منتديات رامي و أصدقاء جوستن تي في
عفوآ أنت لم تسجل بعد في المنتدي وستكون بعض الاقسام محجوبه عنك
يمكنك الآن التسجيل لن تستغرق بضعه ثوان وستصبح عضوآ معنا لتتمتع بكل أمكانيات المنتدي وكذلك إضافه المواضيع

منتديات رامي و أصدقاء جوستن تي في

المنتدي الرسمي لمشجعي رانيا نجيب الجزار ستار اكاديمي صور - فيديو - محمد علي المغربي ستار اكاديمي-محمود شكري ستار اكاديمي 7 -صور-اغاني-معلومات-شات-مسابقات-موسيقي-افلام عربيه -أفلام اجنبي-مسرحيات-برامج-المنتدي الرسمي ستار اكاديمي 8
 
الرئيسيةالبوابهس .و .جالتسجيلدخول
::::الآن وحصريآ بالمنتدي ::: بقاعه سينما رامي ::: يمكنكم مشاهدة و تحميل :: فيلم أذاعة حب : بطولة : منه شلبي :: فيلم :: الفيل في المنديل بطولة : طلعت زكريا :: فيلم سامي اكسيد ال كربون بطولة : هاني رمزي ودره :: فيلم المركب بطولة : يسرا اللوزي و رامز امير ::  فيلم الفاجومي  بطولة :صلاح عبد الله والهام شاهين و خالد الصاوي :: فيلم صرخة نمله بطولة : عمرو عبد الجليل و رانيا يوسف مع بداية عرضه بدور السينما

شاطر | 
 

 مصطلحــــــــــات شبــــــابية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Verginia
مشرف أداري
مشرف أداري
avatar

انثى
عدد الرسائل : 1209
العمر : 35
البلد : Egypt, cairo
تاريخ التسجيل : 08/11/2008

مُساهمةموضوع: مصطلحــــــــــات شبــــــابية   السبت 13 ديسمبر 2008 - 12:46



طبعا لكل جيل مواصفاتة ولغتوا الخاصة

ايام زمان كانت المواصفات الطربوش والبدلة واللغة حاضر ونعم ويكلم ابوة وعينوا ف الارض والبنات متاكلش غير لما الرجالة تخلص !!

واحنا دلوقتى المواصفات البنطلون الساقط والموبيل الكاميرا وندى بابا رنة وهوا يتصل بقا او يكبر دماغوا

اما عن اللغة فحدث ولا حرج ودى بعض الكلمات الى قدرت افهمها

يبدأ يوم الشباب لما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد
إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها
يعنى لو البنت حلوه يسموها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك ))
أو حتة (( شامبو )) يعنى ريحتها حلوة ومستحمية !!!


ولو البنت صغيرة يقول عليها (( أووزى )) ولو كانت البنت الاجمل فى الشلة يقولو عليها (( النتفة )) أما لو كانت قبيحة الشكل تبقى
(( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى
(( سلعووه )) اما لو كانت البنت صاروخ ارض جو تبقى ((طلقة))

ولو كانت لعوباً يقولو عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

ولو كانــت البنت سمـراء البشرة يسموها (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى(( بيئة ))....

وولما ترفض البنت المعاكسة وده نادر جدا او مبيحصلش خالص ههههههه تقول للبييعاكسها ( يا خفة .. اية الهزار دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ال يعني البت فاهمه لغه هههههه

ولو الولد زهق (( اتخنق )) من البنت أو العكس يقولها (( سمعينى بودعك )) أو (( حوديها المولد)) ....


وطبعا البنات ليها نصيب

ولما تكون عايزة توريه لصحابها وتاخد رأيهم فى (( البوى فريند )) بتاعها ((تديله راندفو)) وتطلب من صحابها رأيهم من غير ما ياخد باله طبعا يعني ((بالطريقه ))
(( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى لما تقول لها صحبتها انك
(( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ...
(( شامورتى )) يعنى خنييق


(( توت فروت )) مظهرجى ... (( خفشاوى )) عبيط وهايف ... (( شنيش )) يعنى لامؤخذة هفأ .. !!!

ولو الولد تعبان فى المذاكرة يعنى (( جايب جاز والشراب مدلدل )) ههههههههه !!!



وأكثر مصطلحات متداولة هذة الايام

(( العب باشكا )) يعنى العب على المكشوف !!

(( حطيت إيدى على البلف )) يعنى فهمت الموضوع !!!

(( أدعك الفانوس دلوقتى )) يعنى ممكن تمشى وتخلع !!!

(( أرحلك )) أخرجك من الشلة !!

(( الجوند )) فلوس !!

((هات عمود )) يعني قب بسيجارة !!

(( مكيش القفف )) معاه فلوس كتير !!

(( يا صباح المظلات )) للمتقدمين للكليات العسكرية !!

(( اونفض )) يعنى نفض وكبر الجمجمة !!!

(( أحلق )) طنش !!!

(( انت حتزاولنى )) انت حتشتغلنى !!!

(( مهييس )) عامل دماغ وطاير قووى !!!

(( يا صباح اللى بتغنى)) (( صباح الدين الايوبى)) (( وصباح ورولا)) صباح الخير !!

(( يا مساء الليل )) يعنى يا مساء الخير !!!

(( فوكك )) سيبك من الموضوع دة !!!

(( اشوفك بكرة مسنتيك)) يعنى مش عايز اشوفك تانى !!!

(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!

(( كل معرفتى بيه .. هاى باى )) يعنى مش صاحبى قوى !!!

(( شوليطى . موليطى )) يعنى مش معايا فلووس .. مفلس !!


ومن مصطلحات الاغانى المنتشرة بكثرة هذة الايام:

(( انا رايح ألعب مع روبى )) يعنى انا رايح الجيم !!!

(( تعالوا نحصل ماريا )) تعالوا نلعب شوية !!

(( انت بتقلد روبى ؟ )) يعنى بتخبى وبتدارى !!

(( أنت كدة تعجب بوسى سمير )) يعنى انت حطيت النقط على الحرووف



_________________
الرجوع الى أعلى الصفحة اذهب الى الأسفل
Admin
Admin
avatar

ذكر
عدد الرسائل : 8186
تاريخ التسجيل : 04/11/2008

مُساهمةموضوع: رد: مصطلحــــــــــات شبــــــابية   الإثنين 29 ديسمبر 2008 - 6:13

ههههههههههههههههههههههههههههههههههههههههههههههه

دي يا بنتي لو بجد يبقي الواحد لازم ياخد كورسات عشان يفهم ويحفظ

هههههههههههههههههههههههههه

_________________
ـــــــــــــــــــــــــــــــــــ
منتديات رامي
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: مصطلحــــــــــات شبــــــابية   الإثنين 29 ديسمبر 2008 - 20:17

والله ماعرف ان اللغة بقت كدة اتارينى كنت عايشة فى الوهم خالص
استر علينا يارب
الرجوع الى أعلى الصفحة اذهب الى الأسفل
سهام
وسام التميز
وسام التميز
avatar

انثى
عدد الرسائل : 10513
العمر : 34
تاريخ التسجيل : 06/05/2010

بطاقتي الشخصية
المدينه:
حكمه أعمل بها:

مُساهمةموضوع: رد: مصطلحــــــــــات شبــــــابية   الأربعاء 23 يونيو 2010 - 3:46

هههههههههههههههههههههههههههههههههههه

حلوه تسلمى

_________________
ابتسم
الرجوع الى أعلى الصفحة اذهب الى الأسفل
 
مصطلحــــــــــات شبــــــابية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رامي و أصدقاء جوستن تي في :: منتديات رامي :: القسم العام :: المنتدي الترفيهي-
انتقل الى: