منتديات رامي و أصدقاء جوستن تي في
عفوآ أنت لم تسجل بعد في المنتدي وستكون بعض الاقسام محجوبه عنك
يمكنك الآن التسجيل لن تستغرق بضعه ثوان وستصبح عضوآ معنا لتتمتع بكل أمكانيات المنتدي وكذلك إضافه المواضيع

منتديات رامي و أصدقاء جوستن تي في

المنتدي الرسمي لمشجعي رانيا نجيب الجزار ستار اكاديمي صور - فيديو - محمد علي المغربي ستار اكاديمي-محمود شكري ستار اكاديمي 7 -صور-اغاني-معلومات-شات-مسابقات-موسيقي-افلام عربيه -أفلام اجنبي-مسرحيات-برامج-المنتدي الرسمي ستار اكاديمي 8
 
الرئيسيةالبوابهس .و .جالتسجيلدخول
::::الآن وحصريآ بالمنتدي ::: بقاعه سينما رامي ::: يمكنكم مشاهدة و تحميل :: فيلم أذاعة حب : بطولة : منه شلبي :: فيلم :: الفيل في المنديل بطولة : طلعت زكريا :: فيلم سامي اكسيد ال كربون بطولة : هاني رمزي ودره :: فيلم المركب بطولة : يسرا اللوزي و رامز امير ::  فيلم الفاجومي  بطولة :صلاح عبد الله والهام شاهين و خالد الصاوي :: فيلم صرخة نمله بطولة : عمرو عبد الجليل و رانيا يوسف مع بداية عرضه بدور السينما

شاطر | 
 

 تعالو اقلكم انا بحلم بايه بجد والله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
gaber1
مشرف أداري
مشرف أداري
avatar

ذكر
عدد الرسائل : 2368
العمر : 39
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: تعالو اقلكم انا بحلم بايه بجد والله   الجمعة 8 أبريل 2011 - 17:03

تعالوا نحلم واقولكم انا نفسي في ايه

-----------------

نفسي اشوف كل بيت مصري بيطبخ لحمه 10 مرات في الشهر

نفسي الناس الي قوق ينزلوا شويه والناس

الي تحت يطلعوا شويه ويتقبلوا في وسط الطريق بلاحضان

نفسي مشفشي نظره حقد من فقير لغني

ولا اشوف نظره تعالي من غني لفقير


تفسي الناس تلاقي شغل ولو اشتغلت تشتغل باخلاص

نفسي لما ادخل مصلحه حكوميه الاقي الموظف بيضحك في وشي

نفسي الحكومه تطلع قرار باعدام نص سيارات البلد

وتوزع عجل علي المواطنين ومتوسكلات عاوز الاقي حته امشي فيها

نفسي الراجل الي بيبيع الانانبيب في الشارع نحبسه في اوضه

ونخلي حد يمسك انبوبه ويرزع فيها جمب ودنه لمده 4 ساعات

ونشوف حيستحمل ولالا
ا


نفسي الحكومه تعمل قرار ان لو الصبح بدري واحنا نايمين

سمعنا يا معسلله يا قوطه كلل حاجه علي العربيه ب2 جنيه رووووبا ييييكيا

من حق اي مواطن حر شريف يدخل الحمام ويملي جردل مايه موحوحه

ويدلقها علي الي صحاه من النوم ده


نفسي الاقي مصر زي ما الناس بتنظر ليها بالخارج ولو شعر اي مصري

مقدار وعظمه انه مصري يبقي يخلي البلد امانه في عنيه

نفسي الست الي بتزرب عيال دي تقفل الحنفيه شويه بجد حننفجر

نفسي يطلع فرار بمنع التدخين في الاماكن العامه

والخاصه وداخل المصالح الحكوميه وغير الحكوميه والمنازل والحواري

والشوارع والازقه نفسي كل المدخنين يخدوهم كلبوش

مع احمد عز والمغربي وباقي الحاشيه

بتهمه ريحه البلد بقت وحشه

نفسي اي ولد او بنت تغصب اهلها انهم يشترولها حاجه فوق طاقتهم

يحلقوا للبنت شعرها زلبطه وينتفوا للواد حواجبه اتلموا اهالكم

طافحه الكوته مش حيبقي انتم والزمن عليهم


نفسي اي ولد او بنت يعوج لسانه ويتكلم اجنبي

نسخن طاسه ونخليه يلحسها ولسانه يتوحوح علشان يلم نفسه

هما مش بيتكلموا لغتك يا غتت ليه تاتكلم انت لغتهم وتشهرها

نفسي الي يعاكس واحده في الشارع يبقي من حق اي مواطن حر شريف

يلصعه قلم علي قفاه ولو حب بعمل ذكر يتلموا عليه ويعلقوه في عمود

نفسي الطربوش والنشه بتاعت محمد افندي اغا ترجع تاني وتبقي الزي الرسمي

نفسي الزمالك ميخدش الدوري ابدا

نفسي رئيس الوزراء الجديد ميعيطشي تاني في اي لقاء تلفزيوني بجد فضيحه

نفسي الردود في المنتدي تبقي طويله شويه تحسس

ان الي كاتب الموضوع بيكلم ناس مثقفه

نفسي يوزعوا فلاتر مياه ببلاش بصفه دوريه علي البيوت

نفسي معاهده السلام تتلغي بس بعد اعداد جيش قوي

قادر علي مواجهه اي عدو سواء عربي او غربي رافض ان مصر تكون دوله ذكر


نفسي نحب رئيس مصر زي ما السعوديه بتحب الملك عبد الله

نفسي القذافي يحلقوله شعره

نفسي المسيحي يحترم ان البلد دي مسلمه وهو فيها شريك- سلم تسلم

نفسي منمدش ايدنا لحد ومنحتجشي حد اي حد

نفسي ننضف بلدنا شبر شبر بيت بيت زنقه زنقه نعمل ثوره ثوره ثوره

نفسي لما انزل الشارع مرجعشي المع الجزمه تاني

نفسي الشباب السيس يسترجل شويه والبنات الي بتلبس بنطلون تتلم شويه عيب

نفسي مشفشي في مصر مريض بالفشل الكلوي او الكبد الوبائي

نفسي الكل يفطر فول وطعميه وبصل ومخلل

نفسي نعرف قد ايه امنا وابونا ضحوا علشانا ونطلب ليهم الرحمه وهما احياء

مننتظرشي لما يغيبوا عن الدنيا ونترحم عليهم

نفسي الي يقول لابوه ياحاج والي تقول لامها يا مامي

نجبهم ونمسك ودنهم ونصوت فيها دي امممممممممممك وده ابوووك

ناديهم باسمهم يا ------- ي


نفسي يعمم في مصر اتوبيس للنساء فقط واخر للرجال فقط

وعلشان اكون منصف نعمل اتوبيس للتحرش الي تحب تركب فيه هي حره بقه

نفسي يطبق المثل كل الي يعجبك والبس الي يعجب الناس بلاش شغل هبل

نفسي كل واحد سواء ذكر او فتاه لما تاكل تغسل المواعين

مش حكر هو علي النساء فقط يا معشر الرجال


نفسي كل واحد يعمل حمام يشد السفون وميستهبلشي

نفسي اشوف رغيف عيش ينفع يتاكل وملقيش فيه ضيوف

زي مسمار زرار قميص غطا باكبورت كده يعني

نفسي كل بيت ياكل اكله حلوه يشارك جيرانه فيها علشان اللقمه تنزل في بطنك سليمه

olet]نفسي البنات يبطلوا نميمه والشباب يبطلوا تسبيل

نفسي تبقي الشبكه للعروسه صندل

نفسي نتعامل بالفيزا كارت زي الدول المتقدمه

نفسي الي يشرب من نيلك يامصر يرجع تاني حبا فيكي مش علشان يتعالج من البلهريسيا

نفسي تبصوا علي القاهره من فوق وتشوفوا كميه الدخان والعوادم قد ايه

نفسي نتلم كلنا علي طبليه واحده ومحدش ياكل لوحده

نفسي لما اشتري دواء اقري فعلا انه لنفس المرض الي عندي

نفسي تكون الحاجه الصافعه رخيصه وبلاش استعباط

نفسي اشوف فلم مصري زي فلم الارض ومتحسسناش ان الافلام

بتتكلم عن العالم الهاي كلاس او العالم الي بتعيش في العشوائيات وبس

نفسي المسرحيات ترجع زي زمان عاوزين ضحك نضيف

نفسي زي ما بنسمع الاغاني نسمع اذاعه القران الكريم

نفسي الي يتخرج من الجامعه يعرف يقري ويكتب بجد

نفسي التجنيد يكون اجباري للبنات زي ماهو اجباري للرجال مصر للجميع

نفسي قبل ما نثب الاخوان المسلمين نقري عنهم ونفهم هما ايه

نفسي لما رامي يقري ليا اي موضوع ويلاقي فيه غلطات يصلحها سكتم بكتم

نفسي اشوف كل اخواتي في الشات متسترين ومتجوزين

نفسي ارجع مصر ببببببببببببببببببببببببببببببببببقه








[/color]

_________________
الرجوع الى أعلى الصفحة اذهب الى الأسفل
رانا السيد
مشرف قسم
مشرف قسم
avatar

انثى
عدد الرسائل : 10868
العمر : 26
تاريخ التسجيل : 30/03/2010

بطاقتي الشخصية
المدينه: الاسكندريه
حكمه أعمل بها: الحمد للله ميه ميه

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 17:25

اولا بجد توبك جميل جدا ياهشوم وبجد الا انت بتحلم بيه دة


كلنا بنحلم بيه وبنتمنا يحصل بس صعب اوى ياهشوم اننا نبقا كدة


بس مفيش بلد تبقا كاملةالصفات والمميزات كل بلد لها عيوبها


ومميزاتها وللاسف ياهشوم عيوبنا غير قابلة للتصليح


متقدرش تمنع بتاع الانابيب انه يبيع انبوبة متقدرش تمنع الستات انهم يخلفو


متقدرش انك تمنع رامى انه يصحح اخطائك الاملائية هههههههههههههههههههههههههههههه


الحاجه الصافعهالله صحيح مبتتكتبش كدة بتتكتب الحاجة الساقعة ههههههههههههههههههههههههههه


وصعب انك تمنع البنت متلبسى بنطلون حاجات صعب جدا ياهشوم اننا نمنعها حتى لو منعت


كم من الناس حتلاقى الا بيخلفك الرائ وانت جوبت على الا الحاجات الا بتتمنها بعنوان


حلم صعب يتحقق



وبجد احييك على التوبك الحلو دة واحلى تقيم

_________________
الرجوع الى أعلى الصفحة اذهب الى الأسفل
gaber1
مشرف أداري
مشرف أداري
avatar

ذكر
عدد الرسائل : 2368
العمر : 39
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 17:33

نخلص من رامي تطلعلنا رنا اه منا عارف مهو انتم الاتنين في حرف ال( ر ) ده

وبعدين انا بقول صاقعه علشان انا عندي برد ارتحتي

هههههههههههههههههههههههههههههههه

شكرا رنوش لمرورك الراقي

_________________
الرجوع الى أعلى الصفحة اذهب الى الأسفل
ميرو المصراوية
مشرف قسم
مشرف قسم
avatar

انثى
عدد الرسائل : 3935
العمر : 28
البلد : اسكندرانية عروسة البحر المتوسط
العمل/الترفيه : ماوريش حاجة
تاريخ التسجيل : 02/04/2010

بطاقتي الشخصية
المدينه: اسكندرية
حكمه أعمل بها: بات مظلوم ولا تباتش ظالم

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 17:33

تصدق يا اتش انا بحلم نفس احلامك دى

خير اللهم اجعله خير هههههههههههه

بس بجد دى احلام حتلاقيها فى ذهن كل

مصرى ومصرية وان شاء الله متفائلة خير

انها تحقق ان شاء الله

تسلم يا اتش بجد توبيك هايل واحلام جميلة

يارب دايما تحلم احلام حلوة كدة

_________________


I love you I love you I love you

I love you I love you

I love you

الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 18:29

الله .. الله .. الله .. الله عليك

ياسلام يا H .. لأ ياهشام .. عشان اتكلم عربى بلا عوجة لسان ..

صدقنى لو حلمك ده يكون برنامج انتخابى لأى رئيس منتظر .. هيؤيده 80 مليون بالتمام

والكمال .. وبنسبة 100 % ..كلنا محتاجين نحلم .. أو نعيش حلمك ..

وعن نفسى بصفة شخصية .. باحلم معاك بـــ :[/
size]



نفسي الردود في المنتدي تبقي طويله شويه تحسس

ان الي كاتب الموضوع بيكلم ناس مثقفه

نفسي الزمالك ميخدش الدوري ابدا

نفسي كل بيت ياكل اكله حلوه يشارك جيرانه فيها علشان اللقمه تنزل في بطنك سليمه

نفسي الي يتخرج من الجامعه يعرف يقري ويكتب بجد

نفسي معاهده السلام تتلغي بس بعد اعداد جيش قوي

نفسي لما انزل الشارع مرجعشي المع الجزمه تاني

نفسي كل المدخنين يخدوهم كلبوش ( بس كدة هاتزعّل أغلى أصحابك ) مش كدة يابو الروم

[size=18]وأنا عندى أمنية خاصة .. نفسى ألبس بنطلون أبيض وأخرج بيه وأرجع بيه أبيض برضه ..








الرجوع الى أعلى الصفحة اذهب الى الأسفل
gaber1
مشرف أداري
مشرف أداري
avatar

ذكر
عدد الرسائل : 2368
العمر : 39
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 18:34

هههههههههههههههههه

يارب ما يشفشي الحلم بتاع السجاير ده منعم

ههههههههههههههههههههههههه

عموما نخليها الا رامي وبكده عملنا استثناء

شكرا منعم الغالي لمرورك الغالي

_________________
الرجوع الى أعلى الصفحة اذهب الى الأسفل
موجه
مؤهل للمراقبه بالمنتدي
مؤهل للمراقبه بالمنتدي
avatar

انثى
عدد الرسائل : 987
العمر : 29
البلد : أرض الله واسعة
العمل/الترفيه : حاطه ايدى على خدى ومستنيه الفرج
تاريخ التسجيل : 10/06/2010

بطاقتي الشخصية
المدينه: احلى مدينة
حكمه أعمل بها:

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 18:57

.هههههههههههههههههههههههههههههههههههه

جمييييييييييييييييييل التوبك فكرته روعه ياهشام

بسسسسسسسسسم اللـــــــــــــــــه


** نفسي اشوف كل بيت مصري بيطبخ لحمه 10 مرات في الشهر


الحمد لله اللى شايفاه اليومين دول ممكن اقول على الاقل الناس بتطبخ لحمه

من 5 : 7 مرات بالشهر ودى حاجه كويسه نظرا لانخفاض اسعار اللحمه بعد الثورة


** نفسي الراجل الي بيبيع الانانبيب في الشارع نحبسه في اوضه

ونخلي حد يمسك انبوبه ويرزع فيها جمب ودنه لمده 4 ساعات

ونشوف حيستحمل ولالا


خلاص اتعودنا عليه لدرجه لو صحيت يوم ومسمعتوش بحس بانى ناقصنى حاجه

واقعد افكر ايه ايه ايه

افتكر انى مسمعتش بتاع الانانبيب هههههههههههههه


** نفسي الحكومه تعمل قرار ان لو الصبح بدري واحنا نايمين

سمعنا يا معسلله يا قوطه كلل حاجه علي العربيه ب2 جنيه رووووبا ييييكيا

من حق اي مواطن حر شريف يدخل الحمام ويملي جردل مايه موحوحه

ويدلقها علي الي صحاه من النوم ده


لا تعليق غير الضحك هههههههههههههههههههه

ههههههههههههههههههههههههههههههههههههههههه


** نفسي يطلع فرار بمنع التدخين في الاماكن العامه

والخاصه وداخل المصالح الحكوميه وغير الحكوميه والمنازل والحواري

والشوارع والازقه نفسي كل المدخنين يخدوهم كلبوش

مع احمد عز والمغربي وباقي الحاشيه

بتهمه ريحه البلد بقت وحشه


بتمنى انه يتمنع التدخين فى الاماكن العامه

بس مش مع العقاب اللى انت حطيته كده هنلاقى نص سكان مصر بالسجن

واستلقى بقى نصيبك من رامى هيعلقك ههههههههههههههه

انا شايفه يكون فى حملات توعية للناس هيكون افيد

او انشاء مراكز طبية تساعدهم على الشفاء من ادمانهم للتدخين



** نفسي اي ولد او بنت يعوج لسانه ويتكلم اجنبي

نسخن طاسه ونخليه يلحسها ولسانه يتوحوح علشان يلم نفسه

هما مش بيتكلموا لغتك يا غتت ليه تاتكلم انت لغتهم وتشهرها


يبقى انت اول واحد هيلحس الطاسه انت بتتكلم اربع لغات

هههههههههههههههههههههههههههههههههههه طباخ السم بيدوقه ههههههه

انا على ما قد ما اقدر مبحاولش استخدم اى لغة اجنبية بكلامى لسبب اخر

عشان محسسش اللى قدامى انه اقل منى او ااتفهم انى مغرورة



** نفسي الي يعاكس واحده في الشارع يبقي من حق اي مواطن حر شريف

يلصعه قلم علي قفاه ولو حب بعمل ذكر يتلموا عليه ويعلقوه في عمود


اشمعنا الشارع بس ياريت فى كل مكان وخصوصا الشات

بس انت كده ياجابر مش هتعرف تاكل عيش وهتتقيد ههههههههههههه


** نفسي الزمالك ميخدش الدوري ابدا

هــــــــــــــــــــــــــــــــــئ ومـــــــــــــــــــــــــــــــــــــئ

فعلا انت بتحلم ابقى قوم اغسل وشك بعد ما تصحى واشرب بوء ميه


** نفسي الردود في المنتدي تبقي طويله شويه تحسس

ان الي كاتب الموضوع بيكلم ناس مثقفه


الرد بمضمونه وليس بطوله فيه ردود بتكون طويلة

وليس لها معنى زى ردى على التوبك ده طويل بلا هدف هههههه

وفى ردود بتكون فعلا موجزة وقالت كل الكلام فخير الكلام ما قل ودل



** نفسي تكون الحاجه الصافعه رخيصه وبلاش استعباط

مش هعلق على الخطأ الموجود وهرد عليك وأقولك

خلاص يعنى رخصنا كل شئ مش باقى غير الحاجه الساقعه



** نفسي اشوف فلم مصري زي فلم الارض ومتحسسناش ان الافلام

بتتكلم عن العالم الهاي كلاس او العالم الي بتعيش في العشوائيات وبس


ده اتوجد بالفعل فى افلام خالد يوسف الاخيرة

رغم انتقادى ليه فى بعض المشاهد الخارجه


** نفسي ننضف بلدنا شبر شبر بيت بيت زنقه زنقه نعمل ثوره ثوره ثوره

فعلا انا لو بصيت لكل الامانى هتكون دى اهم امنية فيهم وبجد اهم حاجه النظافة

بس لو قريت الامنيه بعين موجه هقول بقى ان بقى عندنا قذافى بالمنتدى هههههههههه


** نفسي التجنيد يكون اجباري للبنات زي ماهو اجباري للرجال مصر للجميع

نفسي قبل ما نثب الاخوان المسلمين نقري عنهم ونفهم هما


عايزة ارد على الامنية دى بالذات وارح باعلى صوتى هئ هئ وو مئ مئ

لما الاقى الرجاله ماسكه المكنسه وبتنظف وبتدخل المطبخ وبتطبخ وبتغسل المواعين

هكون اول واحدة تتطوع فى الجيش ويمكن اكمل فيه على طول



** نفسي لما رامي يقري ليا اي موضوع ويلاقي فيه غلطات يصلحها سكتم بكتم

ميبقاش رامى ههههههههههههههههههههههههه لازم يخليك تتعلم من اخطائك ومتكرروش تانى

** نفسي ارجع مصر ببببببببببببببببببببببببببببببببببقه

ما ترجع حد ماسكك بس مفتكرش هيكون قرار سهل بالنسبة لك

على العموم بتمنالك التوفيق فى اى مكان وهتنور مصر اكيد



واخيرا تعليقى النهائى على التوبك بشكل عام

بجد كتير كنت هفطس من الضحك لاستخدام الفاظ معرفش بتجيبها منين بس عجبتنى جدا

زى : موحوحه - بتزرب - الكوته انا بسمع الكلمه دى كتير ياترى معناها ايه ؟؟ -- يتوحوح .. وغيرها

عسسسسسل ياهشام ويارب يتحقق امانيك كلها
الرجوع الى أعلى الصفحة اذهب الى الأسفل
رانوش
أنشط الأعضاء مرشح أشراف
أنشط الأعضاء مرشح أشراف
avatar

انثى
عدد الرسائل : 14769
العمر : 27
البلد : مصر
العمل/الترفيه : طالبة جامعية
تاريخ التسجيل : 03/04/2010

بطاقتي الشخصية
المدينه: المنصورة
حكمه أعمل بها: اعمل لدنياك كانك تعيش ابدا واعمل لاخرتك كانك تموت غدا

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 19:11

والله يا اتش انت عسل وبجد كلامك كالعادة بيعبر عن اللى جوانا كلنا

وبجد انت جااااامد اخر حاجة ههه معلش اصل انا من بتوع اخر حاجة

بس غصب عنى والله اصل انا تربية انجليزى فالانجليزى بقى شىء

اساسى فى حياتى ههههههههههههههههههه

وانا متفقة معاك يا هشووم فى كل اللى انت قلته خااااااصة


نفسي الي يعاكس واحده في الشارع يبقي من حق اي مواطن حر شريف

يلصعه قلم علي قفاه ولو حب بعمل ذكر يتلموا عليه ويعلقوه في عمود

نفسي الزمالك ميخدش الدوري ابدا

نفسي الردود في المنتدي تبقي طويله شويه تحسس

ان الي كاتب الموضوع بيكلم ناس مثقفه

نفسي يعمم في مصر اتوبيس للنساء فقط واخر للرجال فقط

نفسي معاهده السلام تتلغي بس بعد اعداد جيش قوي

نفسي التجنيد يكون اجباري للبنات زي ماهو اجباري للرجال مصر للجميع


رغم ان البنات كل اما اقول حاجة زى دى يبقوا هيقتلونى

بس بجد نفسى هو احنا ملناش نفس ندافع عن بلدنا زيكم

وربنا يحققلنا احلامنا كلنا يارب وتعلى مصر وتبقى احسن

بلد فى الدنيا ويرجعك لينا بالسلامة يا هشووووووووووومى يارب
الرجوع الى أعلى الصفحة اذهب الى الأسفل
gaber1
مشرف أداري
مشرف أداري
avatar

ذكر
عدد الرسائل : 2368
العمر : 39
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 19:50

يالهوي ياممممممممممممممممممممممممممه

ايه ده انا قلت يا موجه الردود طويله شويه مش رد متشعلق في قطر بضاعه

ده يا ماما الرد اكبر من التوبك

ههههههههههههههههههههههههههههههههههه

ثكر ثكر ثكر موجاشي ومتفولليش اسمها سكر خليكي شيك

اما بالنسبه لكلمه موحوحه دي = سخنه بهبل يعني سخنه ملسوعه اي سخنه بالعبيط

اما فعل يزرب = تزرب زربا فهي زرابه اي بتجيب عيال بالكوم او بالتوره في البطن الواحده

اظن فاهمه كده

وبطلي نفسنه يا قرشانه ومتوقعنيش مع رامي

رامي مش بيشرب سجاير رامي حبيبي بياكولها مع فنجان قهوه فاير ومن غير وش

شكرا موجاشي للتعليق القصير ده

وهئ ومئ

_________________
الرجوع الى أعلى الصفحة اذهب الى الأسفل
gaber1
مشرف أداري
مشرف أداري
avatar

ذكر
عدد الرسائل : 2368
العمر : 39
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 19:54

رانووووووووووووووووووووشي بنت بلادي يا ولكم يا ولكم ايه الانوار دي

لما طلبت تدخلوا الجيش معشر النساء فهو شئ في نفسي علشان اتفرج عليكم وانتم بيحطوكم في طلقه مدفع وطااااااااااخ

اما حكايه الي يعاكس واحده دي انا مصر جدا انها تطبق علي عموم شباب مصر الا انا

نورتي رانوشي

ههههههههههههههههههههههههههههههههههههههههههههه

_________________
الرجوع الى أعلى الصفحة اذهب الى الأسفل
im here lets do it
عضو مميز
عضو مميز
avatar

ذكر
عدد الرسائل : 418
العمر : 32
البلد : مصر
العمل/الترفيه : الانتيكات والتحف
تاريخ التسجيل : 21/03/2011

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 21:38

كتبت إل نفسك فيه بس ده إل نفسنا كلنا فيه

بس بلاش التدخين يا إتش ههون عليك يعني يا حبي انا طبعا عاجز عن ردي عليك

بس خلي روحك رياضيه ده حتي الزمالك غلبان


واسمحلي ارد عليك بطريقتي ولو ان ردي مش هيوفيك حقك طبعا


كتبت ال نفسك فيه ورسمت فيه حلمنا ده حلم حلمنا بيه انا وانت وكلنا وجيت كده ع الجرح

وقلت احلي كلام نفسك كده في الفرح ونفسنا في الامان نفسك تعيش مبسوط ونعيش معاك احرار

من غير تعالي وخوف من غير حديد او نار رسمت لوحه جميله بحروف كانت من نور

وده مش غريب عنك يا اتش يا عسول يوم بعد يوم اعجابي بيك بيزيد ومعاك الدنيا تحلا وكاننا في

في العيد شوقتني اني اشوفك واقعد ادردش معاك تيجي بالسلامه لارضك يا غايب لكن موجود

عايش تملي لناسك ومكانك في القلوب محفوظ وفي الراس مقامك عالي وعلينا انت غالي

يرب يسعد ايامك زي ما دايما بتسعدنا يا غالي

ربنا يكرمك يا اتش وتنورنا دايما بكتباتك ال بتسعدنا واحلامك ال بترسم فيها احلامنا

وياريت تتقبل الرساله البسيطه دي من اخوك لان اي كلام مش هيوفيك حقك
الرجوع الى أعلى الصفحة اذهب الى الأسفل
gaber1
مشرف أداري
مشرف أداري
avatar

ذكر
عدد الرسائل : 2368
العمر : 39
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 22:39

والله العظيم فنان وشاعر وقلمك ذهب انا كان عندي شك بسيط

لكن بجد شعرك بيدل علي ان عندك مخزون من الكلمات الرائعه وان شاء الله نشفلك ديوان قريب يا غالي

_________________
الرجوع الى أعلى الصفحة اذهب الى الأسفل
im here lets do it
عضو مميز
عضو مميز
avatar

ذكر
عدد الرسائل : 418
العمر : 32
البلد : مصر
العمل/الترفيه : الانتيكات والتحف
تاريخ التسجيل : 21/03/2011

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 22:44

متحرمش من ذوقك ورقتك يا اتش
الرجوع الى أعلى الصفحة اذهب الى الأسفل
تسنيم الجنة
مشرف أداري
مشرف أداري
avatar

انثى
عدد الرسائل : 1513
العمر : 33
البلد : المغرب
تاريخ التسجيل : 06/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: تعالو اقلكم انا بحلم بايه بجد والله   الجمعة 8 أبريل 2011 - 23:30

عارف يا هشومي انا مش هكلم على اللي نفسك فيه

لانو احنا كلنا نفسنا فيه مع اني مش مصرية

بس اللي بتعانو منو انتم في مصر بنعاني منو احنا في المغرب

فانت كده قلت اللي نفس العرب كلها فيه

انا عايزة اشكرك واهنيك على تنسيق التوبك

كاتب كل حلم حلمتو بلون بجد بهنيك

وبدعي ربنا يلون حياتك وحياتنا بأحلى الالوان

واخيرا بقولك تسلم لنا يا شاعرنا الجميل


_________________









الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: تعالو اقلكم انا بحلم بايه بجد والله   السبت 9 أبريل 2011 - 23:41

كلنا والله بنحلم نفس الحلم ده لكن يا ترى هيتحقق

الثوره قامت والشهده راحوا علشان خاطر كده لكن يا ترى هنشوف بلدنا كده

كلنااااااااااا بنقول

يــــــــــــــــــــــــــــــا رب
الرجوع الى أعلى الصفحة اذهب الى الأسفل
شيريهان رياض
مشرف قسم
مشرف قسم


انثى
عدد الرسائل : 26460
العمر : 30
تاريخ التسجيل : 15/10/2010

مُساهمةموضوع: رد: تعالو اقلكم انا بحلم بايه بجد والله   الأربعاء 13 أبريل 2011 - 17:57

تسلم هشوم على احلى كلام

وربنا يحققلك كل احلامك

بليز موجة قصرى ردودك شوية حرام عليكى يا مفترية
الرجوع الى أعلى الصفحة اذهب الى الأسفل
senedrela
مشرف قسم
مشرف قسم
avatar

انثى
عدد الرسائل : 3569
العمر : 32
البلد : ام الدنيا
العمل/الترفيه : النت والسفر
تاريخ التسجيل : 28/03/2010

بطاقتي الشخصية
المدينه:
حكمه أعمل بها: صور ابى

مُساهمةموضوع: رد: تعالو اقلكم انا بحلم بايه بجد والله   الجمعة 17 يونيو 2011 - 0:41

واللة ياتش وبدون مجماااملة انت الواحد المفروووض

ينحنيلللك حب واحترام وتقدير ويرفعلك الطربوشش

على الاحلالام الروووعة اللى بتتمناه انا نفسى كل اللى بتقولة

يتتحقق واقوم الاقى بلدى من اهم البلاد واعلاهم شانا

بولادها وشبابها اللى يرفعو الراس زيك بجد المفروض

نفتخر ان فى رجال فى بلدنا بتفكر زيك واتمنى اشوف كل الشباب

الحر محترم زيك ويخاف على اهلة الناس والبنات والشباب تتلم شوية

انت خسارة انك بعييد عننا يارب ترجع ويرجع الخير على ايديك

بجد واللة بفتخر انى عرفت شخص زيك يابخت اهلك بيك

واللة يحمييك وتنور الدنيا بيك ولما ترجع هنعمل الافراح والمازمير

واللة بستناك ترجع مصر كانك اخوياااا ونفسى اشوفة

بجد عجز لسانى عن سرد باقى الكلام





_________________





الرجوع الى أعلى الصفحة اذهب الى الأسفل
Admin
Admin
avatar

ذكر
عدد الرسائل : 8186
تاريخ التسجيل : 04/11/2008

مُساهمةموضوع: رد: تعالو اقلكم انا بحلم بايه بجد والله   الجمعة 17 يونيو 2011 - 5:37

يالهوي يا امه ايه ده كله انت نفسك فكل ده

ده انا علي ما اخلص قراءه كل اللي فنفسك يكون نفسي انام هههههههههههههههههههه

استني بأه انا قولت ارد الاول وبعدين اقراه لما اخلص قرايته حرد تاني ياجبوره

_________________
ـــــــــــــــــــــــــــــــــــ
منتديات رامي
الرجوع الى أعلى الصفحة اذهب الى الأسفل
لا مؤاخذه
مشرف قسم
مشرف قسم
avatar

انثى
عدد الرسائل : 3322
العمر : 29
البلد : تايهه فى بلاد الله
العمل/الترفيه : الاستهبال والاستغراق فى النوم
تاريخ التسجيل : 19/06/2010

بطاقتي الشخصية
المدينه: cairo
حكمه أعمل بها: النوم سلطان ومتسألنيش ازاى

مُساهمةموضوع: رد: تعالو اقلكم انا بحلم بايه بجد والله   الجمعة 17 يونيو 2011 - 11:41



ههههههههههههههههههههههههههههههههههههه كل دى احلام

ده وانت نايم ولا صاحى بجد كلنا بنحلم بكده وخصوصا اللى بتقول يا مامى

وهى بلاش بأه بجد كلام جميل اوى هههههههههههههههههه

ويكون المنتدى فيه ردود طويله وناس تدخل ترد ومش تبص بس

يعنى ممكن تلاقى فى 67584 مشاهده وممكن تلاقى ردين بس يالهوى

وكمان الناس اللى بتدخل وتنسي نفسها فى التوبك وتعلق فى الردود

تلاقيها بترد عشرميت مره نفسي الناس دى تتهدى شويه ده حلمى بردو

وناس تفطر فول ومخلل وبصل الله ده فطار الملوك

مشكور يا هشوم على التوبك الروعه ده واحلى تقييم يا جميل


_________________


اذا مزقت قلبي فلا تتحدث عن الحب لان الحب بريء من الخونة
الرجوع الى أعلى الصفحة اذهب الى الأسفل
chelsiesmile
عضو مميز
عضو مميز
avatar

انثى
عدد الرسائل : 439
العمر : 35
تاريخ التسجيل : 26/05/2011

مُساهمةموضوع: رد: تعالو اقلكم انا بحلم بايه بجد والله   الإثنين 11 يوليو 2011 - 7:30

Thank You
nice topic
الرجوع الى أعلى الصفحة اذهب الى الأسفل
sad girl
مرشح للأشراف بالمنتدي
مرشح للأشراف بالمنتدي
avatar

انثى
عدد الرسائل : 6819
العمر : 27
البلد : mansoura
تاريخ التسجيل : 02/07/2010

بطاقتي الشخصية
المدينه:
حكمه أعمل بها: الصداقه

مُساهمةموضوع: رد: تعالو اقلكم انا بحلم بايه بجد والله   الجمعة 5 أغسطس 2011 - 12:39

بجد توبك جميل جدا ياهشوم وبجد الا انت بتحلم بيه دة


كلنا بنحلم بيه
الرجوع الى أعلى الصفحة اذهب الى الأسفل
 
تعالو اقلكم انا بحلم بايه بجد والله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رامي و أصدقاء جوستن تي في :: منتديات رامي :: قسم الشعر والأدب والقصه :: اشعار وخواطر-
انتقل الى: