منتديات رامي و أصدقاء جوستن تي في
عفوآ أنت لم تسجل بعد في المنتدي وستكون بعض الاقسام محجوبه عنك
يمكنك الآن التسجيل لن تستغرق بضعه ثوان وستصبح عضوآ معنا لتتمتع بكل أمكانيات المنتدي وكذلك إضافه المواضيع

منتديات رامي و أصدقاء جوستن تي في

المنتدي الرسمي لمشجعي رانيا نجيب الجزار ستار اكاديمي صور - فيديو - محمد علي المغربي ستار اكاديمي-محمود شكري ستار اكاديمي 7 -صور-اغاني-معلومات-شات-مسابقات-موسيقي-افلام عربيه -أفلام اجنبي-مسرحيات-برامج-المنتدي الرسمي ستار اكاديمي 8
 
الرئيسيةالبوابهس .و .جالتسجيلدخول
::::الآن وحصريآ بالمنتدي ::: بقاعه سينما رامي ::: يمكنكم مشاهدة و تحميل :: فيلم أذاعة حب : بطولة : منه شلبي :: فيلم :: الفيل في المنديل بطولة : طلعت زكريا :: فيلم سامي اكسيد ال كربون بطولة : هاني رمزي ودره :: فيلم المركب بطولة : يسرا اللوزي و رامز امير ::  فيلم الفاجومي  بطولة :صلاح عبد الله والهام شاهين و خالد الصاوي :: فيلم صرخة نمله بطولة : عمرو عبد الجليل و رانيا يوسف مع بداية عرضه بدور السينما

شاطر | 
 

 أشهر جمل بيقولوها الأب و الأم في مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: أشهر جمل بيقولوها الأب و الأم في مصر   الأحد 26 أبريل 2009 - 15:48

أشهر جمل بيقولوها الأب و الأم في مصر

* امشى جاتك مشش فى ركبك .^^



خلف تيجى تتفرج .


*ذاكر يامو*** مش فالح غير فى الهيافه والكلام الفاضى.


* ربنا يرزقك بعيل يوريك اللي ورتهوني.


* هات كيس عيش وانت راجع.


* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.


*ابقى ورينى مين حينفعك فى الاخر من شوية الصيع الى انت مشيلى وراهم .


* قوم اقرا لك كلمتين ينفعوك .


* وطي المدعوق ده شويه .


* انت فاكرنا نايمين على ودانا ؟


*لما ما ترضاش تاكل في البيت:طبعا مانت اتعودت علي اكل بره .


*ياريتك تحفظ دروسك زى مانت حافظ الاغانى.


* عيـــب ... لازم تحترم اللي أكبر منك .


* لو شفت خناقه ما لكش دعوة بيها .


* فلان دا عيل بايظ وماتمشيش معاه تاني .


* مين فلانه دي انتى كل يوم تصاحبي واحدة جديدة ؟.


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني .


* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


* وانت فاكر احنا مستنيين منك حاجه .


* المسلسل مش هينفعك ...قوم .


*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.


* كفايه رغي في التليفونات .


* كل على مهلك .. وامضغ كويس ... وما تكلش وانت واقف .. وكل من قدامك ما تحفش .


* اطفي التلفزيون وقوم ذاكر ولا و خش اوضتك .


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


* افرد ظهرك .


* لم شراباتك.


* ماتكلش فى ضوفرك.


* كنت فين لحد دلوقتى يا صايع.


* ماتتأخرش علشان عندك كلية بكرة بدرى.


* انا مش عارف انته طالع لمين.


* انا : ياماما بقه ايه ده ؟؟؟
ماما:مووو لمـا يــــــخدك .


* ده منظر اودة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* البس فنله قطن تحت ودفي سدرك ودخل التيشرت في بنطلون البيجامه وانته نايم .


* يأبنى المذاكره مابتخلص .... نفسى اشوفك مره ماسك كتاب.


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .و امشي جوا الحيط .


* احمد ربنا الاكل الى مش عجبك ده فى ناس مش لقينه .


* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


* قومي سخني الأكل لأخوكي.


* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.


* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة
جاز أو على عامود النور الي في الشارع و نجح وخد الدكتوراه وسافر أمريكا
( ٌٌقال يعنى كان بيعرف يركذ والناس ماشيه حوليه فى الشارع )

ههههههههههههههههه


فعلا معظم الجمل دى بتتقال فى كل البيوت


منقول

طفى المسخره دى يابت Crying or Very sad Crying or Very sad


تمت اضافتها لان نهتى حبيبتى عاوزة تضيفها
اى خدمة ياجابر

_________________
انا قطة المنتدى واللى يضايقنى هخربشو نياااااااااااااااو


عدل سابقا من قبل elbetnona في الإثنين 4 مايو 2009 - 14:56 عدل 1 مرات
الرجوع الى أعلى الصفحة اذهب الى الأسفل
gaber1
مشرف أداري
مشرف أداري
avatar

ذكر
عدد الرسائل : 2368
العمر : 39
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: أشهر جمل بيقولوها الأب و الأم في مصر   الأحد 26 أبريل 2009 - 17:48

وكانو بيقولولك ايه كمان يا خالتووووووووو

يادي الفضايح علي الصبح يا ولاد

قوم يا مكوس كتك ضربه في لوازقك--الجمله الشهيره الي كانت بتتفالي--

ههههههههههههههههههههههههههههههههههههههههههه

جميل الموضوع ةجديد يا خالتوووووووووووو

هههههههههههههههههههههه

_________________
الرجوع الى أعلى الصفحة اذهب الى الأسفل
Admin
Admin
avatar

ذكر
عدد الرسائل : 8186
تاريخ التسجيل : 04/11/2008

مُساهمةموضوع: رد: أشهر جمل بيقولوها الأب و الأم في مصر   الثلاثاء 28 أبريل 2009 - 5:43

ههههههههههههههههههههههههههههههههههههههههههههه

والله موضوع حلو اوي اوي عارفين ليه

لأنه ببساطه لو نظرنا نظره موضوعيه لكل عباره فيه حنلاقي انها نصيحه حلوه

وتقريبآ دي هيا وظيفه الاب والام اللي ربنا زرعها فيهم بالفطره والهدف النهائي منها انهم يشوفوا أبنائهم وبناتهم

أفضل الناس وأعلاهم مرتبه واكثرهم علو

لكن للأسف كمان حنلاقي ان الابناء عاده غير متقبلين للنصايح ومش عاجباهم ودي كمان من سنن الحياه الفطريه

وليها فايده

متستغربوش ايوه ليها فايده

فايدتها ان الابناء والبنات يجربو بنفسهم مخالفه النصيحه ويقعوا في المحظور ويغلطوا ويندموا ويتعلمو ويعترفوا فيوم من الأيام

ان ابوهم وامهم كانو علي حق فكل كلمه كانو بيقولولها لأبناهم ....

وساعتها حيعرفوا مقدار حب ابوهم وامهم ليهم

وويدعولهم بالرحمه والمغفره

_________________
ـــــــــــــــــــــــــــــــــــ
منتديات رامي
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: أشهر جمل بيقولوها الأب و الأم في مصر   الثلاثاء 28 أبريل 2009 - 15:05

ضنايا فاهم وواعى
الهى يسترلك طريقك يارامى ياابنى
حلو كلامك ومفيد وصح الواحد بيتخنق لو
سمع نصيحة بس بيعرف انها الصح
لما يتقرص فى الغلط

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
basbosa
مشرف اول المنتدي
مشرف اول المنتدي
avatar

انثى
عدد الرسائل : 5681
العمر : 34
البلد : مصر
تاريخ التسجيل : 04/11/2008

بطاقتي الشخصية
المدينه:
حكمه أعمل بها: الصمت

مُساهمةموضوع: رد: أشهر جمل بيقولوها الأب و الأم في مصر   الإثنين 4 مايو 2009 - 0:03

ضيفي عليهم يانونا ( طفى المسخره دى يابت Crying or Very sad Crying or Very sad )

دى الى جانب كمان بتاعة الكمبيوتر ماما بتقولهالى انتى حيجيلك تخلف عقلى منه

تسلمى نونتى على الموضوع الجامد والله حلو اوى هههههههههههههههههههههه سامحيني على تاخيرى بالرد

_________________


يابن ادم لاتدبر الامر فإن اولىَ التدبير هلكىَ سلم الامر إلينا فنحن اولىَ بِك مِنك
الرجوع الى أعلى الصفحة اذهب الى الأسفل
gaber1
مشرف أداري
مشرف أداري
avatar

ذكر
عدد الرسائل : 2368
العمر : 39
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: أشهر جمل بيقولوها الأب و الأم في مصر   الإثنين 4 مايو 2009 - 1:42

ههههههههههههههههههههههههههه
بسبسس ههههههههههههههههههههههه

ضيفها يا خالتو لموسوعه الكلمات دي

_________________
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: أشهر جمل بيقولوها الأب و الأم في مصر   الإثنين 4 مايو 2009 - 14:58

babydolfen كتب:
ضيفي عليهم يانونا ( طفى المسخره دى يابت Crying or Very sad Crying or Very sad )

دى الى جانب كمان بتاعة الكمبيوتر ماما بتقولهالى انتى حيجيلك تخلف عقلى منه

تسلمى نونتى على الموضوع الجامد والله حلو اوى هههههههههههههههههههههه سامحيني على تاخيرى بالرد



اهو ضيفتها عشان غلاوتك يانهتى

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: أشهر جمل بيقولوها الأب و الأم في مصر   الإثنين 4 مايو 2009 - 15:00

gaber1 كتب:
ههههههههههههههههههههههههههه
بسبسس ههههههههههههههههههههههه

ضيفها يا خالتو لموسوعه الكلمات دي

ضيفتها ياواد خلاص اطلع فوق هتلاقيها
وبلاش تصييح بقى
كان منتدى ابوكم ولا ايه ؟
هههههههههههههههههه

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
جارة القمر
مشرف أداري
مشرف أداري
avatar

انثى
عدد الرسائل : 5694
العمر : 32
تاريخ التسجيل : 22/11/2008

مُساهمةموضوع: رد: أشهر جمل بيقولوها الأب و الأم في مصر   الإثنين 4 مايو 2009 - 17:21

ههههههههههههههههههههههههه شو مايطلع منهم زي العسل على قلوبنا

ايه الحلالالالالالالالالالالالالاوة دي يابت انتي

انتي تسكتي تسكتي وتيجي بقنبلة رووووووووووووعة

الهي تفضل الفرحة دايما بقلوبكم والبسمة ماتفارق شفاتكم

اااااااااااااااااااامين يارب

مشكورة ياعمري على الموضوعع الراااااااااااااائع

تقبلي مروري

_________________







[center]يا ربِّ إنْ عـَظـُمتْ ذنوبي كثرة ً *** فلقد علمتُ بأنَّ عفوكَ أعظــمُ

إنْ كانَ لا يرجوكَ إلا مـُحســـن ٌ *** فبمـَنْ يلوذ ُ ويستجيرُ المجـرمُ

أدعوكَ ربـِّي كما أمرتَ تـضرُّعا ً*** فإذا رددتَ يدي فمنْ ذا يرحـمُ

ما لي إليكَ وسيلة ٌ إلا الرَّجـــــــا *** وجميل ظنـِّي ثمَّ أنيَّ مـُســـلمم


[/center]
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: أشهر جمل بيقولوها الأب و الأم في مصر   الإثنين 4 مايو 2009 - 20:19

جارة القمر كتب:
ههههههههههههههههههههههههه شو مايطلع منهم زي العسل على قلوبنا



ايه الحلالالالالالالالالالالالالاوة دي يابت انتي



انتي تسكتي تسكتي وتيجي بقنبلة رووووووووووووعة



الهي تفضل الفرحة دايما بقلوبكم والبسمة ماتفارق شفاتكم



اااااااااااااااااااامين يارب



مشكورة ياعمري على الموضوعع الراااااااااااااائع



تقبلي مروري


ميرسى يالولو خالص على مرورك

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
رانوش
أنشط الأعضاء مرشح أشراف
أنشط الأعضاء مرشح أشراف
avatar

انثى
عدد الرسائل : 14769
العمر : 26
البلد : مصر
العمل/الترفيه : طالبة جامعية
تاريخ التسجيل : 03/04/2010

بطاقتي الشخصية
المدينه: المنصورة
حكمه أعمل بها: اعمل لدنياك كانك تعيش ابدا واعمل لاخرتك كانك تموت غدا

مُساهمةموضوع: رد: أشهر جمل بيقولوها الأب و الأم في مصر   الثلاثاء 8 يونيو 2010 - 22:54

ههههههههههههههههه
والله كل ده صح بس كمان كله لمصلحتنا
مرسى ع الموضوع بجد روووووووووووووووعة
الرجوع الى أعلى الصفحة اذهب الى الأسفل
eimo_eime
عضو جديد
عضو جديد
avatar

انثى
عدد الرسائل : 23
العمر : 22
تاريخ التسجيل : 02/06/2010

مُساهمةموضوع: رد: أشهر جمل بيقولوها الأب و الأم في مصر   الأربعاء 9 يونيو 2010 - 1:05

ههههههههههههههههههه
وضيف عليها
اومى اكنسى وامسحى الارض و اغسلى الموعين
اه ياما بنسمع
مرسى على الموضوع كتير حلو
الرجوع الى أعلى الصفحة اذهب الى الأسفل
عاشقه الورد
مشرف قسم
مشرف قسم
avatar

انثى
عدد الرسائل : 1701
العمر : 29
البلد : ام الدنيا
تاريخ التسجيل : 10/04/2010

بطاقتي الشخصية
المدينه:
حكمه أعمل بها:

مُساهمةموضوع: رد: أشهر جمل بيقولوها الأب و الأم في مصر   الخميس 10 يونيو 2010 - 1:14

ههههههههههههههههههههههههههههههههههههههههههه

موضوع تحفة وكلة بيتقال تمام التمام واحنا اللى مش بنسمع الكلام وسمعنى احلى سلام

للطناش وعدم الاهتمام اقولكو حاجة يلا بينا ننام

هههههههههههههههههههههههههههههههههههههههههههههههههههههههههههههه

تسلمى يا نونا على التوبيك التحفة

_________________
وحشتينا جدآ
أدراه المنتدي
الرجوع الى أعلى الصفحة اذهب الى الأسفل
دانة السعودية
عضو نشيط
عضو نشيط
avatar

انثى
عدد الرسائل : 138
العمر : 31
البلد : المملكة العربية السعودية - جدة
تاريخ التسجيل : 10/04/2010

مُساهمةموضوع: رد: أشهر جمل بيقولوها الأب و الأم في مصر   الخميس 10 يونيو 2010 - 3:01

ههههههههههههههههههه يجنن وياريت امي مصريه Sad

بس برضه بحب ماما I love you
الرجوع الى أعلى الصفحة اذهب الى الأسفل
 
أشهر جمل بيقولوها الأب و الأم في مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رامي و أصدقاء جوستن تي في :: منتديات رامي :: القسم العام :: المنتدي الترفيهي-
انتقل الى: