منتديات رامي و أصدقاء جوستن تي في
عفوآ أنت لم تسجل بعد في المنتدي وستكون بعض الاقسام محجوبه عنك
يمكنك الآن التسجيل لن تستغرق بضعه ثوان وستصبح عضوآ معنا لتتمتع بكل أمكانيات المنتدي وكذلك إضافه المواضيع

منتديات رامي و أصدقاء جوستن تي في

المنتدي الرسمي لمشجعي رانيا نجيب الجزار ستار اكاديمي صور - فيديو - محمد علي المغربي ستار اكاديمي-محمود شكري ستار اكاديمي 7 -صور-اغاني-معلومات-شات-مسابقات-موسيقي-افلام عربيه -أفلام اجنبي-مسرحيات-برامج-المنتدي الرسمي ستار اكاديمي 8
 
الرئيسيةالبوابهس .و .جالتسجيلدخول
::::الآن وحصريآ بالمنتدي ::: بقاعه سينما رامي ::: يمكنكم مشاهدة و تحميل :: فيلم أذاعة حب : بطولة : منه شلبي :: فيلم :: الفيل في المنديل بطولة : طلعت زكريا :: فيلم سامي اكسيد ال كربون بطولة : هاني رمزي ودره :: فيلم المركب بطولة : يسرا اللوزي و رامز امير ::  فيلم الفاجومي  بطولة :صلاح عبد الله والهام شاهين و خالد الصاوي :: فيلم صرخة نمله بطولة : عمرو عبد الجليل و رانيا يوسف مع بداية عرضه بدور السينما

شاطر | 
 

 كلام من القلب مع شعر من العقل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: كلام من القلب مع شعر من العقل   الأربعاء 16 فبراير 2011 - 22:12

الشعر ده كتبتو من وحى كل الكلام اللى كنت بسمعه فى الفضائيات الكتيرررررررررر

مش طالع من قلبى انا لو كنت عاوزة مبارك يمشى فكان يخرج بس بكرامه مش باهانه
هاتقولو كان وحش وكان وكان هاقول ماليش فيه انا فتحت عيونى ع الدنيا وهو رئيسنا
فى حاجه كمان هل الفلوس بتاعت الدوله اللى هترجعوها دى هتدفعولى منها مليم؟
انا بابا واخواتى مش موظفين فى الحكومه وكمان خطيبى مش موظف حكومى
كلهم بيشتغلو فى الموبليا يعنى يعتبرلاو من اصحاب دخل اليوم الواحد
يعنى المرتب مش هيزيد ولا الحكومه هتجدد المحل
بس الكلام لقيتو طالع منى فجأة عشان الاحداث كانت كتيير اوى


ماعلينا














من شـــــــــباب كتييـــــر متحمـــــس وطالع
شـــــفت الـــــــــميدان فى الزحــــــــــمه والع
قــــــــــــــالو شوفـــــــــو العــــــيال العبيطه
طالعـــــه من النـــــت وعـــــامله زيـــــــــطه
بيقــــــــولو ياناس الحـــــــــــــكايه مش بسيطه
هيشــــــــــــــيلو ريـــــــــــــس ويجـــــيبو جيش
قسمو شعب ناس تقول يمشى وناس ...مايمشيش
قالو علــــــــــــــنا ياشــــــــعـــــــب الانــــــــدال
بتطـــعــــنوا ضهـــر ابـــوكم ب100 ريـــــــال
خلونــــــــا نسأل نفسنا مـــــــــيت ســـــــــــــــــؤال
اتملـــــعنو العيـــــال وطلــــــعو فى كل قناه فضائيه
وقالو والـــــــــله مادوقنا كنتاكى ولا جالنا قرش هديه
ده كــــــلام مــــــسموم عـــــــــــشان نبيع القــــــضيه
وقالــــــــــــــــــــــــــو ياشعب كان عايش فى الـــــــنوم
هانجيبــــــــلك حقـــــــك ونشيل من على كتفك الهموم
هااااااااااااا ارتحـــــــــتو وشيــــــــــلتو الريـــــــــس ؟
مــــــع ان فـــــــــى كتيـــــــــــر قالــو عـــليه ده كويس
هانــــــــــــشوف ايـــــــــه تـــــــانى معـــــــــاكو جـــــــاى
خلصو تنضيف ودهان واياك اشوف بعد كده رايح فيه ولا جاى

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
موجه
مؤهل للمراقبه بالمنتدي
مؤهل للمراقبه بالمنتدي
avatar

انثى
عدد الرسائل : 987
العمر : 29
البلد : أرض الله واسعة
العمل/الترفيه : حاطه ايدى على خدى ومستنيه الفرج
تاريخ التسجيل : 10/06/2010

بطاقتي الشخصية
المدينه: احلى مدينة
حكمه أعمل بها:

مُساهمةموضوع: رد: كلام من القلب مع شعر من العقل   الخميس 17 فبراير 2011 - 2:54

ده احساسك يانونه وانتى حرة فيه

انتى شايفه ان البلد كانت كويسه فى عهد الرئيس حسنى مبارك ده رايك

على فكرة انا كمان مكنتش حابه انه يسيب الحكم بالشكل ده

بس ده مش معناه انى معاه ولا انى بسانده ولانى كان عاجبنى ساسيته

لكن مكنتش فارقه كام شهر بس طالما مشى خلاص نفكر بقى بالبلد كلها

وحالها هيكون ومش معاكى فى ان عشان اهللك مش موظفين حكوميين يبقوا مش هيستافدوا

كلنا هنستفيد لو الثورة مشت فى مسارها الصح هتلاقى حال البلد اتعدل

وبالنسبه لاهلك انا صحيح مش بفهم فى شغل الموبيليا بس لحد علمى ان موبيليا دمياط احلى

موبيليا وبتتصدر للخارج يعنى لما يكون حال البلد واقتصادها كويس شغل اهلك هيزيد وهيصدروا اكتر

خصوصا كمان لو النظام بيساعد على كده ومش بيعرقل ده بالجمارك والضرايب وخلافه

فى نقطه تانى نسيت اتكلم فيها لو صحيح الرئيس مبارك كان خايف على البلد وبيحبها زى ما بيقول

كان مشى من اول يوم وكان وفر علينا الخراب اللى لحق بالبلد ده

وعلى فكرة اهلك اول ناس اتضروا بعناده ده لانك زى ما بتقولى شغلهم يوم بيوم

يعنى وقف الحال عندكم بسبب عناد الرئيس مع الشعب وخسرنا كلنا اكيد

اما بالنسبه للشباب اللى طلع بالثورة دول اللى رجعوا هيبتنا امام العالم كله

مصر بقت حديث العالم اجمع وكل الدنيا غيرت فكرتها عن مصر وعن المصريين وده مش كلامى

وانتى عارفه ان معانا ناس هنا بالشات والمنتدى عايشين باأوروبا وبيحكوا لنا حالهم قبل وبعد الثورة

والاحترام اللى بيشوفوه حاليا من المجتمع الغربى بعد ما كانوا بيتبصلهم على انهم ارهابيين

يعنى مينفعش نقول عليهم عيال عبيطه ولا عاملين زيطه دول رفعوا راسنا قدام العالم

وان كان على الحاجات السلبيه اللى حصلت بالثورة فده فدا مصر وثمن للحريه

اما بالنسبه للى جاى فان شاء الله يكون افضل لاننا اللى هنختاره وهنحدده

ويكون خير على كل المصريين وان شاء الله لما تتجوزى وتخلفى يكبروا ولادك ويلاقوا مدارس كويسه

يتعلموا فيها ووظائف محترمه يشتغلوا بيها وبكده مش لوحدك هتستفادى الكل هيستفيد

ده رأيي يانونه ومش هفرضه عليكى وفى نفسى الوقت انتى حرة انتى كمان برأيك

وربنا يرحم كل شهيد ضحى ببروحه عشان بلده ويصبر اهلهم


الرجوع الى أعلى الصفحة اذهب الى الأسفل
شيريهان رياض
مشرف قسم
مشرف قسم


انثى
عدد الرسائل : 26460
العمر : 30
تاريخ التسجيل : 15/10/2010

مُساهمةموضوع: رد: كلام من القلب مع شعر من العقل   الخميس 17 فبراير 2011 - 5:34

تسلمى نونة على التوبيك الرائع ده

انا كمان كان وجهة نظرى زيك بالضبط رغم معارضة ناس كتير

بس فى الاخر كله نصيب وخلى اللى فى القلب قى القلب

مش كل الناس بتحزن او تفرح لنفس الاسباب دى سنة الحياة

بس المهم اننا نركز فى اللى جاى لانه اصعب بكتير من اللى فات

ويا رب احفظ مصر واهل مصر ونفضل دائما مرفوعين الراس
الرجوع الى أعلى الصفحة اذهب الى الأسفل
Admin
Admin
avatar

ذكر
عدد الرسائل : 8186
تاريخ التسجيل : 04/11/2008

مُساهمةموضوع: رد: كلام من القلب مع شعر من العقل   الخميس 17 فبراير 2011 - 9:53

أمي البت نونه انا عارفها

كانت بتموت فمبارك وكان نفسها يتجوزها

امي البت نونه شافته نظام جميل .. امي اصلها عشريه ومتواضعه وبتموت فقعده الحصير

أمي البت نونه كمان بتحب رجال امن الدوله .. ماهما اللي بيحفظوا النظام

هما اللي بيخلوها تنام مرتاحه و أشعروها بالأمان ..

يا امي يا غاليه الخير بيعم علي الجميع ومش عشان ابوكي مكسبه باليوميه مش حيكسب

من رجوع المسروقات حاجه .. لا .. حيكسب كتير أوي أوي

و أهم مكسب هوا الحريه

الحمد للله انك منزلتيش التحرير كان زمانك عاملينلك كليب زي بتاع تامر حسني

وهوا بيعيط و بيقول اصلي مكنتش فاهم

_________________
ـــــــــــــــــــــــــــــــــــ
منتديات رامي
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: كلام من القلب مع شعر من العقل   الخميس 17 فبراير 2011 - 17:26

ماشى ضنايا
بتتريق بعدين مش بعيط
الا لما حد يزعلنى وبموت فى لقمص
مانت عارف
بعدين انا مش زى حد ياخويا انا منفرده بنفسىوانا هنزل بيان نونه رقم
1 بعد الثوره
استودعكم الله لن اكتب اى اشعار
ولن ااعقب على الردود الا كما يحلو لى
واللى عنده حاجه عاوز يقولها يتفضل
حرية الرأى مكفوله ومبلوله للجميع

_________________
انا قطة المنتدى واللى يضايقنى هخربشو نياااااااااااااااو


عدل سابقا من قبل elbetnona في الجمعة 18 فبراير 2011 - 1:00 عدل 1 مرات
الرجوع الى أعلى الصفحة اذهب الى الأسفل
gaber1
مشرف أداري
مشرف أداري
avatar

ذكر
عدد الرسائل : 2368
العمر : 39
البلد : مصراوييييييييييييييي قوي اخر حاجه
العمل/الترفيه : بسرح بعربيه بطاطا
تاريخ التسجيل : 14/11/2008

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: كلام من القلب مع شعر من العقل   الخميس 17 فبراير 2011 - 21:52

خالتي الست نونه ام رامي طويله العمر

يطول عمرها ويزهزه عصرها وينصرها علي مين يعاديها

مش حزيد علي كلامك او كلام الي موافقينك الراي

ومش حزايد علي كلام ابنك رامي ولا موجاشي

هما قالوا الي يخص مصر وانا مع ماقال رامي وموجه قلبا وقالبا

حزود نقطه وحنط علي الي يخصني

لو كنتم عاوزين مبارك يخرج بكرامه هو سابنا نعيش

بكرامه في بلدنا الاول علشان نمنحه انه يخرج بكرامه !!!!!!!

لو كلمه العيال والزيطه الي كتباهم في شعرك الجميل جدا ده

علشان البيت ميقعشي او لزوم القافيه

حنعتبرها ابداع واحساس شاعر

اما لو تقصدي انهم شويه عيال وعاملين زيطه بجد

فوالله العظيم كم اتمني ان اكون

عيل وبرياله ولسه بلبس بامبرز بس اكون جزء من اصرار الي بتسميهم عيال دوول

يا خاتي العزيزه الذيذه

احنا والله اعلم بكل صدقي في كلامي رفعنا راسنا في وسط الغرب ووسط العرب

عرفوا اننا شعب ليس خامل ولا رافض انه يكون راجل

ياريتك يا نونه تعيشي لحظه في بلد غير مصر

وتشوفي احنا بيتبصلنا ازاي

ياريتك يا نونه تشفينا واحنا بنبكي لما بنشوف الشهداء الي ماتوا

بيد زبانيه النظام وتشفينا واحنا بنبكي من الفرح بان مصر انجبت رجال وليست الام العاقر

ياريتك يا نونه تحسي اني لما اقول انا مصري

في اي مكان بيفضلوني عن الامريكان بالمعامله في خلال اقل من شهر

اتكتب لينا شهاده ميلاد جديده في الغرب الداعي للحريات

وتابعي النشرات والي بيحصل حاليا في بلاد العالم

العالم كله بياخذ تونس ومصر مثال للانتفاضه الشريفه علي الظلم والقهر

وده بسبب العيال الي عامله زيطه

وصدقيني عشنا رجاله وبتمني اموت عيل برياله ويكتب اسمي بجوار اسم العيال دي

شكرا يا خالتي ومنوره المنتدي وولعيهاااااااااااااا ياونه ولا يهمك

ههههههههههههههههه

_________________
الرجوع الى أعلى الصفحة اذهب الى الأسفل
elbetnona
مشرف أداري
مشرف أداري
avatar

عدد الرسائل : 2260
تاريخ التسجيل : 05/11/2008

بطاقتي الشخصية
المدينه:
حكمه أعمل بها:

مُساهمةموضوع: رد: كلام من القلب مع شعر من العقل   الخميس 17 فبراير 2011 - 23:47

حبيب خالتو انت
والله فعلا كنت كاتبه زيطه وعبيطه مع القافيه و
فى حاجه كمان دى مش القصيده كلها
انا للاسف اختصرتها خاااالص
ولو لاحظت انها بدأه ببحرف جر (من)
لان القصيده كان ليها اول وليها اخر
بس انا مبحبش انافق حد انا جيت المنتدى وكنت زعلانه عاللى بيحصل
انت عارفنى من 3 سنين تقريبا
شوفتنى اتكلمت فى السياسة قبل كده؟
انا ولا افقه شئ ولا كنت اعرف اسم اى وزير حتى فيكى يابلد
كان اقصايا المحافظ بتاعنا الجمي
الدكتور محمد فتحى البرادعى
ربنا يكرمه بقى
وزير الاسكان والتعمير ومش هيلحق يتهنى بيها
قصر الكلام وصلنى رد فعلك ومبسوطه ان بقى ليكو هيبه
فى كلف حته بس البلد بقت وحشه
اوى اوى يمكن انتو بتقولو هيبقى ويبقى بس تفتكر امتى ؟
الامن هيستقر امتى ؟ همشى فى الشارع وانا مطمنه امتى ؟
هنام على فرشتى وانا مش خايفه اى حد يدخل عليا البيت يسرقنا ولا يقتلنا
بس كده عندى كلام كتير بس كسلانه اكتب

_________________
انا قطة المنتدى واللى يضايقنى هخربشو نياااااااااااااااو
الرجوع الى أعلى الصفحة اذهب الى الأسفل
toma
مراقب بالمنتدي
مراقب بالمنتدي
avatar

انثى
عدد الرسائل : 1457
العمر : 28
البلد : ف بيتنا عايزين حاجه
العمل/الترفيه : اخر سنه يالله محدش بياخد منها حاجه
تاريخ التسجيل : 05/05/2010

بطاقتي الشخصية
المدينه:
حكمه أعمل بها: الطاقه

مُساهمةموضوع: رد: كلام من القلب مع شعر من العقل   الأربعاء 2 مارس 2011 - 2:57

no comment بعد اللى اتقال دا كله بس ربنا يحفظ شعبمصر وربنا يسر علينا من الايام القادمه
الرجوع الى أعلى الصفحة اذهب الى الأسفل
sad girl
مرشح للأشراف بالمنتدي
مرشح للأشراف بالمنتدي
avatar

انثى
عدد الرسائل : 6819
العمر : 27
البلد : mansoura
تاريخ التسجيل : 02/07/2010

بطاقتي الشخصية
المدينه:
حكمه أعمل بها: الصداقه

مُساهمةموضوع: رد: كلام من القلب مع شعر من العقل   الأربعاء 20 يوليو 2011 - 21:44

تسلمى نونة على التوبيك الرائع ده
الرجوع الى أعلى الصفحة اذهب الى الأسفل
توتا محمد
عضو VIB
عضو VIB
avatar

انثى
عدد الرسائل : 715
العمر : 22
البلد : ام الدنيااااا
العمل/الترفيه : السفر وكتابه الاشعاررررر
تاريخ التسجيل : 17/07/2011

بطاقتي الشخصية
المدينه: اسوان
حكمه أعمل بها: طنش تعش تنتعش

مُساهمةموضوع: رد: كلام من القلب مع شعر من العقل   الأربعاء 20 يوليو 2011 - 21:49

تسلمي ياقمررررررررررررررر تسلم ايدناتك ياجميل تستهلي لقب الشاعره
الرجوع الى أعلى الصفحة اذهب الى الأسفل
MahMoud2001
عضو جديد
عضو جديد
avatar

ذكر
عدد الرسائل : 12
العمر : 35
البلد : القاهرة
العمل/الترفيه : طالب جامعيه لغات
تاريخ التسجيل : 02/08/2011

بطاقتي الشخصية
المدينه:
حكمه أعمل بها:

مُساهمةموضوع: رد: كلام من القلب مع شعر من العقل   الثلاثاء 2 أغسطس 2011 - 21:41

انت عارفنى من 3 سنين تقريبا
شوفتنى اتكلمت فى السياسة قبل كده؟
انا ولا افقه شئ ولا كنت اعرف اسم اى وزير حتى فيكى يابلد
كان اقصايا المحافظ بتاعنا الجمي
الدكتور محمد فتحى البرادعى
ربنا يكرمه بقى
وزير الاسكان والتعمير ومش هيلحق يتهنى بيها
قصر الكلام وصلنى رد فعلك ومبسوطه ان بقى ليكو هيبه
فى كلف حته بس البلد بقت وحشه
اوى اوى يمكن انتو بتقولو هيبقى ويبقى بس تفتكر امتى ؟
الامن هيستقر امتى ؟ همشى فى الشارع وانا مطمنه امتى ؟
هنام على فرشتى وانا مش خايفه اى حد يدخل عليا البيت يسرقنا ولا يقتلنا
بس كده عندى كلام كتير بس كسلانه اكتب
الرجوع الى أعلى الصفحة اذهب الى الأسفل
مراوى
وسام التميز
وسام التميز
avatar

انثى
عدد الرسائل : 4221
العمر : 25
البلد : مصر
العمل/الترفيه : طالبه جامعيه
تاريخ التسجيل : 17/02/2011

مُساهمةموضوع: رد: كلام من القلب مع شعر من العقل   الثلاثاء 2 أغسطس 2011 - 23:44

انا رأى من رأيك حببتى
الرجوع الى أعلى الصفحة اذهب الى الأسفل
 
كلام من القلب مع شعر من العقل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات رامي و أصدقاء جوستن تي في :: منتديات رامي :: قسم الشعر والأدب والقصه :: قسم خاص :: قسم مخصص للأنسه نونه-
انتقل الى: