منتديات رامي و أصدقاء جوستن تي في
عفوآ أنت لم تسجل بعد في المنتدي وستكون بعض الاقسام محجوبه عنك
يمكنك الآن التسجيل لن تستغرق بضعه ثوان وستصبح عضوآ معنا لتتمتع بكل أمكانيات المنتدي وكذلك إضافه المواضيع

منتديات رامي و أصدقاء جوستن تي في

المنتدي الرسمي لمشجعي رانيا نجيب الجزار ستار اكاديمي صور - فيديو - محمد علي المغربي ستار اكاديمي-محمود شكري ستار اكاديمي 7 -صور-اغاني-معلومات-شات-مسابقات-موسيقي-افلام عربيه -أفلام اجنبي-مسرحيات-برامج-المنتدي الرسمي ستار اكاديمي 8
 
الرئيسيةالبوابهس .و .جالتسجيلدخول
::::الآن وحصريآ بالمنتدي ::: بقاعه سينما رامي ::: يمكنكم مشاهدة و تحميل :: فيلم أذاعة حب : بطولة : منه شلبي :: فيلم :: الفيل في المنديل بطولة : طلعت زكريا :: فيلم سامي اكسيد ال كربون بطولة : هاني رمزي ودره :: فيلم المركب بطولة : يسرا اللوزي و رامز امير ::  فيلم الفاجومي  بطولة :صلاح عبد الله والهام شاهين و خالد الصاوي :: فيلم صرخة نمله بطولة : عمرو عبد الجليل و رانيا يوسف مع بداية عرضه بدور السينما

شاطر | 
 

 رقم تليفون الريس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Verginia
مشرف أداري
مشرف أداري
avatar

انثى
عدد الرسائل : 1209
العمر : 34
البلد : Egypt, cairo
تاريخ التسجيل : 08/11/2008

مُساهمةموضوع: رقم تليفون الريس   الأربعاء 17 ديسمبر 2008 - 19:20

رقم تليفون الريس

عندما أعلن الرئيس العربي عن تليفونه حتي أمسك جميع المواطنين بتليفوناتهم
فرحة كبيرة ... إنتابت الجميع
كان أمل الجميع ... شرف مكالمة الرئيس ... وعرض مشكلته عليه !!
حتي الأطفال ... حبوا أن يكلموا ... عموالريس
وطلبوا منه طلبات غريبة جداً ... عيب أقولها ليكم !!!

رقم محمول ... الرئيس !!

أشارت مجموعة من خبراء العلاقات العامة علي أحد الرؤساء العرب
أن يقوم بنشر رقم تليفونه المحمول في جميع وسائل الإعلام
لتحسين صورة الرئيس وزيادة شعبيته والتي أظهرت إستطلاعات الرأي أنها في تراجع مستمر

وافق الرئيس علي أمل أن يحدث التواصل المطلوب بينه وبين أفراد الشعب
ويتعرف بنفسه علي مشاكلهم وسبب عدم رضائهم عنه
رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين
بين صفوف هذا الشعب المدهش المطاوع المسالم المهاود

وبمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم
وتم كتابة الرقم علي لوحات مضيئة عملاقة أعلي العمارات والمباني الحكومي

وقد صيغت الدعاية بعبارات جذابة وشيقة
منها

إتصل برقم الرئيس ... وإنت وأهلك هاتهيص

إتصل بالرئيس ... يكون لك خير ونيس

ولم تنس الدعاية للمرأة في هذه الحملة فكان منها ما يقول

إتصلي بالرئيس ... وبكره يجيبلك العريس

وكان للأطفال أمل الغد أيضاً نصيب فكتبت لهم إعلانات تقول

كلموا عمو الريس ... قبل ما يموت ويفيص

هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية

وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية

آآآلو الريس فين ... الريس هنا ... هنا هو ... أقولوا مين بيكلمه

وذلك لأن هذه الأغنية سهلة وتوحي أن الرئيس قريب ومتواصل مع شعبه

وكان الخلاف حول المكالمة هل تكون مجانية أم لا
وتم حسم الموضوع بأن تكون هناك رسوم
لزيادة الدخل
وتنمية الموارد
ودفع عجلة الإنتاج
وعمل ودعم مشاريع الصرف الصحي والمياة
وعمل نهضة تنموية مستقبليه

وأخيرا

جاءت ساعة الصفر ... وبدأت الخدمة ... وتلقي الرئيس عدة مكالمات

المكالمة الأولي

- آلوووو
ايوااا
انت الريس

- ايوا يا حبيبى ايه مشكلتك ؟؟؟

- أنا ياريس دخلت قسم شرطة أعمل محضر قام الظباط والمخبرين ضربوني علي قفايا
وجابوا ساعة رقمية وقعدوا يشوف من حيضربني أكتر علي قفايا في الدقيقة
وماخلصوش إلا لما ظابط المباحث عمل رقم قياسي وضربني 80 ضربه على قفايا في الدقيقة
لغاية ما قفايا ورم ونظري ضعف
يرضيك كده يا ريس وأنا ولا مجرم ولا حاجة
أنا كنت رايح أشتكي وأعمل محضر في الجيران

- بص يا مواطن
إحنا كلنا في خدمة الوطن
والشعب في خدمة الشرطه
لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك
لازم تضحي شوية علشان الوطن

- شكراً ياريس
ربنا يخليك لينا ويخليك للوطن


_________________
الرجوع الى أعلى الصفحة اذهب الى الأسفل
Verginia
مشرف أداري
مشرف أداري
avatar

انثى
عدد الرسائل : 1209
العمر : 34
البلد : Egypt, cairo
تاريخ التسجيل : 08/11/2008

مُساهمةموضوع: رد: رقم تليفون الريس   الأربعاء 17 ديسمبر 2008 - 19:24



المكالمة الثانية


- آلووو
ايوااا
الريس معايا شخصيا



- ايوااا قول يا مواطن ايه مشكلتك ؟؟؟



- أنا يا ريس وغيري ملايين ساكنين في المقابر وتحت الكباري وفي عشش في ال...


- اسكت اتكلم عن نفسك بس يا مواطن بلاش تعميم
إنت عايز تعمل لي تنظيم علي التليفون ؟!!
فاهم ... ولا أفهمك بطريقتى !!!



- فاهم فاهم يا ريس


- كمل يا مواطن


- نفسي في شقة من إللي بتتوزع علي لاعيبة الكورة
والعقود إللي بتتوزع وبنشوف تصاويرها في التليفزيون


- واضح يا مواطن إنك مش متعلم ومش فاهم حاجه
تسكينك في المقابر إنت وغيرك ده له حكمة عظيمة
إنت عارف إن الدين بيأمرنا بزيارتها للموعظة والإعتبار من وقت للتاني عشان نعرف إنها دنيا فانية
وإنت محظوظ كل يوم وكل ساعة بتتعظ
ده إنت تحمد ربنا إننا مخدناش منك ضريبة اتعاظ


- طب ما تيجي يا ريس تتعظ عندنا شوية


- إخرس يا ...



دببببب
وتم غلق الخط



المكالمة الثالثة


- آلووو
ايوااا
الريس حبيبنا معانا


- ايوا ايوا كدا إيه مشكلتك يا حبيبى ؟؟؟


- أنا يا ريس شاب عندي 29 سنه ومتخرج بقالي 9 سنين ومش لاقي شغل
ولسة بآخد مصروفي من والدى
وقاعد علي القهوة طول اليوم
نفسي أشتغل يا ريس


- إنت غريب قوي يا مواطن
مش تحمد ربنا إننا مريحينك
عايز تروح للشقي برجليك
وبعدين مالها قعدة القهوه
إتعلم منها حاجة تفيدك
ممكن تبقي بطل شطرنج زي كسباروف
وساعتها تعرف إن جلوسك علي القهوة كان مصلحة


- ياريس عايز أكون نفسي


- متكونها يا حبيبي حد حايشك ؟؟!!


- أكونها إزاي من غير شغل ؟؟!!


- إيه يا مواطن أنا ماسك أعصابي
إنت عايز البلد تكون ملايين من الناس
إحنا فاضينلك ولا إيه ؟؟!!
إحنا عندنا عيال بنكونها برضوا
خلي أبوك يكونك يا مواطن


دبببب
وتم غلق الخط



المكالمة الرابعة


- آلووو
صباح الخير يا ريسنا يا جميل


- ألوووووووووو
صباح الجمال
أيوا يا شابة
إيه مشكلتك وأنا أحلها ليكي في فمتوثانية


- أنا يا ريس وصلت لسن 35 ومش لاقية عريس
نفسي أتجوز زي البنات كلها ويبقي عندي بيت وأسمع كلمة ماما


- هاهاهاهاهاها
إنت تحمدي ربنا
جواز إيه وقرف إيه
خلفة وطبيخ وواحد متخلف ينكد عليكي ومسئولية
خليكي كده


- يا ريس
نفسي أحب وأتحب


- يا مواطنة
حب الوطن كفاية عليكي


يعني أتجوز الوطن وأجيب منه عيال !!!


- يوووه
إنتى مش عجبك كلامي طيب



دبببب
وإنتهت المكالمة



واخيرا



حد عايز الرقم يطلب ويجرب
يتصل بيا أو يكتبلي
وأنا اديهوله فوراً


بشرط


يقول حيقول للريس بتاعه إيه لو كلمه في التليفون

_________________
الرجوع الى أعلى الصفحة اذهب الى الأسفل
gaber1
مشرف أداري
مشرف أداري
avatar

ذكر
عدد الرسائل : 2368
العمر : 38
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: رقم تليفون الريس   الأربعاء 17 ديسمبر 2008 - 20:12

انا انا انا يا نهال علشان خاطري الاول

عاوز اكلم الريس ربنا يخليكيوعاوز اقوله

هي ام-----ولا طارت

الله يخليكي نفسي اعرف هي في العشه ولا طارت

ياريسنا يا مشفينا--يا مقلعنا ومعرينا--جانا سوسو جانا --طبلولو معانا

تاتي تاتا تا تي تا تا

وبالمناسبه بهديله الاغنيه دي علشان يعرف بنحبه قد ايه



http://www.youtube.com/watch?v=NPUkcoJyJmE&feature=relate
الرجوع الى أعلى الصفحة اذهب الى الأسفل
Admin
Admin
avatar

ذكر
عدد الرسائل : 8186
تاريخ التسجيل : 04/11/2008

مُساهمةموضوع: رد: رقم تليفون الريس   الخميس 18 ديسمبر 2008 - 7:21

هههههههههههههههههههههههههههههههههههههههههههههههههههههههههههههههههههه

عشه ايه كفاياكو نقاش..ده حنا كده رحنا بلاش ..والمنتدي محينفعناش... وأبقي قابلني ولا تنساش

يوم المحاكمه وهات جلاش ..وكام محامي من ابو بلاش ..يارب يكون فاضل إبراش..و إييييييييييييييييييييييييييييه

_________________
ـــــــــــــــــــــــــــــــــــ
منتديات رامي
الرجوع الى أعلى الصفحة اذهب الى الأسفل
 
رقم تليفون الريس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رامي و أصدقاء جوستن تي في :: منتديات رامي :: القسم العام :: المنتدي الترفيهي-
انتقل الى: