منتديات رامي و أصدقاء جوستن تي في
عفوآ أنت لم تسجل بعد في المنتدي وستكون بعض الاقسام محجوبه عنك
يمكنك الآن التسجيل لن تستغرق بضعه ثوان وستصبح عضوآ معنا لتتمتع بكل أمكانيات المنتدي وكذلك إضافه المواضيع

منتديات رامي و أصدقاء جوستن تي في

المنتدي الرسمي لمشجعي رانيا نجيب الجزار ستار اكاديمي صور - فيديو - محمد علي المغربي ستار اكاديمي-محمود شكري ستار اكاديمي 7 -صور-اغاني-معلومات-شات-مسابقات-موسيقي-افلام عربيه -أفلام اجنبي-مسرحيات-برامج-المنتدي الرسمي ستار اكاديمي 8
 
الرئيسيةالبوابهس .و .جالتسجيلدخول
::::الآن وحصريآ بالمنتدي ::: بقاعه سينما رامي ::: يمكنكم مشاهدة و تحميل :: فيلم أذاعة حب : بطولة : منه شلبي :: فيلم :: الفيل في المنديل بطولة : طلعت زكريا :: فيلم سامي اكسيد ال كربون بطولة : هاني رمزي ودره :: فيلم المركب بطولة : يسرا اللوزي و رامز امير ::  فيلم الفاجومي  بطولة :صلاح عبد الله والهام شاهين و خالد الصاوي :: فيلم صرخة نمله بطولة : عمرو عبد الجليل و رانيا يوسف مع بداية عرضه بدور السينما

شاطر | 
 

 تمنيت أن يكون الحب فى حياتى اختيار .........

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: تمنيت أن يكون الحب فى حياتى اختيار .........   الخميس 30 سبتمبر 2010 - 22:01

نسيت أننى طفلتك وحبيبتك المفعوصة!


من قال إننى أكره زوجى.. أنا فقط لا أحبه!!!!

هكذا تزوجت، قالت لى أمى: عندنا الليلة ضيوف لا تتأخرى، ولأننى دائماً لا أتأخر تأكدت أن فى الأمر شيئا، تعمدت أن أتأخر، ساعة على الأقل، قالت لى أختى الصغيرة فى رسالة قصيرة على تليفونى: فى بيتنا عريس.. مبروك!

وعدت إلى البيت أنفخ فى الهواء وأفرد أمامى بوز شبرين، ليست هذه هى الطريقة التى كنت أتصور أن أتزوج بها، تلقيت رسالة أخرى على تليفونى من أختى وكنت أحبس نفسى فى غرفتى: عاجل من نونا لحبيبتها سارة: العريس اسمه أشرف، فيللا فى القطاميا وفيللا فى مارينا على البحر ومصنع والجاجوار واقفة تحت البيت.. أكيد خطفتك وإنت طالعة.. مبروك عقبالى.

هى تفكر بطريقتها، أنا لا، أنا على رغم حبى للأرقام والنظريات.. رومانسية أبكى لأهون سبب، هجم فى هذه اللحظة سؤال عبيط: لماذا لم أحب؟ لماذا أجلت الحب ولو كان لأصبحت الآن أنتظر فى غرفتى ملهوفة قرار أبى وزغرودة أمى وقرصة أختى نونا المجنونة؟

قالت لى أمى وهى تقتحم غرفتى فى تلك اللحظة تماماً التى كدت أستسلم للبكاء: معقولة.. قاعدة هنا والناس مستنية بره.. قومى اغسلى وشك وغيرى فستانك وحطى شوية أى حاجة على عنيك، معقولة.. أى معقولة.. من المفترض أن يقولها.. وناس.. أى ناس هؤلاء المنتظرون فى الصالون كأنهم فى مطار مزدحم ينصتون للنداء الأخير قبل إقلاع الطائرة المتجهة إلى الصين لشراء صندوق تحف مقلدة!

وجاء أبى، طيب ويبلغ الستين عند منعطف الشهر التالى، وقال لى من باب غرفتى: دلوقتى أقدر أطمن عليك.. عريس جدع وشارى وابن حلال وعيلة محترمة. مبروك يا بنتى. على بركة الله. ودخلت الصالون بلا صينية قهوة أو طبق الشيكولاتة الكريستال، من النظرة الأولى التى لم تكن أبداً خجولة منى، قُلت: على بركة الله.

وتزوجنا، أنا يا صديقى مقتنعة بالنصيب إذا صادف إنسانا فى الطريق، تزوجت لأن أبى قال لى فى نفس الليلة أنه سيموت بعد شهور قليلة.. فلماذا لايفرح بى فى شهوره الأخيرة، وقال: عايز أفرح.. وقلت: لكن، قال: بتحبى؟، قلت: أبداً.. لو حصل أقولك، قال: هل أمامك فرصة للحب فى الجامعة؟، قلت: آخر سؤال كنت أتوقع أن تسأله.. أنا مكسوفة منك، قال: كنت أتمنى أن أكون أصغر عشرين سنة لنكون أصدقاء، قلت: أنت صديقى يا رجل يا عجوز، قال: أنا حبيبك يا مفعوصة.

وتزوجت أشرف، وخالف أبى توقعات الأطباء وعاش حتى احتفلنا هذا الأسبوع بعامه السبعين، وغنيت له، وقبلنى، وغنى لى، وسألنى وهو جالس فى مقعده المتحرك بعيداً عن أطفالى الثلاثة وزوجى أشرف: حزينة؟

وضحكت بنصف وجه فعرف أن الحزن عند المنتهى فقال: أنا السبب!
فقلت: الظروف، فقال: هل أشرف لا يحبك، قلت: بالعكس.. يحبنى إلى درجة العشق، قال: الحمد لله، قلت:

لكنى كنت أتمنى أن يكون الحب فى حياتى اختياراً وليس قراراً ...



منقول ...........................
الرجوع الى أعلى الصفحة اذهب الى الأسفل
رانوش
أنشط الأعضاء مرشح أشراف
أنشط الأعضاء مرشح أشراف
avatar

انثى
عدد الرسائل : 14769
العمر : 27
البلد : مصر
العمل/الترفيه : طالبة جامعية
تاريخ التسجيل : 03/04/2010

بطاقتي الشخصية
المدينه: المنصورة
حكمه أعمل بها: اعمل لدنياك كانك تعيش ابدا واعمل لاخرتك كانك تموت غدا

مُساهمةموضوع: رد: تمنيت أن يكون الحب فى حياتى اختيار .........   الخميس 30 سبتمبر 2010 - 23:31

أتمنى أن يكون الحب فى حياتى اختياراً وليس قراراً ...

وما زلت اتمنى ذلك وربنا يستر ومبقاش زيها لانى شكلى هبقى كدا فعلا


مشكور استاذى ع التوبيك الرائع بل رائع هى كلمة قليلة لا تعطيك قدرك مشكور استاذى
الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تمنيت أن يكون الحب فى حياتى اختيار .........   الجمعة 1 أكتوبر 2010 - 0:25


على ما أظن رانوش أن البنات هذه الأيام يتمتعن بقدر من الحرية لم يكن متوفراً لمثيلاتهن فى الماضى .. هذا

تخيلى!!! .. والحرية التى أقصدها هى الحوار الديموقراطى بين الأب وابنته .. خاصة فبمن ستعيش باقى عمرها

بجواره كزوجة .. ولكن هناك بعض القرارات التى لابد فيها ـ بصفتى أب ـ أن أكون ديكتاتوريا ً.. فى حالة واحدة

فقط .. إن رأيت بعقلى .. وخبرتى .. وحنكتى فى الحياه .. ما يتعارض مع مافى قلب ابنتى ... ولم يمر على عقلها

آسف للإطالة ...

أشكرك رانوش شكراً عظيما لحوارك الثرى ....

سعدت جداً بمرورك ...
الرجوع الى أعلى الصفحة اذهب الى الأسفل
رانوش
أنشط الأعضاء مرشح أشراف
أنشط الأعضاء مرشح أشراف
avatar

انثى
عدد الرسائل : 14769
العمر : 27
البلد : مصر
العمل/الترفيه : طالبة جامعية
تاريخ التسجيل : 03/04/2010

بطاقتي الشخصية
المدينه: المنصورة
حكمه أعمل بها: اعمل لدنياك كانك تعيش ابدا واعمل لاخرتك كانك تموت غدا

مُساهمةموضوع: رد: تمنيت أن يكون الحب فى حياتى اختيار .........   الجمعة 1 أكتوبر 2010 - 1:34

اشكرك استاذى ع ردك ورايك الصحيح مئة بالمئة لكن ليست هذه
مشكلتى فانا والحمد لله والحمد لله والحمد لله ابى اكثر انسان
متفاهم خاصة فى هذه الامور فلو مرة قلت له لا على شخص
لا ينتظر حتى يسالنى لماذا فبمجرد رفضى يكون رفضه ايضا
لانه يعلم حق العلم اننى قمت بهذا الرفض لسبب ما فى
عقلى انا ولانه يعلم ايضا انه لو كان هناك شخص يشغل
تفكيرى او قلبى كان سيكون اول من يعرف فالحمد لله
ثقته فى بلا حدود ولكن ما يقلقنى سيدى هو المناخ
الذى اعيش فيه فكما تعرف اننى من المنصورة والذى
يعرف المنصورة حق المعرفة يعلم انه رغم القول
عليها انها مدينة الا ان اهلها فى قراها وفى كل
مكان مازالوا يتمسكون بالعادات القديمة وهى
ان الفتاة التى تتخطى عشرون عاما فهى
قد فاتها القطار وبلغتنا اصبحت عانس
فحقا اخشى انه فى يوم من الايام
سوف اضطر لارضى باحدهم خشية
من نظرات الناس وتعليقاتهم
فهذا كل خوفى 00000

اشكرك استاذى ع صدرك الرحب واذنك الصاغية
التى تستمع للجميع من جميع الاعمار
وفى شتى المواضيع وعلى عقلك
القادر على النزول بمستوى
تفكيره الى اعمارنا
شكرا استاذى
الرجوع الى أعلى الصفحة اذهب الى الأسفل
سمورة
أنشط الأعضاء مرشح أشراف
أنشط الأعضاء مرشح أشراف
avatar

انثى
عدد الرسائل : 11319
العمر : 29
البلد : بورسعيد
العمل/الترفيه : اغليس على خلق الله فى الرايحه والجايه
تاريخ التسجيل : 19/05/2010

بطاقتي الشخصية
المدينه:
حكمه أعمل بها: البحر والشمس وقت الغروب

مُساهمةموضوع: رد: تمنيت أن يكون الحب فى حياتى اختيار .........   الجمعة 1 أكتوبر 2010 - 2:23

بصراحه نفسى ميباش ده مصيرى انا كمان

اصل اجه كتير وانا برفض

خايفه المره الجايه هم يقبلوا ويحطونى ادام الامر الواقع


تسلم يا عبووووووودى

ده قصص حقيقيه فعلا بتحصل كتير
الرجوع الى أعلى الصفحة اذهب الى الأسفل
senedrela
مشرف قسم
مشرف قسم
avatar

انثى
عدد الرسائل : 3569
العمر : 32
البلد : ام الدنيا
العمل/الترفيه : النت والسفر
تاريخ التسجيل : 28/03/2010

بطاقتي الشخصية
المدينه:
حكمه أعمل بها: صور ابى

مُساهمةموضوع: رد: تمنيت أن يكون الحب فى حياتى اختيار .........   الجمعة 1 أكتوبر 2010 - 2:35

تسلم عمو منعم كلامك كلة جواهر بتمنى يكون اختيارنا

_________________





الرجوع الى أعلى الصفحة اذهب الى الأسفل
منه يوسف
وسام التميز
وسام التميز
avatar

انثى
عدد الرسائل : 6124
العمر : 30
البلد : الاسكندرية
العمل/الترفيه : عضوة بمنتدى رامى
تاريخ التسجيل : 23/04/2010

بطاقتي الشخصية
المدينه: الاسكندريه
حكمه أعمل بها: اعمل حساب للغد

مُساهمةموضوع: رد: تمنيت أن يكون الحب فى حياتى اختيار .........   الجمعة 1 أكتوبر 2010 - 17:12

وفعلا البنات بتتزوج حاليا بالشكل دا اللى معروف بزواج الصالونات

هربا من اللقب العنوسة اما حكاية حب بقت منعدم تماما فى هذا المجتمع

وتسلم عبودى على التوبك
الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 13:55


أشكرك رانوش شكراً جزيلاً على


واسمحى لى أن اقول .. أنا معك تماماً فيما قلتيه .. و أعتقد أن هذه المفاهيم التى كانت سائدة قبل 10 سنوات
تقريبا فد تغيرت إلى حد ما .. إلا فى بعض المجتمعات الريفية .. لأن الزواج هناك ومتطلباته غير مكلف كما فى المدن .. إذ بمجرد أن تنتهى الفتاة من تعليمها.. وغالباً ستكون فى الثالثة والعشرين ( هذا إن لم تكتفى بالتعليم المتوسط ) تكون الخطوة المنتظرة هى انتظار ابن الحلال وغالباً مايكون من أهل البلدة .. وهناك الكل يعرف الكل .. وابن الحلال هذا ليس مطلوب منه شقة تمليك فى المكان الفلانى وبالشئ الفلانى .. ولا شقة قانون جديد يتهدد وجوده بها كل سنتين أو ثلاثة وايجارها فوق الـ 500 جنيه قابلة للزيادة كل تجديد .. أو حتى شقة قانون قديم إيجارها 300 أو 400 جنيه بعد دفع 30 أو 40 ألف جنيه خلو طاير نصفه .. لأ .. كل المطلوب حجرة فى الدار تتجهز كويس إذا كانت ظروفه على القد .. أو إذا كانت الأمور متيسرة يبنى شقة فوق دار العيلة ومش هايبقى مطلوب منه إيجار ولا ولا ولا ولا ..
أما فى المجتمعات الحضرية كالمنصورة والقاهرة والزقازيق والمدن الكبرى بصفة عامة الحال بيختلف .. كل الناس بقت فاهمة الظروف الإقتصادية الصعبة بالنسبة للشباب وإن مسألة السن أصبحت يعنى مفيهاش التزمت إياه ..

وعلى فكرة .. وكلام بينى وبينك عشان محدش يسمعه .. أول بنتى ماأصبح عندها 25 سنة .. القيامة قامت فى بيتنا .. ومامتها شافت إن البنت كبرت .. واشمعنى .. واشمعنى .. وهى تقصد بنت خالتها وبنت عمتها وبنات عمهااللى مكملوش 25 وكانوا فى بيوتهم .. آل يعنى هى فى الشارع .. وانا أؤمن بالقسمة والنصيب .. وإن المسألة دى رزق من الله .. ورزقها متشال عند ربنا .. لكن أقول لمين .. لحد ماصاحب النصيب جه .. مامتها هدأت

آسف مرة ثانية للإطالة .. وفيه روشتة لإختيار الزوج المناسب ( من وجهة نظرى المتواضعة ) هاذكرها فى الرد على سمورة ..

شكرى العظيم لكِ رانوش .. سعدت بتعقيبك على الموضوع ..




الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 14:22


أأشكرك سمورة لمرورك الغالى ..

على فكرة سمورة .. يجب ألا يكون الرفض لمجرد الرفض .. أو العِند .. لازم يكون له مبررات .. أهمها أن يكون هناك من يشغل التفكير .. يعنى بتفكرى فيه.. لكن إيه المانع إن البنت .. أى بنت تقعد مع نفسها .. وتعمل ليستة فيها كل الشروط اللى بتتمنى انها تكون متوفرة فى الفارس المنتظر .. أو بالإشتراك مع مامتها ( إذا كانت مامتها صاحبتها ) .. ولتكن هذه الشروط 10 شروط مثلاً .. ولما يتقدم شاب بيتحقق فيه على الأقل 7 أو 8 من عشرة .. يبقى معقول جدا .. وتبتدى تشوف رأى اللى حواليها ( الأم مثلاً أو الخالةأو العمة القريبة منها فى السن ) قبل ماتعطى OK للأب اللى بينظر للموضوع من زاوية أخرى .. زاوية الخبرة والتجربة ودراسة من أمامه .. وفى الحالة دى لو بافتراض ان اتقدم حد نظام الصالونات اياه .. انتى عندك شروطك المسبقة اللى لابد يكون من بينها الحب .. وليس أولها .. وإلا يبقى مالهاش لازمة الليستة ..

ومفيش فى الدنيا انسان كامل الأوصاف .. يعنى 7 أو 8 من عشرة ممتاز .. أقل من كدة يبقى محل دراسة لأن ممكن يظهر في شخصيته مقومات نجاح لم تكن موضوعة فى الليستة أصلاً ..

من المحتمل جداً أن تكون فكرتى دى فكرة عقيمة .. لكنها مجرد اجتهاد .. وفى النهاية هى مسألة رزق ..

شكرا سمورة على تواجدك ..


الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 14:28


أشكرك سندريللا على ذوقك ومجاملتك الكريمة ..

سعدت بتواجدك الغالى .. وشرفت بردك الجميل ..

ويارب يكون قرارك اختيار بإذن الله ..
الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 14:41


أشكرك منة لمرورك الغالى ..
متهيألى النظرة دلوقتى اتغيرت تماماً لمسألة السن .. بس هى الظروف الإقتصادية اللى قللت من الفرص لإرتفاع التكاليف وعدم مقدرة الشبان عليها ..

مشكورة منة لتواجدك الذى شرفت به ..
الرجوع الى أعلى الصفحة اذهب الى الأسفل
عاشقه الورد
مشرف قسم
مشرف قسم
avatar

انثى
عدد الرسائل : 1701
العمر : 29
البلد : ام الدنيا
تاريخ التسجيل : 10/04/2010

بطاقتي الشخصية
المدينه:
حكمه أعمل بها:

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 16:15


اولا : انا عايزه اقولك قد ايه مواضيعك واسلوبك ووجهه نظرك وآرائك فى كثير من الامو

ر والمواضيع بتنال اعجابى الشديد جدآآآآآآآ واللى تدل على عقليه ناضجه جدا وطريقه

تفكير متفتحه وديمقراطيه وخصبه

ثانيا : بالنسبه لموضوع الجواز انا ليا رأى ميختلفش

كتير عنكم بس لالاسف ياعمو دلوقتى فى ظل

الظروف اللى بنعيشها وتغيرات الاشخاص وليس الزمن

لان من وجهه نظرى الزمن هو هو متغيرش

الناس هيا اللى اتغيرت فى طريقه تفكيرها وفى مشاعرها

وفى تقاليدها وفى كتير وكتير فى ظل

كل الظروف دى مفيش مجال لالاختيار مش بس فى مسأله

الحب والجواز لا فى اشياء اخرى كثيره

ابسطها واهمها فى نفس الوقت الكليه اللى الواحد بيدخلها

بتبقى قرار مش اختيار قرار مكتب

التنسيق وحده هو صاحب الحق فيه ,,,,والحاجه التانيه الشغل

اللى غالبا ما يكون قرار واجبار مش

اختيار بسبب الظروف القاتمه اللى بنعيشها وانتشار البطاله

فبضطر انك تقبل باى شغل حتى ولو

مش لاقى نفسك فيه وغيرها وغيرها كتير

واخرها موضوعنا الجواز والارتباط كثيرآآآ جدآآآآآآآآ ما يكون قرار

وليس اختيار لا سباب كثيره ايضا تفضلت

حضرتك بذكرها وباقى الاعضاء الكرام ومن اهمها التقدم فى السن

وبالتالى قله الفرص . كلام الناس

ونظرتهم للبنت اللى تخطت سن 21 واكثر ظروف الشباب اللى

اصبحت صعبه جدآ ولكن هنحاول

نجرب الروشته بتاعتك يمكن تفلح مع انى فيها بند بيقول الحب

وعندى سؤال اين الحب مع شخص

لم اعرفه من قبل وتقدم بطريق الصالونات ؟

اذن فى النهايه بردو هيبقى قرار مش اختيار بس المهم

ان القرار ده يكون عن اقتناع عله يتحول لحب وعله يكون اصوب قرار اخدناه

ثالثا بقى: حضرتك وحشتنا جدآ ياريت تيجى الشات علشان نسلم عليك

ورابعآ : تسلم ايديك على المواضيع المميزه فعلا

اللى من خلالها بتفتح ساحه للحوار مفيده

ومهمه جدا واحنا بجد فى امس الحاجه ليها

وان آسفه جدآآآآآآآى على الاطاله بس بجد مينفعش امر على مواضيعك مرور الكرام واكتفى بكلمه شكر

_________________
وحشتينا جدآ
أدراه المنتدي
الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 17:33


أولاً .. شكرى العميق لكِ ندوش لإطرائك الجميل الذى أعطانى أكثر من قدرى ..

ثانياً .. أنا معك تماماً فى أن هناك بعض الأمور ليس للإنسان أدنى اختيار فيها .. وللأقدار اليد العليا فى حدوثها .. وربما تغير مسار حياة الإنسان وتؤثر عليه إما بالسلب أو بالإيجاب .. ولكن ونحن بصدد الحديث عن الزواج .. لابد من أن يكون لى الحق والأولوية فى صنع هذا القرار .. إن اعتبرناه قرار.. لأن الزواج مسألة مصيرية بحتة تتحمل تبعاتها الفتاة بنسبة كبيرة ..

ثالثاً .. فعلاً لابد من نزول الشات .. فأنا فعلا متشوق للجميع .. ولكن كانت هناك ظروف قاهرة قاربت على الزوال ..

رابعاً .. أشكرك على تعقيبك على موضوعات أحاول عند انتقائها أن تكون مفيدة وتهم الجميع وتخلق نوعاً من الحوار .. وهذا هو الأهم ..

أشكرك ندوش شكرأ جزيلاً ..
الرجوع الى أعلى الصفحة اذهب الى الأسفل
عاشقه الورد
مشرف قسم
مشرف قسم
avatar

انثى
عدد الرسائل : 1701
العمر : 29
البلد : ام الدنيا
تاريخ التسجيل : 10/04/2010

بطاقتي الشخصية
المدينه:
حكمه أعمل بها:

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 18:12


انا اللى اشكرك عمو انت تستحق اكتر من كده ويارب الظروف تكون خير او حتى

تنتهى بخير ان لم تكن كذلك ونشوفك على خير وتنورنا فى اى وقت فى انتظارك

_________________
وحشتينا جدآ
أدراه المنتدي
الرجوع الى أعلى الصفحة اذهب الى الأسفل
Admin
Admin
avatar

ذكر
عدد الرسائل : 8186
تاريخ التسجيل : 04/11/2008

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 18:16

كلام جميل وقصه جميله نقلتنا بكلماتها داخل الحدث

اختلف معك فقط اخي عبد المنعم في موضوع الأرياف فيبدو أنك بعيد عنهم بعض الشئ

في الأرياف الآن ذات مافي المدن

يطالب الأهل بشبكه لا تقل عن كذا لأن بنت عمتها جالها شبكه بكذا وهي ليست ا قل منها

يطالبون بالغساله الفول اوتوماتيك حتي لو البيت موصلهوش كهربا

لم تعد العروسه الريفيه تقبل بغرفه في بيت العائله كما كان قديمآ

لم تعد تقبل بالمعيشه مع عائله الزوج أو امه أو ابوه

تغيرت كل العادات وتبدلت فهم الآن يمتلكون التلفزيون والدش ويشاهدون مسلسلات

مصريه وافلام عربيه و أنتقل إليهم ماهو في بنات المدن واهلها من حب المظاهر

والأصعب أنه يجب علي عريس الريف أن يكون أيضآ من حائزي الأراضي الزراعيه والفدادين

وهذا العريس ستقبليه فهو يمتلك خمسه فدادين و هو أفضل من أبن حسين الذي لا يمتلك

سوي عشر قراريط

زمن صعب في كل شئ

تسلم اخي منعم الموضوع الرائع

_________________
ـــــــــــــــــــــــــــــــــــ
منتديات رامي
الرجوع الى أعلى الصفحة اذهب الى الأسفل
sara2013
مراقب بالمنتدي
مراقب بالمنتدي
avatar

انثى
عدد الرسائل : 2627
العمر : 30
تاريخ التسجيل : 09/05/2010

بطاقتي الشخصية
المدينه:
حكمه أعمل بها:

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 19:21

تسلم ايداك يا عمو بجد مواضيعك مهمه جدا و مميزة

يارب يكون اختيار و ليس قرلر

و يقوم الاهالى بموافقه لابنائهم لكى يكونوا سعداء فى حياتهم

و لا يطلبوا طلبات كثيرة من الشباب

و البات ايضا لا يطلبوا اشياء كثيرة

تسلم ايداك يا عمووووووووووووووووو
الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 20:03


أشكرك أخى الحبيب رامى لتواجدك الذى يشرفنى كثيراً ..

أوافقك الرأى تماماً فى مسألة التغيرات التى حدثت وتحدث فى بعض القرى .. ولكنى تحدثت عن الغرفة فى بيت

العيلة لمن كانت ظروفه ـ أو ظروفها ـ غير ميسورة .. وأصبح تقييم العريس الآن ـ كما تفضلت وذكرت ـ بما عنده من

( طين ) .. والمقارنة بمن سبقتها من بنات العيلة .. وأنا لى قريبة من قرايبنا فى الأرياف أبوها طلب من العريس

300جرام ذهب شبكة ( وينكتب فى القايمة ) لأنها مش أقل من بنت عمها ( بنت أخوه ) اللى يادوب معاها

بكالوريوس تجارة ..إنما دى بكاوريوس تربية انجليزى .. وهانكمل!!!!!! أقسم لك ده حصل ... لكن مش كلهم كدة طبعاً

شكرى العظيم لك أخى الغالى رامو .. لتعقيبك الغالى الذى يعطى الموضوع ثراءاً حقيقياً ..




عدل سابقا من قبل عبد المنعم حسن في السبت 2 أكتوبر 2010 - 20:19 عدل 1 مرات
الرجوع الى أعلى الصفحة اذهب الى الأسفل
سمورة
أنشط الأعضاء مرشح أشراف
أنشط الأعضاء مرشح أشراف
avatar

انثى
عدد الرسائل : 11319
العمر : 29
البلد : بورسعيد
العمل/الترفيه : اغليس على خلق الله فى الرايحه والجايه
تاريخ التسجيل : 19/05/2010

بطاقتي الشخصية
المدينه:
حكمه أعمل بها: البحر والشمس وقت الغروب

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 20:09

تسلم عبوووودى

وجهه نظرك صحيحه جدا جدا


لازم اعمل بيها المره الجايه


تسلم ايدك تانى مره
الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 20:29


الله يسلمك من كل سوء سمسمة .. أشكرك

أشكرك شكراً يليق باحترامى لكً ولشخصك الكريم ..

يسعدنى دائماً تواجدك .. وأشرف بردك الغالى ..

صدقينى .. أى موضوع يكتسب أهميته وتميزه من مروركم وتعقيبكم عليه .. وليس لى فضل فى ذلك.. والفضل لله ..


أشكرك سمسمة ..
الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تمنيت أن يكون الحب فى حياتى اختيار .........   السبت 2 أكتوبر 2010 - 20:39



أشكرك سمورة على هذه الثقة الغالية التى أرجو أن تكون فى محلها ..

وأدعو الله العلى القدير أن تكون المرة الجاية دى بعد شهر أو شهرين .. ونفرح بيكى كلنا وانتى بالفستان الأبيض ..

ويارب نفرح بكل بنات المنتدى واحدة ورا التانية ( دلوقتى رامى هاينشن علىّ بالفرفر ) عشان بعد جوازكم المنتدى

هايبقى كله رجالة بس .. ماهو المثل بيقول : " من لقى أحبابه نسى أصحابه " صح ولاّ لأ ...؟؟؟
الرجوع الى أعلى الصفحة اذهب الى الأسفل
هوبا
مؤهل للمراقبه بالمنتدي
مؤهل للمراقبه بالمنتدي
avatar

انثى
عدد الرسائل : 852
العمر : 29
تاريخ التسجيل : 29/03/2010

مُساهمةموضوع: رد: تمنيت أن يكون الحب فى حياتى اختيار .........   الأحد 3 أكتوبر 2010 - 17:04

اشكرك استازى على الموضوع ومن الوضح ان المشكله دى عند كل البنت اكنك

عارف انا بفكر فى ايه انا كل يوم الموضوع ده مبيتشالش من دماغى

على طول بفكر وخيفه من بكر اووووووووووووووووووووووووووووووووووووووى

وعندى احساس بلا متئكده ان ده هيكون مسيرى وانا هكون كده فعلا

وعمرى ما هكون غير كده انا وبرغم من ان عيشا فى القاهره ولكنى

بعنى من نفس مشكلات رانوش فاتك القطر برغم من ان عمرى 22

بس هو ده مجتمعنا بلا انا مشكلتى اكبر عشان انا مش بشتغال ومخلص تعليم

وجلس فى البيت عشان كده انا عارف ان هتكون هى دى حياتى مش انا اللى اختار ولكنى ادعى الله ان اتزوج على حب من الطرفين


شكرن استازى والله موضع مهم ومبيتشالش من دمغى

الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تمنيت أن يكون الحب فى حياتى اختيار .........   الأحد 3 أكتوبر 2010 - 18:14


أشكرك هوبا لمرورك الغالى ..

متهيألى إن القلق ده موجود عند الأمهات بالذات .. يعنى الأب بيكون أهدأ كتيييييير .. وفيه سؤال بيطرح نفسه ..

الأم نفسها اتجوزت فى أى سن ..؟؟؟ يبقى ليه القلق ..؟؟؟

أدعو الله أن يوفقك لمن يرتاح له قلبك هوبا .. وتقر به عينك .. ويعينك على التمسك بدينك .. وتعينيه على أن

يكون تقياً نقياً .. وأن تجمع بينكما المودة والرحمة ..

أشكرك هوبا كل الشكر لتواجدك الكريم . ..
الرجوع الى أعلى الصفحة اذهب الى الأسفل
RERE2010
مراقب بالمنتدي
مراقب بالمنتدي
avatar

انثى
عدد الرسائل : 1129
العمر : 26
البلد : مصر
العمل/الترفيه : درااسه
تاريخ التسجيل : 20/03/2010

بطاقتي الشخصية
المدينه: الغردقه
حكمه أعمل بها: البحر

مُساهمةموضوع: رد: تمنيت أن يكون الحب فى حياتى اختيار .........   الخميس 7 أكتوبر 2010 - 12:15

فعلا معظم المتزوجون كدا مشكوره يا عبد المنعم
الرجوع الى أعلى الصفحة اذهب الى الأسفل
عبد المنعم حسن
مشرف قسم
مشرف قسم
avatar

ذكر
عدد الرسائل : 3634
العمر : 69
البلد : القاهرة ـ مصر
العمل/الترفيه : متأمل لملكوت الرحمن
تاريخ التسجيل : 11/07/2010

بطاقتي الشخصية
المدينه: قاهرة المعز ـ أم الدنيا
حكمه أعمل بها: كن جميلاً .. ترى الوجود جميلا .....

مُساهمةموضوع: رد: تمنيت أن يكون الحب فى حياتى اختيار .........   الأحد 10 أكتوبر 2010 - 14:41


أشكرك ريرى لمرورك الغالى ..


مشكور ياريرى ...
الرجوع الى أعلى الصفحة اذهب الى الأسفل
 
تمنيت أن يكون الحب فى حياتى اختيار .........
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رامي و أصدقاء جوستن تي في :: منتديات رامي :: القسم العام :: مواضيع عامه-
انتقل الى: