منتديات رامي و أصدقاء جوستن تي في
عفوآ أنت لم تسجل بعد في المنتدي وستكون بعض الاقسام محجوبه عنك
يمكنك الآن التسجيل لن تستغرق بضعه ثوان وستصبح عضوآ معنا لتتمتع بكل أمكانيات المنتدي وكذلك إضافه المواضيع

منتديات رامي و أصدقاء جوستن تي في

المنتدي الرسمي لمشجعي رانيا نجيب الجزار ستار اكاديمي صور - فيديو - محمد علي المغربي ستار اكاديمي-محمود شكري ستار اكاديمي 7 -صور-اغاني-معلومات-شات-مسابقات-موسيقي-افلام عربيه -أفلام اجنبي-مسرحيات-برامج-المنتدي الرسمي ستار اكاديمي 8
 
الرئيسيةالبوابهس .و .جالتسجيلدخول
::::الآن وحصريآ بالمنتدي ::: بقاعه سينما رامي ::: يمكنكم مشاهدة و تحميل :: فيلم أذاعة حب : بطولة : منه شلبي :: فيلم :: الفيل في المنديل بطولة : طلعت زكريا :: فيلم سامي اكسيد ال كربون بطولة : هاني رمزي ودره :: فيلم المركب بطولة : يسرا اللوزي و رامز امير ::  فيلم الفاجومي  بطولة :صلاح عبد الله والهام شاهين و خالد الصاوي :: فيلم صرخة نمله بطولة : عمرو عبد الجليل و رانيا يوسف مع بداية عرضه بدور السينما

شاطر | 
 

 فضي نفسك واسمع معايا الشعر ده لو مش فاضي متسمعشي بجد خساره متنتبهشي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
gaber1
مشرف أداري
مشرف أداري
avatar

ذكر
عدد الرسائل : 2368
العمر : 38
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: فضي نفسك واسمع معايا الشعر ده لو مش فاضي متسمعشي بجد خساره متنتبهشي   الأربعاء 16 سبتمبر 2009 - 22:42




ده شعر وكلمات للشاعر الجميل

جمال بخيت

مصحوب بلقاء اتعمل معاه في برنامج

العاشره مساء

عندي رجاء منكم بجد لو مش فاضين تسمعوا او مشغوليين

خلوها لوقت تاني

خساره يتقري ويتسمع الكلام ده بدون اهتمام

كلام بيوجع جدا مكتوب عن حالنا وحال البلد

لو فاكرين كان اتغني في فلم دكان شحاته

حسيبكم مع الفديو والكلمات

مش ياقي مني!!!!!
جمال بخيت



مش باقي مني غير شوية ضي ف عينيا
أنا هاديهوملك
وامشي بصبري ف الملكوت
يمكن ف نورهم تلمحي خطوة
تفرق معاكي
بين الحياة والموت
مش باقي مني غير شوية نبض ف عروقي
خُدي.. وعيشي..
وافتحي لي تابوت
أفرح بريحة ورد فرعوني
وربنا ف عوني
إذا دخلت الجنة ولاّ النار
هاشتاق إلي ضحكتك
وقعدتي ف الدار
والقهوة متحوجة
من طيبة العطار..
ف كل يوم الصبح
باشرب حليب قبطي
وف النهار والمسا
بامسك ستار الكعبة لو سبتي
واثبت إذا هربتي
أهديكي عمري وحسي وجوارحي
أهديكي جرحي
هو اللي باقي ف دنيتي لما خلص فرحي
مش باقي مني
غير شوية لحم ف كتافي
بلاش يتبعتروا ف البحر
بلاش يتحرقوا ف قطر الصعيد
ف العيد
بلاش لكلب الصيد.. تناوليهم
خدي اللي باقي من الأمل فيهم
وابني لي من عضمهم
في كل حارة مقام
وزوريني مرة وحيدة
لو كل ألفين عام
ألم الجراح يتلم
مش باقي مني غير شوية دم
متلوثين بالهم
مُرين وفيهم سم
كانوا زمان شربات
والنكتة سكرهم
شربتهم الخفافيش
في قلب أوكارهم
مش باقي مني غير شوية دم.. ماأقدرشي
أسقيكي.. مواجعهم
وبرضه ما أقدرشي
أرميكي..
وأبيعهم
يمكن ف مرة تعوزي تطلبيني شهيد
هاحتاج يوميها الدم
يمضي علي شهادتي
مش باقي مني
غير شوية قوة ف إرادتي
علي شوية شِعر من خطي
حاسبي عليهم وانتي بتخطي
وانتي ف صبح الدلال
بتعطري شطي..
مش باقي مني
غير شوية ضي ف عينيا
أنا مش عايزهم
لو كنت يوم هالمحك
وانتي بتوطي
في معركة مافيهاش
ولاطيارات ولاجيش
وانتي ف طابور العيش
بتبوسي إيد الزمن
ينولك لقمة
من حقك المشروع
مش باقي مني.. غير
شهقة ف نفس مقطوع..
بافتح لها سكة
ما بين رئة.. وضلوع..
ما بين غبار.. ودموع..
وأنا تحت حجر «المقطم»
ف الدويقة باموت
أنا.. والعطش.. والجوع..
يئن تحتي التراب
وانا صوتي مش مسموع..
ياحلمنا الموجوع..
من المرور ممنوع..
مستني لما يمر
موكب سلاطينك..
مش باقي مني
غير شوية رحمة من طينك..
علي شوية صبر من دينك..
مش باقي مني غير حبة غُنا تايهين
ف الضلمة مش لاقيين
حس الفواعلية..
ولا صوت مراكبي عَفي
فوق المعدية..
ولا صوت بناتي العذاري
في كل صبحية..
والغنوة.. أمنية
«ياما نفسي أقابل حبيبي..
وانا ع الزراعية»..
صوتك وصوتهم غاب..
وانا تحت حجر المقطم.. باموت لوحديّا..
الليلة راحت عيوني
تطل ع البستان..
وجناين الرمان..
رجعت لي توصف عناد الغل والدخان
وسحابة سودا تضلل
علي الغُنا الغلبان..
رجعت لي توصف هبوب الموت
علي الألوان..
رجعت لي توصف….
خيال الذل..
ف موائد الرحمن..
مش باقي مني غير شوية كُفر بشروقك
وأنا..
منبع الايمان..
مش باقي مني..
غير شوية ضي..
وعينيا
مش قادرة تلمحني..
في وحدتي محني..
خايف أموت م الخوف
والضعف يفضحني..
السجن عشش ف قلبي
وماشي ف شوارعك..
نفس اللي باعني وخدعني
بالرخيص بايعك..
هاشيل حمولي انا
ولا هاشيل حملك ؟!
ماعدت أملك شيء..
فيكي.. ولا فيّا
ولا قيراط ولا بيت..
ولا نسمة صافية تلاغي النيل بحرية..
مش باقي مني
غير شوية حب جارحّني
ولا باقي مني
غير شوية ضي ف عينيا

_________________
الرجوع الى أعلى الصفحة اذهب الى الأسفل
Admin
Admin
avatar

ذكر
عدد الرسائل : 8186
تاريخ التسجيل : 04/11/2008

مُساهمةموضوع: رد: فضي نفسك واسمع معايا الشعر ده لو مش فاضي متسمعشي بجد خساره متنتبهشي   الخميس 17 سبتمبر 2009 - 5:00

الله الللللللللللللللللللللللللللللللللللللللللللللللللللللللللله والف آآآآآآآآآآآآآآآآآآآآآآآآآآآآآآآآآآآآآه

مرديتش اسمعها غير ساعه الشروق وفهدوء وبكيت بكا ما عرفت أمنعه وندمت اني سمعت وأفتكرت وكنت نسيت

وأتاريني مش ناسي وكنت بتناسي

حبيبي ياجبوره

_________________
ـــــــــــــــــــــــــــــــــــ
منتديات رامي
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: فضي نفسك واسمع معايا الشعر ده لو مش فاضي متسمعشي بجد خساره متنتبهشي   الخميس 17 سبتمبر 2009 - 13:33

جميلة اوى
تسلم ياجابر
الراجل دة بيجسد الواقع فى عبارات سهلة اوى

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
basbosa
مشرف اول المنتدي
مشرف اول المنتدي
avatar

انثى
عدد الرسائل : 5681
العمر : 34
البلد : مصر
تاريخ التسجيل : 04/11/2008

بطاقتي الشخصية
المدينه:
حكمه أعمل بها: الصمت

مُساهمةموضوع: رد: فضي نفسك واسمع معايا الشعر ده لو مش فاضي متسمعشي بجد خساره متنتبهشي   السبت 19 سبتمبر 2009 - 18:24

وانتي ف طابور العيش
بتبوسي إيد الزمن
ينولك لقمة

حلوة اوي ياجابر جميله بجد والله تسلم جبور

_________________


يابن ادم لاتدبر الامر فإن اولىَ التدبير هلكىَ سلم الامر إلينا فنحن اولىَ بِك مِنك
الرجوع الى أعلى الصفحة اذهب الى الأسفل
تسنيم الجنة
مشرف أداري
مشرف أداري
avatar

انثى
عدد الرسائل : 1513
العمر : 33
البلد : المغرب
تاريخ التسجيل : 06/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: فضي نفسك واسمع معايا الشعر ده لو مش فاضي متسمعشي بجد خساره متنتبهشي   الإثنين 21 سبتمبر 2009 - 0:50

بجد قصيدة رائعة من شاعر أروع

تسلم الايادي جبور بجد بشكرك
الرجوع الى أعلى الصفحة اذهب الى الأسفل
gaber1
مشرف أداري
مشرف أداري
avatar

ذكر
عدد الرسائل : 2368
العمر : 38
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: فضي نفسك واسمع معايا الشعر ده لو مش فاضي متسمعشي بجد خساره متنتبهشي   الإثنين 21 سبتمبر 2009 - 16:01

شكرا لمروركم الغالي يا اغلي الحبايب
رامي
شكرا لاهتمامك وحرصك علي التذوق عند الاستماع للشعر
انا شفتك وانت بتسمع القصيده
وشفتك وانت بتبكي
وبكيت لبكائك
وبكيت تاني لما سمعتها تاني
رامي يقول يارب يحلها من عنده
نونه
القصيده دي مش حلوه يا نونه القصيده دي
مجرمه بجد
انا حاسس ان الاستاذ جمال بخيت كتبها بدموعه ودمه
نهي
حسك عالي جدا والله انتي جيتي فعلا علي اعلي بيت وكررتيه
وانتي ف طابور العيش
بتبوسي إيد الزمن
ينولك لقمة
شفتي يا بسبس احنا وصلنا لايه
تسنيم
اولا انا اشكرك انتي بالذات علشان بحثتي عن القصيده دي وغلقتي عليها برغم ان فات عليها ايام
مش باقي مني غير اني اقولك
ربنا ميوجعك في بلدك زي ما الوجع متحكم فينا وشللنا
وادعي لينا
رجاء الي من قراء او سمع القصيده دي
ارجوكم متنسوش الي اتكتب فيها
او الي اتكتب ليها
وكررو معايا البيت ده
مش باقي مني
غير شوية ضي ف عينيا
أنا مش عايزهم
لو كنت يوم هالمحك
وانتي بتوطي
وشكرا

_________________
الرجوع الى أعلى الصفحة اذهب الى الأسفل
بنت الدرب
عضو نشيط
عضو نشيط
avatar

انثى
عدد الرسائل : 159
العمر : 31
تاريخ التسجيل : 11/03/2009

مُساهمةموضوع: رد: فضي نفسك واسمع معايا الشعر ده لو مش فاضي متسمعشي بجد خساره متنتبهشي   الثلاثاء 22 سبتمبر 2009 - 0:29

اخ جابر.يقولون اهل مكة ادرى بشعابها.وانا اقول لك كل منا ادرى بنفسه وبمن حوله,وطبعا بمجتمعه.
هل ستصدقني ان قلت لك انا لسنا افضل حالا منكم,ولنفرض اننا على اكثرتقدير ايسرماديا صدقني معوزون معنويا.
اخ جابر, نخرت المحسوبية والزبونية جسدنا المتهالك وشوه النفاق وجوهنا اما عن روح الوطنية لا تسل فهي قناع ننفض عنه الغبار في الحفلات والبروتوكولات واصدقني القول ادا قلت لك ان هده هيعملتكم التي تربحون فيها اغلى البورصات العربية خصوصا فالهوية المصرية غنية عن التعريف.في نظري كمغربية هدا ما ينقصنا كاناس اولا وكمواطنين ثانيا.
كي لا اطيل,حكايتنا عبر الزمن تدون دماء الوجه التي تحتقن يوميا في دماءنا من جراء من اختارهم غيرنا غصبا او حتى كرها وهل في الاكراه اختيار؟
تحياتي للحدوثة المصرية وللعيش المصري الدي يربي رجالا...
الرجوع الى أعلى الصفحة اذهب الى الأسفل
جارة القمر
مشرف أداري
مشرف أداري
avatar

انثى
عدد الرسائل : 5694
العمر : 32
تاريخ التسجيل : 22/11/2008

مُساهمةموضوع: رد: فضي نفسك واسمع معايا الشعر ده لو مش فاضي متسمعشي بجد خساره متنتبهشي   الثلاثاء 2 فبراير 2010 - 13:23

اول مرة اشوفها هنا بتوبيك بس شفتها وسمعتها وانا بالشات

دى تبكي الحجر وتنزل الدمعة المحبوسة

مش باقي مني غير جسد عايشة فيه روح

تمشي وياه وين مايروح

وبقا هيتمسح من اي جروح

انده بالليل على سراب بصوتي

وبقا صوتي من كتر الندا مبحوح

هي الى باقي مني

شوية بكا على شوية نوح

وايه ذنبنا في هالززمن والناس الى ماتعرفشي حتى الرحمة

وبقا الزمن زمن وحوش

وكلو بيجري وبيقول حلق ياولد وحوش

وبقت الكلاب السعرانة فينا تتحكم وتقول مش عايزة اشوف هالوشوش

تروح عندهم تلاقي كم حاجة

دول الى بيروحو هما الناس المحتاجة

وانت وحظك ياتعدي وترجع ياتعدي وماترجعش

تكون بضلمة وعتمة ومافيش حتى ضي قنديل

ولا حتى معك ولاعة تولع هالفتيل

يعني ياتنسجن ياتتبهدل وتتزل ياترجع قتيل

مش باقي مننا غير شوية صبر

نتصبر على قسوة الزمن والى فيه

يازمن غدار وقاسي كنت بفكرك اعز اهلي وناسي

بس لا مش الزمن الغدار الى فيه الغدارين

الى ينزلو الدمعة ويسيحو كحل العين

الى نوطي ليهم الجبين

ونيجي نقول هييييه احنا منصورين منصورين

مش باقي مني غير لسان يتكلم

وقلب بيتالم

وعقل يمكن يفكر ويتعلم

مش عارفة بقا ايه ومابقاش ايه

وااااااااااااااخلوووووووويص

_________________







[center]يا ربِّ إنْ عـَظـُمتْ ذنوبي كثرة ً *** فلقد علمتُ بأنَّ عفوكَ أعظــمُ

إنْ كانَ لا يرجوكَ إلا مـُحســـن ٌ *** فبمـَنْ يلوذ ُ ويستجيرُ المجـرمُ

أدعوكَ ربـِّي كما أمرتَ تـضرُّعا ً*** فإذا رددتَ يدي فمنْ ذا يرحـمُ

ما لي إليكَ وسيلة ٌ إلا الرَّجـــــــا *** وجميل ظنـِّي ثمَّ أنيَّ مـُســـلمم


[/center]
الرجوع الى أعلى الصفحة اذهب الى الأسفل
gaber1
مشرف أداري
مشرف أداري
avatar

ذكر
عدد الرسائل : 2368
العمر : 38
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: فضي نفسك واسمع معايا الشعر ده لو مش فاضي متسمعشي بجد خساره متنتبهشي   الثلاثاء 2 فبراير 2010 - 18:28

واووووووووووووووووووووووووووووو

ودي علي القصيده قصيده وبدل ما نورها ضي زيدي عليهم ضي علي ضيك

بجد كلاماتك جميله وده رايي ديما

لولو مكانها جمب بيت الشعر

شكرالولو علي الكلام الجميل والمتمكن ده

_________________
الرجوع الى أعلى الصفحة اذهب الى الأسفل
جارة القمر
مشرف أداري
مشرف أداري
avatar

انثى
عدد الرسائل : 5694
العمر : 32
تاريخ التسجيل : 22/11/2008

مُساهمةموضوع: رد: فضي نفسك واسمع معايا الشعر ده لو مش فاضي متسمعشي بجد خساره متنتبهشي   الثلاثاء 2 فبراير 2010 - 19:32

عفووا شكر ايه بس دة كلام كنت حساه قمت كتبتو

بجد الاحساس ساعات بطلع لوحدو

بس على فكرة هتخليني انغر بنفسي واصدق اني

بجد بقيت بكتب حلو بس بجد بفتقر لحجات كتيرة

ومستنياك تعلمني ياحلبنتيشي

_________________







[center]يا ربِّ إنْ عـَظـُمتْ ذنوبي كثرة ً *** فلقد علمتُ بأنَّ عفوكَ أعظــمُ

إنْ كانَ لا يرجوكَ إلا مـُحســـن ٌ *** فبمـَنْ يلوذ ُ ويستجيرُ المجـرمُ

أدعوكَ ربـِّي كما أمرتَ تـضرُّعا ً*** فإذا رددتَ يدي فمنْ ذا يرحـمُ

ما لي إليكَ وسيلة ٌ إلا الرَّجـــــــا *** وجميل ظنـِّي ثمَّ أنيَّ مـُســـلمم


[/center]
الرجوع الى أعلى الصفحة اذهب الى الأسفل
sad girl
مرشح للأشراف بالمنتدي
مرشح للأشراف بالمنتدي
avatar

انثى
عدد الرسائل : 6819
العمر : 26
البلد : mansoura
تاريخ التسجيل : 02/07/2010

بطاقتي الشخصية
المدينه:
حكمه أعمل بها: الصداقه

مُساهمةموضوع: رد: فضي نفسك واسمع معايا الشعر ده لو مش فاضي متسمعشي بجد خساره متنتبهشي   الجمعة 29 يوليو 2011 - 16:42

جميلة اوى
تسلم ياجابر
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: فضي نفسك واسمع معايا الشعر ده لو مش فاضي متسمعشي بجد خساره متنتبهشي   الجمعة 29 يوليو 2011 - 17:35

انا صوتى مش مسموع يا حلمنا الموجوع

مستنى لما تمر موكب سلاطتين

ومش باقى منى غير شويه لحم................


كلااااااااام تهز الوجدان ومعبر عن الحال الذى نحى فيه

تسلم جاااااابر ع مجهودك الاكتر من رائع
الرجوع الى أعلى الصفحة اذهب الى الأسفل
 
فضي نفسك واسمع معايا الشعر ده لو مش فاضي متسمعشي بجد خساره متنتبهشي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رامي و أصدقاء جوستن تي في :: منتديات رامي :: قسم الشعر والأدب والقصه :: اشعار وخواطر-
انتقل الى: