منتديات رامي و أصدقاء جوستن تي في
عفوآ أنت لم تسجل بعد في المنتدي وستكون بعض الاقسام محجوبه عنك
يمكنك الآن التسجيل لن تستغرق بضعه ثوان وستصبح عضوآ معنا لتتمتع بكل أمكانيات المنتدي وكذلك إضافه المواضيع

منتديات رامي و أصدقاء جوستن تي في

المنتدي الرسمي لمشجعي رانيا نجيب الجزار ستار اكاديمي صور - فيديو - محمد علي المغربي ستار اكاديمي-محمود شكري ستار اكاديمي 7 -صور-اغاني-معلومات-شات-مسابقات-موسيقي-افلام عربيه -أفلام اجنبي-مسرحيات-برامج-المنتدي الرسمي ستار اكاديمي 8
 
الرئيسيةالبوابهس .و .جالتسجيلدخول
::::الآن وحصريآ بالمنتدي ::: بقاعه سينما رامي ::: يمكنكم مشاهدة و تحميل :: فيلم أذاعة حب : بطولة : منه شلبي :: فيلم :: الفيل في المنديل بطولة : طلعت زكريا :: فيلم سامي اكسيد ال كربون بطولة : هاني رمزي ودره :: فيلم المركب بطولة : يسرا اللوزي و رامز امير ::  فيلم الفاجومي  بطولة :صلاح عبد الله والهام شاهين و خالد الصاوي :: فيلم صرخة نمله بطولة : عمرو عبد الجليل و رانيا يوسف مع بداية عرضه بدور السينما

شاطر | 
 

 يوميات فاطمة والجامعه و مسلسل عاجبنى فيكى لون عنيكى (الحلقة الثالثة) ابداع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الماجيك المتمرد
عضو VIB
عضو VIB
avatar

ذكر
عدد الرسائل : 666
العمر : 27
البلد : مصر_القاهرة
العمل/الترفيه : طالب فى المعهد العالى للخدمة الاجتماعية بالقاهرة
تاريخ التسجيل : 03/06/2011

بطاقتي الشخصية
المدينه: القاهرة
حكمه أعمل بها: الصمت لغة العظماء

مُساهمةموضوع: يوميات فاطمة والجامعه و مسلسل عاجبنى فيكى لون عنيكى (الحلقة الثالثة) ابداع   السبت 23 يوليو 2011 - 21:56



اهلا بكم من جديد والحلقة الثالثة
مع اختكم فاطمة



هيا بنا نُكمل مع فاطمة

و



وكنا توقفنا عند " البحث عن المفقود "
وشربت فاطمة المقلب شرباً بارتواااااااء ,
تعالوا نشوف ازاي
صلوا علي النبي
عليه الصلاة والسلام





توصل فاطمة البيت متسلمش ع حد خالص ولا ع ماما حبيبتها وتقفل الباب ع نفسها
وزعلااااااااانة
ومكتئبة
وسرحانة

وتكلم نفسها : ياريتني كنت رديت عليه ياريتني ..


وماما تنادي عليها عشان تيجي تحضّر معاها الأكل وفاطمة ولا هي هنا في عالم تاني خالص " عالم المفقود "



ماما : بت يا فاطمة مكنتيش بتردي عليا ليه ؟
فاطمة باسلوب جاف جداا: مسمعتش
ماما : ليه دانا الجيران كانت سامعة صوتي وانا بنادي ....
فاطمة : مسمعتش بقي يا ماما اوففففف
ماما : طيب اتكلمي كويس وتعالي كُلي يلا الأكل اتحط وانتي ولا ليكي لازمة .
فاطمة : لا مش عايزة آكل مليش نفس .
ماما : ليه إن شاء الله ؟ انا مش عارفة البت دي مالها مبقاش حد عارف يكلمها ؟
فاطمة : مش عايزة أكل بقي هو غصب ولا ااااااايه اوفففف؟
بابا_كوجه جديد معنا _ : ايه يا بت بتكلمي امك كدة ليه انتي اتجننتي ؟
فاطمة : يا بابا مش عايزة أكل مليش نفس .
بابا : خلاص يلا روحي مع السلامة .






وتدخل اوضتها وهاتك يا عياط



اول مرة تكلمي ماما وبابا بالاسلوب دا يا فاطمة ؟
بتزعئي في وش ماما ؟
ماما حبيبتك ! اللي عمرك مرفعتي صوتك عليها وقليتي ادبك عليها !!
وكمان عشان عايزاكي تيجي تكلي ؟
حرام عليكي يا فاطمة ..
حرام ..


{وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً }الإسراء23





وقالت انا مش هروح الجامعة بكرة وخدت اليوم كله نووووووووووم وضيعت الصلوات ولا حتي صالحت ماما وبابا اللي زعلتهم ,

فصحيت من النوم ع معاد الكلية اليوم التاني
فتبص في الموبايل لقت 15 مسد كول و5 رسائل

من ميــن ؟؟
طبعا من الشاب إياه
والرسائل كلها اعتذار
وانا اسف
وانتي فين ؟
مجتيش ليه النهاردة ؟
انا قعدت مستنيكي طول اليوم ؟
ياريت تيجي بكرة انا هحجزلك في نفس المكان .
وارتسمت البسمة علي وجه فاطمة
وقامت ولبست اشيك اللبس
والطرحة بدئت تقصر عشان الطقم يبقي اشيك ,
وعلبة الميكب في الشنطة مش هتحط في البيت عشان مش عايزة وجع دماغ من ماما .
وراحت الكلية
وقابلته
واتعاتبوا
وبعدين صافي يا لبن .حليب يا ضياع
ومفيش حضور محاضرات
ولا صلوات
وبقت تسمع اغاني
وبقت تحط مكياج
وبقت تقصر الطرحة
واللبس بدء يبقي ضيق
والكذب علي ماما وبابا وعلى نفسها .
ووووووو

وطبعا رسائل ورنات طول النهار ولكن نوع الرسائل الأولي كانت دينية .... وبالتدريج .... بقت رسائل .... ولا حول ولا قوة إلا بالله ,

وبعدها خد ايميلها وشاتنج :



وبدئت علاقتهم تتوسع شيئاً فشيئاً, لدرجة ان واحدة من صاحبتها اللي كانت قعدت معاهم قالتلها وهي جاية لوحدها :
البنت : ايه دا يا فاطمة امال فين ........؟ وضحكت هي وباقي الشلة .
فاطمة وطبعا مضايقة من الكلام والطريقة: معرفش هو فين !!
البنت : والله ؟ متعرفيش ! ههههههه وهات يا ضحك
قامت فاطمة سايباهم وماشية




[center]( ودي كانت اول رسالة لفاطمة من ربنا )

فهل فقتي يا فاطمة ؟


http://illiweb.com/fa/pbucket.gif


وافتكرت فاطمة
مبادئها اللي اتخلت عنها

وان كدة حرام فتلتزم تاني

ومتكلموش

ويرجع يحايلها تاني
وترجع تكلمه وتضعف تاني
وتحس بالذنب تاني
وتقول انا لازم اقطع علاقتي به

ولكن أنّا ذلك وهي سايبة نفسها ف هذا المستنقع

* فاطمة حاليا مقصرة جدااااااا في مذاكرتها بتروح الجامعة عشان تقعد مع الشاب دا
* فاطمة مقصرة جدااااااااا عائليا

*وطبعا مقصرة جدااااااااا روحانيا مع الله

واحسااااااس بالذنب رهييييييييييب
ووحدة
وانعزال
وضيق

وبقت قافلة ع نفسها الباب علطول

ويدخل عليها اخوها الصغير
ويقولها فطوم انتي فين ؟ بقالك كتير مسمعتليش قرءان ؟ مش هتسمعيلي بقي ؟
فاطمة بتسمعه بحسرة وندم وخدته في حضنها وعيطت .
_طيب ليه يا فاطمة معذبة نفسك بمعصية ربنا وانتي اصلا كويسة ليه ؟؟! ,ليه تلوثي نفسك وانتي نقية اصلا ؟؟! _


( اخوها دا كان تاني رسالة من ربنا لفاطمة ...)

فهل فقتي يا فاطمة ؟



وماما تدخل عليها ويبدأ الحوار الآتي بين فاطمة وماما :


ماما : فاطمة فيه ايه ؟ مالك ؟ اتغيرتي ليه يا بنتي ؟ فيكي ايه ؟ قوليلي ! مبقتيش تقعدي معانا خالص ليه؟

فاطمة في استنكار لواقع حالها مع غرغرة في العين : مفيش يا ماما انتي عارفة الدراسة بقي والانشغال

ماما : الدراسة برده . ؟

ماما : طيب يا حبيبتي انا عارفة انك متفوقة
وربنا يوفقك يا بنتي عايزاكي تفرحينا بقي زي ما

فاطمة : اه يا ماما صدقيني المحاضرات اتراكمت عليا وانا مش متعودة ع كدة .


فرحتينا في الثانوية كدة وتجيبي تقدير عالي .

فاطمة : يارب يا ماما ادعيلي ربنا يهديني ,

ومش هتحكي حاجة تاني لماما لانها في الاول كانت خام
إنما دلوقت اتلوثت بجو الجامعة اللي فتحتله الباب للاسف


مين بيتصل بيها دلوقت ؟؟



الشاب إياه



وهي كانت عاملة الموبايل "صامت" كما اعتادت من بعد ما عرفت الشاب دا
بس نسيت الموبايل في الصالة ودخلت نامت .





"صامت دا علامة ان في شيء غلط
ملحوظة يا اباء ويا امهات لما تلاقي ابنك او بنتك عامل الموبايل صامت او بكود سري للدخول"

خلي بالك اوي ابنك أو بنتك في خطر
دعبس وراه وشوف وراه ايه ؟؟ عشان لو في حاجة ودا اكيد تلحق تلحقها"

فالشاب عمّال يتصل يتصل , فماما عدت من جمب الموبايل ولقته منور فراحت تمسكه تشوف مين بيتصل لقت ايه ؟؟
(اسم الشاب) يتصل بك ...
ماما بتبص واستغربت ايه دا مين الولد دا وبيتصل في نص الليل كمان ؟؟ فلسه جاية ترد لقته خلص اتصال , فحاولت تفتح الموبايل عشان تكلمه وتعرف هو مين !
لقت فاطمة عاملة الموبايل برقم سري محدش يعرف يفتحه !!!
فدخل الشك قلب الأم اخيـــــراً
فاستنت لمّا فاطمة تصحي وصحيت فاطمة عشان تروح الكلية ودار الحوار الآتي :
ماما : انتي تعرفي واحد اسمه .... (وهنا الام مطعلتش فطنة المفروض كانت توقعها الاول ف الكلام ولكن دا حال معظم امهاتنا لما بيتقهروا وبيتصدموا من ولادهم مش بيعرفوا يحكموا الامور كما ينبغي )


فاطمة في خوف ورعب من سؤال ماما واسلوبها بس طلعت ذكية بقي ف ردها " الشيطان بقي ": اممممممممم اه يا ماما دا زميلي اللي انتي قولتلي انقلي منه المحاضرات في بداية الدراسة .
ماما مع ندمها انها قالتلها كدة : بس متوصلش بيه انه يتصل بيكي الساعة 3 بالليل اتجنن دا ولا ايه ؟

فاطمة : انا هزعئله يا ماما _ يا بت يا حمشة _.

ماما : لا انتي متكلموش تاني خالص , فاهماني يا فاطمة متكلموش تاااااااني , وبالنسبة المحاضرات منتي بتحضري كل حاجة ليه تنقليها من حد ؟؟ ولو اتزنقتي ابقي شوفي واحدة من زميلاتك .
_ كان فين كلامك دا من الاول يا امنا الفاضلة ؟؟ _

( وموقف ماما دا كان ثالث رسالة من ربنا لفاطمة )

فهل فقتي يا فاطمة .؟؟



توصل الجامعة وتلاقيه مستنيها ع باب الجامعة ويبدأ الحوار الآتي :

فاطمة : انت بتتصل ليه بيا بالليل كدة وعملتلي مشكلة كبيرة اوي مع ماما وبدئت تشك فيا ؟

الشاب : ايه اللهجة دي يا فاطمة , دا جزائي عشان افتقدتك ؟!
فاطمة : لا بس متتصلش بيا بالليل كدة .
الشاب لما لقاها لسه متنشنة : خلاص انا اسف مش هعمل كدة تاني روّقي بقي ؟
فاطمة : انا عايزة اعرف انت بتكلمني ليه دلوقت وايه سبب علاقتنا دي ؟
الشاب " يا نهار ابيض" دي بينّها هتبقي قاعدة غم النهاردة : عشان انا اتعلقت بيكي وعايز ارتبط بيكي .
فاطمة :ايه اللي يثبت انك عايزني ؟
الشاب : حاجات كتير يا فاطمة في ايه مالك ؟
فاطمة وبتعيط وضعفت تاني : انا مش طايقة نفسي حاسة اني مكروهة من الدنيا كلها .
الشاب + إبليس : ليه يا بنتي فيه ايه ؟ انتي عملتي حاجة غلط لسمح الله ؟ منتي زي باقي البنات ؟ وبعدين بقي اخلاقك دى هى اللى شدتى ليكى وتدينك كمان ؟
ومعاكي حبيبيك اللي بيحبك وفي نفس الوقت مبتعمليش حاجة شاذة يعني , انتي مكبرة الموضوع اوي ومأفوراه زيادة عن اللزوم ’ متبقيش خنيقة بقي .
فاطمة والشيطان اثر عليها للاسف : انا مش خنيقة انا عايزة اعرف انا صح ولا غلط
_ جاية تسألي الشيطان يا فاطمة يا ذكية ؟ ما طبعا هيقولك انتي صح ومية مية _
الشاب : انتي زي الفل , ناقصك بس
الضحكة الحلوة
و




ورجعت تاني لنفس الضياع بعد رسائل ربنا لها لعلها تفوووووق ,

ولكنها يظهر من النوع اللي لازم تحصله مصايب عشان يفوق

وإليكي يا فاطمة هذه الأبيات
نفسي تقوليها للشاب دا
اسمعي كدة قصدي... اقري كدة :

إعذرني فأنا إمرأة أخرى

إعذرني فأنا إمرأة أخرى
لا تحبك ولا تهواك
لم تبيت تحلم برؤياك أو لقياك
إمرأة جادة لم تفكر فيك يوما حتى تنساك
إعذرني فأنا إمرأة أخرى
لا تجيد لغة الحب والغرام
إمرأة مختلفة غير نساء هذه الأيام
إمرأة تجيد أشياءًا عديدة
غير الأحلام والهيام
إعذرني فأنا إمرأة أخرى
لا تتكلم بلغة العشاق
الطريق إليها ليس مفروشا بالورود
ولكن بالأشواك
ليس صيدا تصيده أيها الجاهل بالشباك
إعذرني فأنا إمرأة أخرى
إمرأة أبية ليست كالأخريات
لا تهمها إبتسامتك ولا تسحرها أجمل النظرات
لا لن تستجيب لما تقدمه لها من مغريات
فهي ثابتة على قيمها كالجبال الراسيات
إمرأة اخرى
تعرف لخالقها قدره فلا تقع في الموبقات
لم تحلم بالحب يوما الا فيما يقربها للجنات
امراة لا تريد أن تحشر إلا مع الصالحات
لأني
إمرأة أخرى




والي اللقاء مع الحلقة القادمة

ومع رسائل ربنا الجامدة
والمصائب اللي هتتحل ع دماغ فاطمة


تابعونااااااااااااا


lol! القادم احلى
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: يوميات فاطمة والجامعه و مسلسل عاجبنى فيكى لون عنيكى (الحلقة الثالثة) ابداع   الأحد 24 يوليو 2011 - 2:19



"صامت دا علامة ان في شيء غلط
ملحوظة يا اباء ويا امهات لما تلاقي ابنك او بنتك عامل الموبايل صامت او بكود سري للدخول"

خلي بالك اوي ابنك أو بنتك في خطر


انا مش مكان ف الموضوع ده

صوبعك مش زى بعضها

مش شرط انى اعمل كده يبقى ورايا حاجه

ممكن يكون ف الموبيل صور ليا انا وصحابى

ومش عاوزه اى حد يلعب ف الموبيل يشوفهم

ف حاجات مهمه متلا ومش عاوزه اخويا الصغير يلعب ف موبيل فيمسحهم

من غير قصد

ف مليون حاجه ممكن علشانه اعمل الباسورد

مش شرط اكون عمله مشكله

اما الصامت

ممكن اكون ف محاضره واعمل الموبيل صامت وانسى

ممكن كون تعبانه ومصدعه ومش عاوز اكلم حد

ممكن اكون عاوزه انام من غير قلق

كلاام اللى انت تقوه ده تهمه كبير

حرام تظل حد
الرجوع الى أعلى الصفحة اذهب الى الأسفل
توتا محمد
عضو VIB
عضو VIB
avatar

انثى
عدد الرسائل : 715
العمر : 22
البلد : ام الدنيااااا
العمل/الترفيه : السفر وكتابه الاشعاررررر
تاريخ التسجيل : 17/07/2011

بطاقتي الشخصية
المدينه: اسوان
حكمه أعمل بها: طنش تعش تنتعش

مُساهمةموضوع: رد: يوميات فاطمة والجامعه و مسلسل عاجبنى فيكى لون عنيكى (الحلقة الثالثة) ابداع   الأحد 24 يوليو 2011 - 3:07

جميل اوي
الرجوع الى أعلى الصفحة اذهب الى الأسفل
الماجيك المتمرد
عضو VIB
عضو VIB
avatar

ذكر
عدد الرسائل : 666
العمر : 27
البلد : مصر_القاهرة
العمل/الترفيه : طالب فى المعهد العالى للخدمة الاجتماعية بالقاهرة
تاريخ التسجيل : 03/06/2011

بطاقتي الشخصية
المدينه: القاهرة
حكمه أعمل بها: الصمت لغة العظماء

مُساهمةموضوع: رد: يوميات فاطمة والجامعه و مسلسل عاجبنى فيكى لون عنيكى (الحلقة الثالثة) ابداع   الأحد 24 يوليو 2011 - 10:48

تسلمى مراوى على المرور وانا معاكى ان صوابعك مش زى بعضها واكيد الموبيل لازم تعمليه صامت فى المحاضرات بس وانا مبقولش لوالدتك او والدك يروح الكلية ويشوف انتى عامله الموبيل صامت ليه.. انا بقول لما تكونى فى البيت مفيش داعى انك تعمليه صامت الا لو هتيجى تنامى مثلا انما لو قعده فى البيت تعمليه صامت ليه علشان محدش يزعجك طيب اقفليه احسن والرقم السرى بتعمليه لو كان فى حاجات مش عايزه حد يشوفها خالص ودى اكيد صور او حاجات تانية غلط ومعظم البنات دلوقتى تكلم ولاد وواخداها على انها صحوبية انا هنا بقول لكل الآباء ياخدوا بالهم كويس من ابنائهم لاحسن يندموا انا والله كنت بشوف مواقف بحزن واتحسر عليها كنت بشوف واحد بيضرب واحدة بالشلوت وهى بتضحك والتانى حاطط ايده على كتف واحده تانية وحاجات تانية كتير وده مع كذا واحده مش مع واحده بس... فأنا من اللى بشوفه بقول كلامى ده وبرده زى ما انتى بتقولى صوابعك مش زى بعضها خلينا ناخد الاحتمال الضعيف او النسبة القليلة اللى مش تمام بس انا بحذر الاباء مش اكتر حتى لو الواحدة محترمة الحذر واجب وفى القصة لو هتابعيها هتعرفى ان فاطمة صاحبة القصة كانت الاولى فى الثانوية العامة وهتشيل اول سنة فى الكلية وشكرا على المرور ..وياريت تتابعيها كلها هى 13 حلقة انا لغايط دلوقتى نزلت 3 حلقات











الرجوع الى أعلى الصفحة اذهب الى الأسفل
الماجيك المتمرد
عضو VIB
عضو VIB
avatar

ذكر
عدد الرسائل : 666
العمر : 27
البلد : مصر_القاهرة
العمل/الترفيه : طالب فى المعهد العالى للخدمة الاجتماعية بالقاهرة
تاريخ التسجيل : 03/06/2011

بطاقتي الشخصية
المدينه: القاهرة
حكمه أعمل بها: الصمت لغة العظماء

مُساهمةموضوع: رد: يوميات فاطمة والجامعه و مسلسل عاجبنى فيكى لون عنيكى (الحلقة الثالثة) ابداع   الأحد 24 يوليو 2011 - 10:49

شكرا توتا على المرور الجميل
الرجوع الى أعلى الصفحة اذهب الى الأسفل
sad girl
مرشح للأشراف بالمنتدي
مرشح للأشراف بالمنتدي
avatar

انثى
عدد الرسائل : 6819
العمر : 27
البلد : mansoura
تاريخ التسجيل : 02/07/2010

بطاقتي الشخصية
المدينه:
حكمه أعمل بها: الصداقه

مُساهمةموضوع: رد: يوميات فاطمة والجامعه و مسلسل عاجبنى فيكى لون عنيكى (الحلقة الثالثة) ابداع   الثلاثاء 26 يوليو 2011 - 16:05

ميرسى عل التوبيك تسلم الاياااادى
الرجوع الى أعلى الصفحة اذهب الى الأسفل
الماجيك المتمرد
عضو VIB
عضو VIB
avatar

ذكر
عدد الرسائل : 666
العمر : 27
البلد : مصر_القاهرة
العمل/الترفيه : طالب فى المعهد العالى للخدمة الاجتماعية بالقاهرة
تاريخ التسجيل : 03/06/2011

بطاقتي الشخصية
المدينه: القاهرة
حكمه أعمل بها: الصمت لغة العظماء

مُساهمةموضوع: رد: يوميات فاطمة والجامعه و مسلسل عاجبنى فيكى لون عنيكى (الحلقة الثالثة) ابداع   الأربعاء 27 يوليو 2011 - 3:54

منورة sad girl التوبيك
الرجوع الى أعلى الصفحة اذهب الى الأسفل
 
يوميات فاطمة والجامعه و مسلسل عاجبنى فيكى لون عنيكى (الحلقة الثالثة) ابداع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رامي و أصدقاء جوستن تي في :: منتديات رامي :: قسم الشعر والأدب والقصه :: القصه-
انتقل الى: