

ميسون : هههههههههههه والنبي ايه يا سلام ونعم الاخ والله انت بالذات عقدتي في حياتي احدفولي الموبايل والله لمكلماهم وفضحاه قدام الناس

عروبة : ولك هللا بيلقطونا بطلي ولك

لينا : بأيه يختي

عروبة : بيلقطونا ههههههههههههه يعني بيقفشونا

ميسون : كله كدب الكلام ده ومش راجعه واللي عايزين تعملوه اعملوه

سلام : اهو اهو رجع

المذيع : السيده نعيمة انتي مديرة احدى دور الأيتام ومن معلوماتنا وجدنا ان لديكي عدد مهول من الطالبات في المدرسة دي ومن ضمنهم البت الهاربة دي

السيده نعيمة : والله يا استاذ محمد انا عايزه اقول ان علا كانت من اهذب الطالبات اللي عندي في الدار وانا شخصيا بحبها جدا وانا عارفه هي مشيت وسابتنا ليه وبقولها يا علا يا حبيبتي انا غلطت في حقك وصدقيني هحاول اساعدك وتخشي الكلية اللي بتحلمي بيها بس ارجعي ومنى الصغيره كل يوم بتعيط عيزاكي وبتنادي على اسمك

المذيع : هي المشاكل اللس خلتها تسيب الدار مشاكل ماديه

السيده نعيمه : الموضوع اننا كنت قلتلها ان الدار مش في مقدورها المادي مسعدتها على الحصول على الشهاده الجامعيه وتفضل المتوسطة او المعاهد والبت شاطرة والله وبنت كويسه بس ربنا يسامحك والله ما بنام الليل بسبب الموضوع ده

المذيع : انا بوجه ندائي كمان مرة لأي حد عنده معلومات عن البنات دي انه يوصلهولنا وبصراحه في قدامي تصريحات غريبه ومضحكه بصراحه وهي ان البنات شوهدوا على الحدود المصرية الليبيه وانهم محتجزين هناك هاهاهاهاها اتمى تساعدونا لكن بجدية ودون تهريج


واخيرا معانا خطيب احد الفتيات الهاربات

المذيع : اهلا مصطفى

مصطفى : اهلا بحضرتك

منى : حبيب قلبي

المذيع : تحب تقول ايه لخطيبتك يا مصطفى وتفتكر ايه السبب في موقفها ده هي وزميلتها

مصطفى : اولا بسم الله الرحمن الرحيم انا عايز بجد اوجه رساله من على شاشتكم لخطيبتي واقولها ما فيش حاجه في الدنيا تستاهل اللي عملتيه ده ورغم اننا مدايق بس عاذرك وبطلب من ربنا ديما يفك الغمة دي على خير لأن بجد بعدك عننا بالطريقة دي دمرنا ودمر حمايا وحماتي انتي بكده قضيتي علينا وصدقيني احنا بنحبك جدا وقرينا رسالتك وهيحصل كل اللي انتي عيزاه بس ارجعي ارجعي واوعدك هيحصل خير وما تسمعيش كلام حد وارجعي بقى وحشتينا كلنا


ارجع كمان مرة للأستاذ موسى واقوله مسؤولية هروب بنات صغيرات كده مسؤولية البيت والا المجتمع

موسى : انا سبق وقلت ان المشاكل غالبا من ناحية الأسرة بتأثر على الاطفال في السن ده وبتخليهم كارهين تواجدهم في المحيط المتسببلهم في المشاكل اللي بتوجههم واكيد البنات ليها اسبباها وهوا مش مجرد فسحة او شمة هوا وغالبا فان الأسرة جزء من المجتمع واكيد ضغوطات الحياة الكثير ايضا تسببت في الفعله دي من بنات في عمر الزهور

اخيرا انا بشكر والله كل ضيوفي اللي شرفوني النهرده وكنت هاخد تليفونات من والدة بنت من البنات لكن لضيق الوقت ما قدرناش نتصل بيها
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الثلاثاء 5 أبريل 2011 - 14:10

لينا : ياريتهم جابوا سلطان ابن اللذين وحشني مش لو جابوه كان احسن

علا : خلاص والنبي يا لينا تعالوا بقى ننزل نكمل كلامنا تحت لحد يجي

روزانة : انا هروح بقى واي جديد هقلهولكم بكرة يللا سلام خلوا بالكوا من بعض في غيابي

ونزل البنات تحت

ساندرا : بطلت تعيط وقاعدة بتذاكر بكل اجتهاد

لينا : ايه يا حجة والله كنت قلقانة عليكي بتعيطي ليه بقى يا ست الهوانم

ساندرا : لينا ياريت تسيبيني دلوقتي وتبطلي طريقتك دي

لينا : طريقة ايه

ساندرا : كفاية استخفاف بقى وتقل دم ما تكلمنيش دلوقتي بليز

لينا : مالك في ايه طالعه فيها على ايه يختي ما تهدي شوية وبطلي العنطزة اللي انتي فيها دي

منى : ايه يا بنات ما تصلوا على النبي بقى

ساندرا : لينا لأخر مرة بقولك يا ريت بلاش تستخفي بحد وبطلي شغل الشراشيح دول

ليناوبتجاه ساندرا : نعم نعم شر... ايه يما تعاليلي هنا

علا ماسكة لينا من وسطها وبتشدها لورا لتتهور تعمل لساندرا عاهه مستديمة

ساندرا : ايه هتفرشيلي الملاية والا ايه وبعدين ايه تعاليلي دي هتضربيني وريني يا شرشوحة تقدري تعملي ايه

عروبة : ولك ساندرا من امتى هاظا الحكي ولك ولكوا صلوا على النبي هاظ شيطان ودخل بيناتنا


ساندرا : ياريت محدش يتدخل ولآخر مرة ابعدي عني بقولك يا لينا لهصور قتيل النهرده وبتصرخ

لينا : البت اتجننت يا عيني ماشي ماشي بس من الأخر بصي وربنا لولا بينا عيش وملح ما سكتلك ولا فوتهالك بس كده و نقطع بقا

ساندرا : اقطعي وبناقص واحده

لينا : وبناقص واحده بجد طيب جميل بس افتكري ان انتي اللي ابتديتي

وراحت كل بنت في مكان وساد السكوت في ارجاء القوضة كل واحده في حالها وبعد ساعة كانت لينا قررت قرارها الأخير بانها ترجع بيت اهلها تاني


شوفوا حصل ايه ...

لينا في زاويه بعيده من القوضه بتوضب شنطتها في هدوء

سلام : لينا انتي فين وبتعملي ايه

لينا : انا اهو

سلام بتبص على لينا : بتعملي ايه يبنتي
لينا : ما بعملش زي ما انتي شايفة اهو عادي يعني

سلام : الحقوا الحقوا وبتجاه البنات

الحقوا الحقوا لينا بتوضب شنطتها وعايزه تخرج

علا : هتروحي فين

لينا : مروحة بيتنا خلاص ما بقتش قادرة استحمل اكثر من كده وبعدين احنا كتير جدا وبننام على الأرض وانا ضهري اتكسر اهو افككوا مني شوية وتبقوا اقل

علا : انتي بتعملي كده ليه كل ده علشان اتخانقتي مع ساندرا وشديتوا مع بعض

لينا : ولا ساندرا ولا بتاع انا فعلا زهقت ومش حسه بستقرار نار اهلي ولا جنتكوا يا عم وبعدين محبوسه طول الوقت ولا بخرج ولا بتاع وانا ما اتعودتش على كده

عصمت : ايه يبت مالك

لينا : مروحة

عصمت : وانا بقول لكل شاب وكل فتاة انها تنحرف ولو عمك خد عقد الشقة منك اشكرو وبوس ايدك شعر ودقن والجريمة لا تفيد واطلب في نهاية البرنامج اغنية لأمي العزيزة

( ست الحبايب يا حنانا ننتا )

لينا بتبتسم : هتوحشيني وهتوحشني رخمتك وهتوحشوني كلكوا والله

عصمت : انت يا جزمة بقى بقلدلك اللمبي تقومي قايله هتمشي وخطفت الشنطة من ايد لينا وجريت

لينا لحقتها : انا مشيه بالشنطة او من غيرها يعني ما تفرقش

عصمت : مش مشية

لينا : بتلحق ورا عصمت انت ياض هات شنطتي

عصمت : لاء

لينا : ياض همد ايدي عليك

عصمت : لاء

لينا : بقى كده ها وبتجاه باب التسويه الي مودي للشارع بتفتح الباب مش عايز يتفتح بلاش رخامة بقى المفتاح فين والله اسوط والم عليكوا امة لا اله الا الله

ما اعرفش

لينا : بت بلاش تهريج المفتاح فين

عصمت والله ما اعرف بجد ما اعرفش

المفتاح فين

يالهوووووي المفتاح واتقلب البنات كلهم يدوروا على المفتاح طب مين اخر واحده خشيت طب رنو للبت نسمة المفتاح فين الفتاح فييييييييييييييين

منى تتصل بنسمة وتسالها عن المفتاح وكان الجواب لاء وقالت انها نازلة تشوف الموضوع

نسمة من ورا الباب : هااااااااا لقيتوه

منى : لاء

نسمة : طيب شوفوه كده على مكتبي واقع

عروبة : هسا بدور راحت عروبة تدور وبعد وقت قليل

ولكو ما لاقيتو هسا بنفطس لحالنا هانا انا بقدرش اكعد من غير مفتاح لاكولي المفتاح لعيط

وسلام وميسون ومنى وكلهم بيدوروا

ساندرا رايحة بتجاه لينا : بتقولي عايزه ايه يما ( بتقلدها )

لينا : نعم عايزه ايه مش عايزه منك حاجه خدمة تانيه وودت وشها الناحية التانية

ساندرا : يعني مش عايزه اهو يبقى افتكري انك اللي ابتديتي وقلتي مش عايزه مني حاجه ( بتقلدها برضه )

لينا لفت وشها : بتستظرفي سيدتك من امتى بينا هظار هاتي المفتاح مش قعدالك فيها سيبهالك مخضرة ومشيه ولفيت وشها الناحية التانية تاني

قامت ساندرا حضنتها من ورا وفي ايديها المفتاح وبتقولها على جثتي بقى ان عتبتي بره البيت ده

لينا حاولت تخطفة قامت جريت منها فضلوا يجروا ورا بعض والبنات باصينلهم وبيقولوا شوف المجانيين وحياة ربنا الاتنين اطرقع من بعض وفضلوا يجروا الأولة ماسكة المفتاح ومش عايزه تديهولها والتانيه بتجري وراها لحد ما تعبوا اترموا على الكنبة

لينا : انا هنام هنا النهرده عجبك والا امشي

ساندرا مش عجبني امشي

لينا : طب هاتي المفتاح

ساندرا : لاء

لينا : يبت ما تستفزنيش

ساندرا : بت بطلي شغل النسوان الشراشيح عليا ده



لينا : تاني طب وحياة امي لمورياكي وقامت هبشاها هبشه في ايدها بسنانها ساندرا : بتسوط

ههههههههههههههههه واتفضت الخناكة على خير بعد ما اتصالح البنات جديد البنات المطرقعه

يا ريت يكون عندهم صبر كتير وتقدروا تقروا القصه هى منقوله لكن بجد حلوه اووووى



مستنيه روددكم
الرجوع الى أعلى الصفحة اذهب الى الأسفل
chelsiesmile
عضو مميز
عضو مميز
avatar

انثى
عدد الرسائل : 439
العمر : 35
تاريخ التسجيل : 26/05/2011

مُساهمةموضوع: رد: حكاوى بنات تانوى مطرقعين   الإثنين 11 يوليو 2011 - 7:10

Thank You
الرجوع الى أعلى الصفحة اذهب الى الأسفل
الماجيك المتمرد
عضو VIB
عضو VIB
avatar

ذكر
عدد الرسائل : 666
العمر : 27
البلد : مصر_القاهرة
العمل/الترفيه : طالب فى المعهد العالى للخدمة الاجتماعية بالقاهرة
تاريخ التسجيل : 03/06/2011

بطاقتي الشخصية
المدينه: القاهرة
حكمه أعمل بها: الصمت لغة العظماء

مُساهمةموضوع: رد: حكاوى بنات تانوى مطرقعين   الجمعة 22 يوليو 2011 - 2:27

ايه كل ده يامرارى قصدى يامراوى هههههههه انا لسه شايف الموضوع دلوقتى هاقرأه واد عليكى كمان اسبوعين والله الموفق على العموم قبل ما ارد بقولك تسلم ايدك على الابداع والتميز وفى تقدم دائم وابداع آخر
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الجمعة 22 يوليو 2011 - 2:42

ده انا اخد يوم كال علشان اجمعها ويا ريت جيه بفيده

ولا حد عبرنى

شكرا ماجيك ع مرورك الغالى
الرجوع الى أعلى الصفحة اذهب الى الأسفل
sad girl
مرشح للأشراف بالمنتدي
مرشح للأشراف بالمنتدي
avatar

انثى
عدد الرسائل : 6819
العمر : 26
البلد : mansoura
تاريخ التسجيل : 02/07/2010

بطاقتي الشخصية
المدينه:
حكمه أعمل بها: الصداقه

مُساهمةموضوع: رد: حكاوى بنات تانوى مطرقعين   الثلاثاء 26 يوليو 2011 - 15:47

مرسى ع التوبك تسلم الايادى
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الأربعاء 27 يوليو 2011 - 4:00


شكرا حببتى ع مرورك الغالى
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: حكاوى بنات تانوى مطرقعين   الأربعاء 27 يوليو 2011 - 4:01



شكراchelsiesmile حببتى ع مرورك
الرجوع الى أعلى الصفحة اذهب الى الأسفل
 
حكاوى بنات تانوى مطرقعين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رامي و أصدقاء جوستن تي في :: منتديات رامي :: قسم الشعر والأدب والقصه :: القصه-
انتقل الى: